التخطي إلى المحتوى

                                                 رواية عشق وسيم  الفصل التاسع 9 بقلم نعمه شرابي

رواية عشق وسيم  الفصل التاسع 9 بقلم نعمه شرابي

 رواية عشق وسيم  الفصل التاسع 9 بقلم نعمه شرابي

خالد تعرفي اني فرحان بسماع صوتك
كل يوم وانك معايا
وتحت سقف بيتي وشايلاني وشايلة
ولادى بحبك ياعشقي فرحيني
عشق …..رفعت قضية طلاق
خالد….بجد بجد اخيرا اخدتي موقف
يااااه مش تتخيلي فرحتي
قد اية يااااااارب يااااااارب
كمل فرحتي واكمل عمري وانت مراتي
مراتي ياعشق
عشق وقد تملك منها الخجل….يارب
ياخالد ويرجعك لي بالسلامة
خالد …..تعرفي أن دلوقتي مش
خايف من العملية
ولا خايف من الموت
عشق بعد الشر عنك لية كدا يا خالد لازم تتعب قلبي معاك
خالد المهم ياقلب خالد اعملي حسابك
اول معدتك تخلص هكون خلصت العملية ونتجوز علي طول
عشق… انت بتقول ايه وفريحة أنا
مقدرش اكسر قلبها واخدك منها
خالد…. فريحة موافقة يا قلبي والله
وحياتي عندك ما تكسري بقلبي تاني
عشق….وولادي ياخالد المفروض انهم يكونوا عارفين انت متعرفش علي
دماغه راكبة شمال
خالد اسمعيني يا عشق سيبنا نعيش
اللحظة ونعيش حياتنا
ومش توقفي حياتي وحياتك علي كلمة من ولادنا
محدش فيهم عاش اللي إحنا عسلنه
ولا حد فيهم الدنيا قست
علية زينا يا عشق
مش كل ما نقرب توقفي المراكب السارية كفاية بعاااد عن بعض
كلمة هقولها ومش هعدها تاني
انت بتاعتي وهتكوني لية
لليلة واحده أن شاء الله بعدها أموت
فاهمة ياعشق وهحارب الكل
عشق …….. حاضر اللي عاوزه ربنا هيكون
علي فكرة ياخالد أنا بعت جبت طنط رقية وهي علي وصول
تعيش معانا علي ما انت ترجع بالسلامة
خالد… معقول وامي وافقت
تيجي الغردقة بتتكلمي جد يا عشق
عشق. … طبعا نحن هنا هو اي حد
يقول لها تعالي تيجي
خالد….. فعلاً طول عمرها بتحبك
اكتر مني وبتعتبرك بنتها
عشق وسيم طالب منك طلب وخائف
ترفضي وقالي أكلمك فية
عشق .. طلب أية خير لو في مقدرتي اعمله له هعملة مش
في مقدرتي يبقي اسفة واعزني وانا تحت أمره عشان خاطرك
كفاية سايب شغله وحاله وسافر معاك
خالد….. وده العشم بردك بعد أذنك
هو هياخد رقمك وايميلك
وتتواصلوا سوا موضوع بخصوص شغله
عشق…. اوك يا خالد طالما انت واثق في خلاص انا تحت أمره
خالد …. منحرمش منك يا حبي
خجلت عشق واغمضت عينها ولم تتكلم
خالد…. عارف اني بتعدي حدودي يا قلبي بس محتاج أحس بحبك لي
افرض دخلت العملية ومت
عارف هموت وانا شايل ذنب بس
حبي ليكي حب طاهر ويشهد الله
اني عمري ما فكرت فيكي تفكير يخذلك
عشق… ربي يحفظك ويسعدك يا قلبي
عارفة انك راجل وسيد الرجالة
ياخالد وان شاء الله لو لنا نصيب
لبعض بعد المقاسي اللي شوفناها
هنبقي لبعض قول يارب
خالد… يااااارب ياااااارب يا قلب خال
وهنا دخلا وسيم ومحمد علي خالد الغرفة
وسيم… كل ده حب الله يخرب بيتك
ساعتين مزهقتش
محمد…ولا عمره هيزهق ده عشق عمره
كانت عشق مازالت علي الهاتف وسمعت
كلامهم ومزاحهم أمسك خالد وسادة
كانت بجانبه وقام بالقائها عليهم
يلا برة الله يكسفكم
انطلقوا بالضحك وخرجوا واغلقو الباب
ووقفوا يدقون علية بنغمه ويغنون
جانا الهوا جانا ورمانا الهوا رمانا
خجلت عشق وهي تسمع لهم
عشق…. خالد اسيبك لهم فعلا الوقت اخدنا واتكلمنا كتير
خالد… آوام زهقتي مني كنا بنقول
علي وسيم هادم اللاذات
بقوا اتنين ربي يريحني منهم بس
بعد ما ارجعلك يا عشق عمري
عشق… ابدأ والله عمري ما ازهق منك
دانت كل دنيتي يا خالد ربنا
يرجعك لي بالسلامة يارب انت ومحمد
خالد… ماشي يا قلب خالد هاتي بقا
عشق…. اجيب أية
خالد…. حاجة من اللي عليكي
حسابك تقل أما نشوف هتسدي الزاي
قهقهت عشق وضحكت من قلبها
عشق …. بعينك يا روحي يلا سلام
خالد… أهون عليكي يا آسيا
عشق ……..متهونش علية علي
بوسات بقا
خالد….. الله الله أخيرا
سمع صوت محمد ووسيم اخيرا أية
فرحنا معاك
خالد… اقفلي يا عشق ابقي نتكلم بالليل
أما يناموا منهم لله قطاعين ارزاء
تبسمت عشق قائلة…سلام ياقلبي
أغلقت الهاتف ونظرت الي السماء
عشق …. يارب احفظ لي خالد ومحمد
ورجعهم لي يارب
عارفة أن مش من حقي اتجاوب مع خالد بس اعمل اية قلبي وأحنا ملناش
علي القلوب حاكم
يارب ارحمني من عذابي وعذاب ضميري سامحني يارب وجدت هاتفها
يرن كان علي ردت علية
علي…. اية يا ست الكل احنا داخلين
الغردقه اهوت هوصل لك الزاي
عشق…. عشردقايق اكون عندك
أقف في محطة السوبر چت مش تتحرك
ذهبت الي الفندق وطلبت من فريدة
إن تقلها بسيارة خالد الي محطة
السوبر چت لجلب أبنها وخالتها رقية
استقبلتهم عشق بترحاب كبير
وكانت فرحانه لوجود السيدة رقية معها
توجهوا الي شالية عشق ودخلوا
جميعا وقابلتهم هدى بالترحيب
رقية… هدى حبيبتي انت هنا
ردت عشق سريعا قبل أن تتكلم هدى
عشق…. آه يا طنط رقية وصلت
امبارح وهتقعد معانا أنا وانت
والولاد حبيت ألم حبايبي في
مكان واحد زي زمان
نفسي نرجع عيلة واحدة ونتلم
سوا مع بعض وخاصة في رمضان
رقية…ربي يجبر بخاطرك يا فريدة
يا بنتي ويريح قلبك قادر ياكريم
فريد الصغيرة ….وانا يا تيتة مفيش
لي دعوة حلوة زى مامي عشق
نظرت لها عشق بفرحة عندما
سمعت كلمة مامي من فريدة
عشق ….ربي يسعد أيامك واشوفك
احلي دكتورة انت ورنا بنتي يارب
علي….. مش هنخلص من حلقة
العشق الممنوع دي وتاكلونا
عصافير بطني بتنونو جوا تمن ساعات
سفر ياناس يا بخيلة
ضحك الجميع وقالت هدى يلا يا رنا انت وفريدة نحط الغدا زمان
تيتة رقية جعانه وانت يا رواد روح
هات طنطك فريحة من الفلا
تجمعوا جميعا في جو أسري جميل
يملئوه الحب والألفة وبعد الغداء
أخذت عشق علي وتوجهوا الي الفندق
انبهر علي بجمال الفندق والطبيعة
الجميلة هناك
دخلت عشق مكتبها بالفندق وجلست علي مقعدها خلف المكتب
عشق…. شوف ياعلي أنا هنا المدير التنفيذي للفندق مش مساعد شيف
زي ما قلنا لابوك
انت هنا هتمسك المشرف العام ع الفندق وهيبقي لك مرتب كبير
يعني أية بقا مشرف عام
انت هتبقي عيني هنا في الفندق
ده اولا أما ثانيا ..هتشرف علي خدمة الغرف وخدمة المطبخ والمطعم
والرسيبشن والنضافة اهم حاجة النضافة يا علي وتبلغني
باي تقصير ياعلي الفندق ده
أمانة برقابتي لحد ما صاحبة يرجع
بالسلامه أن شاء الله
انت مكتبك هيكون جمب الاستقبال
ومعاك اتنين شباب كمان
دول قددام هنا من فترة طويلة
مش عاوزة حد فيهم يحس اني امك
او في قرابه بينا ولا يحسوا انك اعلي منهم في رتبة التعين
واي استفسار يقف معاك تسألهم
وهما هيبقوا معاك يلا تعالي اعرفك
مكتبك عشان نرجع يكون عقدك جاهز
وتستلم شغلك من بكرة
عرفت عشق علي مكانه وكان سعيد
جدا أنه أخيرا وجد فرصة عمل جديدة
ظلت عشق هكذا توالي الفندق
وقد نست طلب وسيم الذي طلبه
منها خالد وكانت دائما علي اتصال
بخالد اكثر من خمس مرات باليوم
الي أن جاء اليوم قبل إجراء عملية
خالد وجدت رساله خاصه علي
التابلت الفندقي الخاص بها من وسيم
وسيم… 🥀 السلام عليكم ورحمه الله وبركاته 🥀كيفك مدام عشق واخبارك أية أن شاء الله تكوني بخير
طالب منك ساعتين من وقتك بس
هتقومي باستقبال فوج اسباني في
فندق مرسال الهوى بتاعي هو موجود
بالغردقه بس بعيد شوية
خلعت لك اللوكيشن بتاعة الفوج هيكون
موجود ع الساعة أربعة العصر
لو تكرمتي بس تامني الغرف وتظبطي للفوج من كافة شئ
تكوني مشكورة وهيكون في انتظارك
مترجم ومشرف سياحي
والإدارة عندها علم انك مكاني
ولكي مني جزيل الشكر والتقدير
✍️وسيم🥀
نظرت عشق الي ساعتها وجدتها الثانية عشرا ظهرا اخذت هاتفها المحمول
وارسلت رسالة لخالد كي يرسل
لها وسيم لوكشن الفندق
واتصلت بهدى كي تقول لها أن تجعل
رنا وفريدة يستعدون كي توصلهم للمطار بطريقها
ذهبت الي الشالية وتبدلت ملابسها
وأخذت الفتاتان وتوجهوا الي المطار
ومعهم سائق السيارة
وكانت كل ربع ساعة تفتح الواتس
كي تعرف أن وصل اللوكشن ام لا
وخطر ببالها أن تسال السائق بما أنه يعمل هنا من زمن اكيد يعلم
مكان فندق وسيم
عشق…. عم مدكور حضرتك تعرف
مكان فندق مرسال الهوى بتاع
مسيو وسيم شريك مسيو خالد
رد مدكور قائلا … ايوة يامدام
عشق اعرفه ودايما بودى خالد بيه
هناك تحبي تروحي
عشق …اه أنا راحة هناك عندي شغل
ياريت بعد مانوصل البنات نروح
علي هناك يا عم مدكور

يتبع …

لقراءةا لفصل العاشر  : اضغط هنا

                                                         لقراءة  باقي فصول الرواية : اضغط هنا

قد يهمك أيضاً :-

  1. رواية انتقام وعشق الفصل الخامس عشر 15 - بقلم اميرة محمود
  2. رواية يا انا يا هي (عشق الجاسر) الفصل الخامس 5 بقلم هاجر عبدالحليم
  3. رواية حبك نار الفصل التاسع عشر 19 بقلم اسماء الكاشف
  4. رواية غرام قلبي الفصل الأول 1 بقلم نبض القلب
  5. رواية غرام قلبي الفصل الثالث 3 بقلم نبض القلب
  6. رواية غرام قلبي الفصل الثاني 2 بقلم نبض القلب
  7. رواية غرام قلبي الفصل الرابع 4 بقلم نبض القلب

التعليقات

اترك رد