التخطي إلى المحتوى

ادهم : ورد هو انتي كنتي مفكرة ان نادين مراتي ؟

– ورد : لا انا ليه هفكر كده ، انا مالي بحضرتك ، نادين مراتك اختك دي حاجة متخصنتيش

– ادهم :طيب انا اسف ، بس زي ماتكوني فرحتي انها اختي

– ورد : اسفة لازم امشي اتاخرت عن اذنك

– ادهم : استني يا ورد اوصلك 

– ورد : قولت لحضرتك قبل كده بحب امشي

– ادهم : لالا مينفعش بقينا بليل ولازم هوصلك ، هدخل بس اجيب حاجة وننزل علي طول

– ورد ملحقتش حتي تتكلم ، ورد عايزة مشاعرها نحيته تموت من قبل ما تبتدي .. فضلت تبص علي اللوحات الي في الشقة بشكل شغفي 

-ادهم : عجبوكي اللوحات 

– ورد : هو انت الي راسمهم ، انت جامد جدا بتدرس وبتكتب وبتحب الورد وبترسم ، انت اقل ما يقال عنك فنان 

– ادهم : اكتر حاجة بحبها فيهم ، الورد ، بحب اسم الورد وريحته وجماله 

– ورد : مش هنمشي ؟

– ادهم : ايوا طبعا اتفضلي ، ممكن اطلب منك طلب؟

– ورد : اتفضل يا مستر

– ادهم : ممكن في مرة تسمحيلي ارسمك 

ضحكت : ترسمني ؟ هو انا حلوة للدرجادي ، فيا اي حلو للرسم ، اعتقد ممكن تقول لعاليا او اي بنت في الفصل تكون اجمل

– ادهم : انا مشوفتش بنت اجمل منك مش بس في الفصل ، مشوفتش في اي حتة

– ورد : والله يا مستر انا عارفة انها مجاملة ، لكن في احلي مني

– ادهم : بقولك انا دورت وملقتش ، سبيني ارسمك المرة الجاية عشان اوريكي انتي قد اي جميلة

– ورد : طيب ممكن توصلني انا كده اتاخرت

– ادهم : تمام يلا 

نزلو وركبو العربية ووصلها 

– ادهم : سلام يا ورد ، اوعي متجيش بكرة 

– ورد : حاضر يا مستر

مشي

– ورد : متقلقش يا مستر انا مش هاجي خالص

تاني يوم♥️

مامت ورد : ورد يا روحي ، مش هتروحي المدرسة ؟ الساعة بقت 7 ونص

– ورد كانت صاحية من بدري اصلا قاعدة في بلكونتها بتشرب شاي بلبن وبتفطر

– ورد : ماما ممكن تقعدي عايزة اتكلم معاكي

– مامت ورد : خير يا ورد ، في ايه ، الله الله ايه روقانك ده قومي. وحي المدرسة

– ورد : ياماما ده الموضوع الي عايزاكي فيه

انا عايزة اعمل اجازة مرضي لمدة شهر

– ماما : نعمم انتي فيكي ايه مانتي زي الحصان اهو ماشاءالله

ورد : عارفة يا ماما الحمدلله بس ارجوكي وافقي وهقولك كل حاجة في النهاية ، انتي مش دايما عايزة راحتي ، هقولك والله بس مش دلوقتي

– ماما : اوعديني الاول انها مش حاجة غلط او تتضرك

– ورد : وانا من امتي بعمل غلط ، ده حتي في مصلحتي ، هتعمليلي اجازة ؟؟

– ماما : امري لله ، بس هقولهم ايه المرض ؟؟

– ورد : انا كنت عاملة الزايدة قريب صح ، قوليلهم في مضعافات وفعلا علي فكرة كل فترة قصيرة بتوجعني 

– ماما : تمام يا حببتي هروح بكرة اشوف الاجراءات

– ورد : لااا بكرة ايه ، روحي انهاردة عشان ننجز

– ماما : ماشي ، وريني كده بتفطري ايه 

ضحكوا وقعدوا يفطروا سوا بكل سعادة

خرجت مامتها ومعاها الي يثبت عملية الزايدة وراحت مدرسة ورد 

ورد خلصت فطار ، لقت عاليا بترن عليها

– ورد : خير يا عاليا بترني ليه ؟

– عاليا : انتي فين يا بنتي ، المستر ادهم كل سوية بيسأل عليكي لغاية اما قالي كلميها 

– ورد بصت للسما بحزن وردت : انا عملت اجازة لمدة شهر وطبها انتي عارفة السبب ، قوليلو كده فعلا وماما اصلا زمانها عندكم بتعملي الاجازة

– عاليا : اه وسبتيني انا بقا هنا كل شوية اتسأل عنك

– ورد : كبري دماغك وهو لما يعرف اني اخت اجازة هينسي 

انتي عارفة اني عملت كده عشان ده غلط ، مشاعري لازم اتخلص منها قبل ما تبتدي حتي ، انتي اكيد فهماني يا عاليا

-عاليا : فهماكي يا دودو 

طيب انا هقفل عشان المستر بيقرب وهيسالني عليكي للمرة العشرتلاف

– ضحكت : ربنا معاكي

– قفلت ورد وهي بتبص للسما ، هو واحشها اوي بس ده المستر يا جدعاان ، يعني هو مكنش ينفع يستني لما يبقي عند ستين سنة ويجي يدرسلنا ؟

– في المدرسة

– ادهم : ها يا عاليا ورد قالتلك مجاتش ليه ؟

– عاليا : هو ليه حضرتك دايما بتسأل عن ورد ، هو في حاجة ؟

– ادهم : مش تلمذتي اكيد بطمن عليها ، اممم قالتلك ايه

– عاليا ببرود : مفيش اخدت اجازة مرضي لمدة شهر

– ادهم : ايييييه ، هي تعبانة ولا اييه

– عاليا ببرود : متقلقش كده يا مستر ، هي كويسة 

– ادهم بيكلم نفسه : امال اخدتها ليه هيا مش قيلالي هتيجي انهاردة ، انت اصلا بتفكر فيها ليه ، امشي يا ادهم ادخل الحصة بلاش هبل

– مامت ورد : صباح الخير انا مامت ورد وجاية اعمل شهادة مرضية لبنتي وبدات تحكي

بعد اما خلصت لقيت ادهم بيكلمها

– ادهم : هو حضرتك والدة ورد ؟

– ماما : ايوا انا هي عملت حاجة ولا ايه

– ادهم : لالا ابدا انا بس بسال عليها عشان عرفت انها تعبانة

– ماما في سرها : ماهي قاعدة زي الحصان في البيت

– اه يابني هو انت مين

ادهم : انا مدرس فزياء هنا ، عن اذنك ، ابقي سلميلي علي ورد

– روحت مامتها البيت 

– بت يا ورد انتي كل الناس كده بيسالو عليكي لما تغيبي

– ورد : مين ياماما

– مدرس كده اسمه ادهم ، هو مدرس ازاي وهو صغير كده

– احنا مالنا يا ماما ، المهم خلصتيلي الاجازة

– ايوا خدي ، انا هدخل اطبخ 

ماشي يا ست الكل

– ورد بتتهرب منه مش عايزة تشوفه او حبها يزيد ، هل هي فعلا هتنسي وهتتعامل عادي ولاهيحصل حااجة 

– عدا اسبوعين وورد كادت تنسي حبها ، وادهم بطل يسأل عليها ونساها خالص ،هو كمان كان ابتدا يتحرك عنده مشاعر لكن فاق زي ورد بالظبط

– بعد اسبوعين ورد راحت المدرسة تشوف صحابها 

– ورد : عاليا وحشتوني اوي ، ازيكم 

سلمت عليهم كلهم ، وادهم بيقرب منهم

ادهم: حمدلله علي السلامة يا ورد

– ورد : الله يسلمك يا مستر 

بصت في ايده : دبلة !

– ادهم : مش تباركولي يابنات ، مش انا خطبت

– كل البنات قالو باحباط : الف مبروك يا مستر 

ومشوا 

ورد تنحت شوية ولفت ضهرها وهي بتقول الف مبروك يا مستر ربنا يتمملك بخير وابتدت تاخد خطواتها وتمشي 

– ادهم : استني يا ورد ، انتي معزومة ان شاء الله ، يوم الخميس الي جاي 

-ورد بدموع : اها اكيد هاجي 

ادهم : مش باين انك فرحانة

– ورد ابتسمت : لا اكيد فرحانة الف مبروك 

ومشت بخطوات سريعة وهي بتبص وراها ولفت وشها 

ورد : هو انا متدايقة ليه ، مانا كنت خلصت من ام الموضوع ده ، يادي النيلة

انا قررت هحول من المدرسة دي عشان ارتاح ، ايوا لما ابعد عن وشه اكيد هنسي تماما

ادهم : تنسي ايه ؟؟!

قد يهمك أيضاً :-

  1. رواية روح الفهد الفصل الثالث عشر 13 - بقلم شهد حربي
  2. رواية روح الفهد الفصل العاشر 10 - بقلم شهد حربي
  3. رواية روح الفهد الفصل الحادي عشر 11 - بقلم شهد حربي
  4. رواية روح الفهد الفصل الثاني عشر 12 - بقلم شهد حربي
  5. رواية احببت الوجه الاخر الحلقة الواحد والثلاثون 30 بقلم اميرة احمد
  6. رواية احببت الوجه الاخر الحلقة الثلاثون 30 بقلم اميرة احمد
  7. رواية احببت الوجه الاخر الحلقة الثالثة والثلاثون 33 والأخيرة بقلم اميرة احمد

التعليقات

اترك رد