التخطي إلى المحتوى

رواية حبك نار الفصل السادس 6 بقلم اسماء الكاشف

دخلت القاعة وراسمه ابتسامه مزيفة على وشي وجنبي غادة قرب مننا وعينيه كلها حب او خبث ماتقدرش تحدد من شخصيته الغامضة وكمان معروف انه بتاع بنات

# مش مصدق عيني البرنسيسة مروة بنفسها مشرفاني في حفلتي المتواضعة ووافقت تكون ضيفتي الجميلة قالها ومسك ايدي بطريقة رومانسية وبا*سها بحب وعينيه على عيني اتكسفت وسحبتها بسرعة شوفت ضحكته الخبيثة وقولت بتوتر

* شكرا يا اياد

ابتسم وانتبه لغادة إلى واقفه معايا وقالها

# ازيك ياغاده قالها ورفع ايديها وبا*سها برقة رفعت حاجبي ومستغربة منه منفتح زيادة عن اللزوم

# شرفتوني يا بنات تعالو اعرفكم على اهلي

واتحركنا معاه للمكان إلى شاور عليه عيلة جميلة وأنيقة

# ماما اعرفك على مروه إلى حكتلك عنها قبل كده

قالها لوالدته الى بصت عليه بتقيم وبعدين مدت ايديها تسلم وقالت بحب

* جميلة ذي ما اتخيلتك اياد حبيبى دايما بيكلمني عنك وكنت عايزه اشوف البنت إلى بيحبها

فتحت عيني بصدمة وبصيت عليه بغيظ وهو اتكسف وحط ايده على قفاه

* بيحبني هو قال كده ضحكت وقالت

^ مش بالظبط اووي بس انا ام وبفهم ابني من نظره اهتمامه الزيادة بيكي معناها ايه يا متعلمه

_ ماما لو سمحتي حاول يسكتها

^ اسكت ياواد انت ما صدقت اشوف مرات ابني قالتها بعشم كبير وفى ودنه اخر كلمه علشان ماسمعش

ضغط على شفا*يفى بس من جوايا فرحانه لوجود حد بيحبني يعني انا جميلة اتقذتني من الموقف ده غادة الى ابتسمت وقالت وهي بتمد ايديها

= انا غادة زميلتهم ياطنط

سلمت عليها بحب رغم انهم اغنيه وحفلات بس تحسها الام المصرية الأصيلة إلى بتحب عيالها وتتمني ليهم الخير كله قطع اللحظات دي أكثر شخص بيعصبني فارس

# خالتي حبيبتى قالها وحضنها رجعت خطوة لورا فارس واياد يبقوا ولاد خالات والاثنين متعلقين بيه سمعت غادة بتقولي

=اوبس يا حلوه وقعتي الاخوات في بعض

بصيت عليها بضحكة هتقلب عياط

* انا مالي هم إلى غاويين وجع قلب يله نختفي احنا قولتها وحاولت اتسحب لورا بس لا تأتي الرياح كما تشتهي السفن لما فارس ابتسم ليه وقال

# ايه ده مروه شرفتي حفلتنا ومد ايده يسلم عليه

هو لطيف حسسني بالذنب يمكن علشان اتعلق بيه وانا متجوزة مافيش امل بينا

أتردد شويه وسلمت بهدوء

* عن أذنكم يا جماعةشويه وبصيت عليه بهدوء وغيظ عينينا فضلت متعلقة ببعض شويه لأول مرة اخذ بالي من لون عينيه إلى ذي البحر الهادي وهو هادي فعلا وده إلى بيعصبني منه ويخليني اكون شر*يرة معاه وهو فضل مركز مع عيني إلى لون الزيتون قريبة من عين عاصم لدرجة أن كثير بيفتكرونا اخوات وخصوصا اني بقوله ابيه هزيت رأسي وبعدت ايدي بسرعةومشيت وسيبته بغضب وجت ورايا غادة تطمن عليه

* لو سمحتي يا غادة خليكي فى الحفلة انا خمس دقايق وهحصلك قولتها ومشيت على التواليت دخلت بغضب فضلت الف حوالين نفسي بغيظ وغضب

* غب*ية ياريتني ما جيت اديتهم امل وانا ايه أنانية عمالة اجرحهم وبسببي هيكون فى حر*وب مش حر*ب

وقفت قدام المراية وشوفت نفسي

* انا حلوه اهو الكل بيجري ورايا ليه هو لاء اه ياقلبي

فى الحفلة

غاده واقفة جنب مجموعة بنات وكل شوية تبص علي التواليت يمكن مروه تخرج كانت جميلة بفستانها الاسود كان طويل ومفتوح من الص*در فتحة صغيرة وسايبه شعرها مفرود مشيت خطوتين ووقفت جنب البار تقعد شويه وتكون شايفه مروه اوضح لو خرجت حست بشخص واقف جنبها التفتت ليه لقته بيمد ليها بكوباية عصير ابتسم بهدوء لما شافها سرحانة فيه وقالها

^ اتفضلي العصير

ابتسمت بكسوف وقبل ما ترفض قال

^ خذيه بقي متكسفنيش اخذته منه وقالت بكسوف

= احم شكرا بدءت تشرب منه بهدوء ابتسم ليها وقال

^ يعني لو متعتبريش ده تطف*ل مني بس ايه إلى مقعدك لوحدك فى حفلة ذي دى

= انا مش لوحدي صاحبتي معايا هي راحت تعمل مكالمة وجاية قالتها بكذب ما بتحبش تعرف حد أسرارها

^ اه وهي حل*وه ذيك فتحت عينيها بصدمة وبصيت عليه بخوف

= انت مالك قلي*ل الأ*دب بصحيح سابت الكوباية وقامت تمشي لحقها بسرعة ومسك ايدها ولفها ليه لأول مرة تبص على ملامحه وسيم بعيون بنية وفارق الطول واضح بينهم هي واصله لنصف صدره والعمر كمان باين سنه فى اخر العشرينات

^ انا اسف مقصدش قالها بصدق هزت رأسها مسحورة بيه فابتسم بلطف وقال

^متكسفنيش وكملي كوبايتك

بصيت علي ايده إلى مسكاها فسابها بحرج

^ اسف وشارو ليها رجعت مكانها تشرب العصير وكأن كلامه بيسحرها وبتنفذ أي حاجة بيطلبها عكس شخصيتها الحذرة

^ انا اسمي معاذ وانتي

كانت هترد عليه بس شافت عاصم داخل الحفلة عينيها وسعت بخوف

= يانها*ر ا*سود قالتها برعب وانتفضت من مكانها برعب وجريت من قدامه ذى الساندريلا إلى بتهرب من أميرها من غير حتي ما يعرف اسمها وهو وقف حاول ينادي عليها بس اختفت ذي ما ظهرت قدامه من العدم

السابع من هنا

قد يهمك أيضاً :-

  1. رواية روح الفهد الفصل الثالث عشر 13 - بقلم شهد حربي
  2. رواية روح الفهد الفصل العاشر 10 - بقلم شهد حربي
  3. رواية روح الفهد الفصل الحادي عشر 11 - بقلم شهد حربي
  4. رواية روح الفهد الفصل الثاني عشر 12 - بقلم شهد حربي
  5. رواية احببت الوجه الاخر الحلقة الواحد والثلاثون 30 بقلم اميرة احمد
  6. رواية احببت الوجه الاخر الحلقة الثلاثون 30 بقلم اميرة احمد
  7. رواية احببت الوجه الاخر الحلقة الثالثة والثلاثون 33 والأخيرة بقلم اميرة احمد

التعليقات

اترك رد