التخطي إلى المحتوى

– انا اسفة يا مستر والله اتاخرت عشان مكنش فيه مواصلات والطريق كان زحمة 

– اعتذارك مش مقبول ، انفضلي استنيني عند المديرة لما اخلص الحصة

– اتحرجت اوي وانا واقفة علي اول باب الفصل وهو بيهزء فيا ، انا عملت اي ده انا اتاخرت 10 دقايق بس، هو يعني عشان لسة جديد في المدرسة هيهزءنا كده 

– خرجت وانا مدايقة ومحروجة دي اول مرة تحصلي

خلص الحصة وانا واقفة في مكتب المديرة وهي كمان بتزعق ، انتو مالكو ده هما عشر دقايق

– خلاص يا استاذة سهير هي خلاص مش هتتكرها تاني ، انفضلي يا ورد علي حصتك التانية

– ورد وهي بتبصله بزعل : حاضر يا مستر

– ورد استني

– ورد : نعم يا مستر ادهم

– ادهم : معلش سامحيني مكنتش اعرف انها اول مرة تتاخري ، علي العموم الورق ده فيه الي شرحناه وتقدري تسأليني فيه في اي وقت

– ورد : شكرا يا مستر عن اذنك ، انا اسفة ممكن اسالك سؤال؟

– ادهم : ايه اشرحولك دلوقتي

– ورد : لا ، هو حضرتك يا مستر عندك كام سنة ؟

– ادهم : وبتسألي عن عمري ليه هتطلعيلي بطاقة ؟

– ورد وشها احمر من الكسفة والاحراج ، لا انا اسفة عن اذنك

– ادهم : استني بهزر معاكي يا ورد ، انا عندي 23 سنة ولسة متعين هنا ، لو كنتي حضرتي انهاردة كنتي هتعرفي عشان اتعرفت علي زمايلك ، متتاخريش بقا المرة الجاية

– ورد : حاضر مش هتاخر ، عن اذن حضرتك

– مشيت وانا مكسوفة وببص ورايا ، ده ؟؟ ده المدرس بتاعي ؟؟ ورد اتلمي انتي هنا بتتعلمي فقط يلاهوي ده انا هتعمد اتاخر عشان مبصلوش

وصلت الفصل كانت حصة تربية رياضية والفصل كان  فاضي، قعدت اقرا الرواية الي بحبها 

– اي يا ورد مشوفتيش المدرس القمر الي ادالنا فزيا انهاردة فاتك نص عمرك 

– ورد : لا مفاتنيش نص عمري ولا حاجة ، انتي الي بعقلك ده فاتك عمرك كله ، كونك تمدحي مدرسك بالطريقة دي يبقي عقلك مش ناضج ولا يهمك تعليم ولا منهج ، متزعليش من كلامي يا عليا بس لازم اقولك الكلام ده عشان انتي صاحبتي

– عليا : اقتنعت شوية بكلامك ، هحاول اسيطر متقلقيش ، انا بحبك اوي يا ورد بنصايحك ليا 

– ورد : ماشي يا ستي ، سبيني بقا اكمل الرواية وروحي هاتيلي من الكانتين  قهوة قولي لطنط القهوة لورد ، وهاتيلي منها كيك شكولاتة كتييير هوهوز يلا 

– عليا : ماشي يا ست المثقفة

-خرجت عليا من الفصل وانا بقرأ الرواية ووانا بقرا في حتة في الرواية دايقتني وكلمت نفسي بصوت عالي يتسمع ، مستر ادهم دخل عليا الفصل بس مسمعتوش كان داخل بالراحة وانا باصة في الرواية بس

– ورد : اي البطل الغبي ده يعني حببته خانته وطردته ومسحت بيه الارض ولسة بيحبها ، ايييه مفيش كرامة خالص ، لا سوري الكاتب مكانش ينفع يطلع البطل مهزأ كده

– ادهم اتكلم وهو بيقرب : وليه بقا منقولش ان الي بيحب عمره ما ينسي حتي لو زعل او اتكسر 

– قومت فجاة وخبيت الرواية 

– ورد : مستر ادهم ؟ في حاجة ولا ايه

– ادهم : بتخبي الرواية ليه ، انا كمان بحب اقرأ ، ممكن تقوليلي اسمها حابب اقرأها 

– ورد ابتسمت اول مرة تشوف مدرس بيحب الروايات

– ورد : اه طبعا اتفضل الكتاب كله انا يعتبر خلصتها

– ادهم :  شكرا ليكي هقرأها واما اخلصها هرجعهالك

ورد : لا عادي ممكن تخليها مع حضرتك مفيش مشكلة

قرأتي الورق ، قي حاجة مش فهماها ؟

– ورد : هو انا لحقت يا مستر لما اروح وان شاء الله بكرة هقول لحضرتك

– ادهم : حلو اسم ورد اوي علي فكرة انا بحب الورد اوي وعندي مشتل قريب من هنا

– ورد : بجد ، يعني مدرس وعندك مشتل وكمان بتحب الروايات 

– ادهم بطريقة بوشكاش : ومش بس كده بكتب كمان وبال لغة العربية الفصحي

– ورد : انت جامد بجد يا مستر ، طيب اي اكتر نوع بتكتب فيه ؟

-ادهم : الرومانسية والكوميدي

– ورد : طيب لو انا عايزة اقرأ الي حضرتك بتكتبه الاقيه فين ؟

– ادهم : والله انا بنزل علي اكونت الفيس بوك بتاعي ، اعملك ادد؟

– ورد : اه ياريت عشان باردو لو نزلت حاجة للفزياء 

– ابتسم ادهم : تمام يا ورد

– ادهم : انا هخرج دلوقتي عشان عندي حصة ، سلام

– خرج 

لا ياورد امسكي نفسك انتي ازاي تفكري كده ، ياريته كان عجوز ، ده اييه المرار الطافح ده 

– اليوم خلص وانا خارجة من المدرسة مع عاليا 

– ورد : اه خلاص يا ورد ، مين البت الي واقفة معاه دي !

يتبع…..

قد يهمك أيضاً :-

  1. رواية انتقام وعشق الفصل الخامس عشر 15 - بقلم اميرة محمود
  2. رواية يا انا يا هي (عشق الجاسر) الفصل الخامس 5 بقلم هاجر عبدالحليم
  3. رواية حبك نار الفصل التاسع عشر 19 بقلم اسماء الكاشف
  4. رواية غرام قلبي الفصل الأول 1 بقلم نبض القلب
  5. رواية غرام قلبي الفصل الثالث 3 بقلم نبض القلب
  6. رواية غرام قلبي الفصل الثاني 2 بقلم نبض القلب
  7. رواية غرام قلبي الفصل الرابع 4 بقلم نبض القلب

التعليقات

اترك رد