التخطي إلى المحتوى

هو..

فقط..السلطان سليم..وكفى..

بالقصر..

خديجه:ببكاء..عائشه خانو..ارجوكى فوقى..

أسرعت واجلبت كوب من المياه ونثرت منه على وجهها..

لتشهق عائشه وتفتح عيونها بفزع وتتحدث بلهفه..

عائشه:فيروز..يابنتى..انتى فين يا حبيبتى..

خديجه:ببكاء..ارجوكى وطى صوتك..لو حد سمعنا هنروح فى نصيبه..بكت بنحيب..واطمنى فيروز باذن الله هترجعلنا..

عائشه:بيقين..انا ثقتى بالله كبيره..وعارفه ان السلطان سليم عادل وحكيم..نظرت لها..بس فهمينى ليه عملتو كده..

خديجه:بندم..انا السبب..انا اللى قطعت التمثال بتاع السلطانه زمن..وطلبت من فيروز تقف مكانه على ما أصلحه..

لانها شبه السلطانه تمام..

رفعت عائشه كف يدها ومسحت به وجهها وتحدثت ببتسامه ساخره من بين دموعها..

عائشه:فيروز مش شكل السلطانه زمن نهائى..

خديجه:بتأكيد..لا شكلها انا شوفت التمثال..

عائشه:لكن انا مشوفتش التمثال بس شوفت السلطانه على الحقيقه..

فيروز بنتى والسلطانه زمن بينهم فرق كبير جدا..والسلطان بسهوله هيقدر يعرف ان التمثال دا مش مراته..

تنهدت..ازاى فكرتو فى الفكره الفظيعه دى..

بكت بنحيب..السلطان من اول نظره هيعرف انها مش السلطانه زمن مراته..وانها بنتى..فيروز..

^^^^^^^^^^^^^^^^^^^^^^^^^^^^^^^^^

..بقصر الجبل..

..سليم..

يحاول افاقتها بشتى الطرق..

بوهن تستعيد وعيها وعندما تقع بنظرها عليه تفقد وعيها مره اخرى..

برفق وضعها على السرير ودثرها جيدا بالغطاء وسحب احدى الاربطه لينسدل وشاح حول السرير يخفى من بداخله..

واتجه نحو الباب ونادى بعلو صوته..

سليم:يا حراس..احضرو لى طبيب القصر حالا..

بسرعه البرق كان حضر الطبيب..

اقترب سليم من السرير وخلفه الطبيب وظهر فقد مكان جرح فيروز..وتحدث بقلق شديد..

جرح خنجر..

الطبيب..

يتفحص جرح فيروز تحت انظار سليم المتلهفه..

وبقلق واستغراب تحدث سليم..

الجرح صغير.. ليه بينزف بغزاره كده؟؟!!..

الطبيب:بحترام..مولاى..واضح انها خائفه للغايه ودا سبب النزيف الغزير..

سليم:بأمر..وقف النزيف حالا..

الطبيب:امرك مولاى..

بصعوبه..سيطر الطبيب على نزيف جرحها من شده فزعها ورعبها الواضح بشده على ملامحها الشاحبه..

واخيرا..فتحت عيونها بوهن..تنظر حولها بعيون مرتعبه..

حتى وقعت بنظرها على السلطان الجالس بجوارها خلف الوشاح.. بهيبته ووقاره..رافع رأسه بشموخ وينظر لها بملامحه الصارمه نظره جعلتها فقدت وعيها مره اخرى..

جز سليم على اسنانه وتحدث بغضب..

مش معقول يكون دا طبيعى..دى فقدت وعيها اكتر من مره..

نظر الطبيب للسلطان بقلق وتحدث بخوف..

مولاى..شده خوفها هو سبب اغمائها..

سليم:بأمر..تقدر تنصرف انت..

على الفور نفذ الطبيب الامر واتجه للخارج..

أزاح الوشاح عنها..ونظر لها طويلا يتأمل ملامحها باعجاب شديد وشبه ابتسامه اكثر من رائعه ظهرت على وجهه..

مد يده أمسك زجاجه العطر سكب منها على يده وسار بأصابعه على وجهها وانفها بحنان..

وهمس بأذنها..فوقى..

بجسد ينتفض بشده..رمشت بعيونها اكثر من مره..

ابتعد هو عنها وهب واقفا ظنا منه ان قربه منها هو سبب خوفها وفزعها..

ببطئ فتحت عيونها ببطئ ولم تنظر له..

فقد تبكى بصمت..

..اهدى..

نطق بها سليم..

بعدما شعر بنتفاضها وارتعاش جسدها بقوه..

حاولت هى النهوض لكنه اشار لها واكمل ببتسامه..

خليكى زى ما انتى..

جذب كرسيى وجلس امامها مستند بمرفقيه على ركبتيه وتحدث بصوته الرجولى ذو البحه المميزه..

انتى من حريمى؟؟!!..

حركت فيروز رأسها بلا..

نظر لها بشك..

من الجوارى؟!!..

حركت رأسها بلا ايضا..

عبس بملامحه واكمل بتسائل..

انتى مين بالظبط..رفع أحدى اصابعه بتحذير..من غير كدب..

ابتلعت ريقها بصعوبه وببطئ رفعت عيونها الدامعه ونظرت له نظره أطاحت بقلبه وببكاء همست..

فيروز:انا خايفه..

جملتها هذه جعلته يود بشده ان يجذبها داخل حضنه ويعتصرها بكل قوته..بل ويغرقها بوابل قبلاته الساخنه يمحى بها خوفها وفزعها هذا..

اغمض عينه بعنف..واخذ نفس طويل ومن ثم ابتعد بعيناه عنها وتحدث بهدوء ونبره صوت حانيه..

سليم:خايفه علشان اكيد عارفه ان اللى عملتيه غلط..

نظر لها بتفحص..حد بعتك تقتلينى..

شهقت بعنف واعتدلت جالسه وتحدثت بنفى..

فيروز:لا ابدا يا مولاى..نظرت لعيناه بستحياء..اقسم لك..

اعتدالها المفاجئ سبب لها بوادر دوار..فاغمضت عيونها بألم ورفعت يدها على جبهتها وتأوهت بصوتا هامس..

أسرع هو وهب واقفا وجلس جوارها يتفحصها بلهفه وتحدث بقلق..

سليم:لسه دايخه؟؟!!..

مالت بجسدها قليلا..فلتقطها هو لداخل حضنه جعل رأسها مستنده على كتفه واكمل بتوتر ملحوظ من قربها هذا الذى اصبح يعصف بكيانه..حاسه بأيه..

ببتسامه من بين دموعها همست..

فيروز:دايخه شويه..رفعت وجهها ونظرت له بهيام وهمست..

بس دلوقتى مبقتش خايفه..تمعنت النظر لعيناه اكثر..

واسمى فيروز يا مولاى..

بأنفاس لاهثه قليلا..ينظر لعيونها بعمق..

طالت نظرتهم قليلا..وعلى مضض ابتعد عنها وجلس مره اخرى على الكرسيى امامها وتنحنح محاولا اخراج صواته..

سليم:اححححم..نظر لها وجدها خافضه عيونها عنه بأحترام..

ببتسامه وأستمتاع شديد همس..فيروز..

رفعت عيونها ونظرت له بخجل وابتسامه اكثر من رائعه وهمست برقتها المعهوده..

فيروز:أمرك مولاى..

تنهد هو بصوتا مسموع من صوتها العذب ونظرتها الناعسه التى تجعل قلبه ينبض كالطبول..حاول رسم الجمود على ملامحه وتحدث بجديه..

سليم:انا سامعك..احكى بالتفصيل سبب وجودك بالقصر وازاى قدرتى تدخلى جناحى..وفين تمثال السلطانه زمن..

اخذت فيروز نفس عميق..وبرجاء طفولي تحدثت..

فيروز:الامان يا مولاى..

نظر لها بحاجب مرفوع وحرك رأسه بالايجاب..

رمشت هى اكثر من مره بعيونها وبللت شفاتيها بلسانها..

فعلتها هذه جعلته يضم قبضه يده بقوه ونظره مسلط على شفاتيها بعيون تتوق شوقا للتهامهم..

ببراءه ورقه شديده تحدثت هى..

يا مولاى انا بشتغل فى القصر..

وصديقتى المسؤله عن تنضيف جناح جلالتك وقعت فى مصيبه وطلبت مساعدتى لكن اقسم لك احنا مكناش نقصد اى شئ..نظر لها يحثها على استكمال حديثها..

تنهدت هى واكملت بخوف..تمثال السلطانه زمن اتقطع من صديقتى وهى بتنظفه..وطلبت منى اقف مكان التمثال على ما تصلحه لانى اشبه للتمثال بشده..

وانا وافقت اساعدها..

سليم:بستغراب..وافقتى تسعديها ازاى وانتى عارفه انك مختلفه عن التمثال؟؟!!..

رفعت عيونها ونظرت له بخجل شديد وهمست بتقطع..

فيروز:كنت بتمنى اشوف جلالتك يا مولاى..دا بس اللى فكرت فيه وقتها..

بصعوبه..يجاهد ليرسم الجمود على ملامحه..

صمت قليلا واكمل بتسائل..

سليم:وصحبتك ازاى قطعت التمثال وقطعته منين؟،!!..

بدون قصد وبصدق شديد تحدثت..

فيروز:قرصته من هنا..أشارت بيدها على صدرها..طلع فى ايدها..

اتسعت اعين سليم بصدمه وابتلع ريقه بصعوبه وتحدث بزهول..

سليم:قرصته منين؟!!..

همت فيروز بالاشاره على نفسها مره اخرى لكنها انتبهت على حالها سريعا وبدون تفكير كانت مددت يدها الصغيره لصدر السلطان وضعت كفها عليه وهمست ببكاء مصتنع..

فيروز:عااااا..من هنا يا مولاى..

كهرباء..صاعقه قويه شعر بها بكافه انحاء جسده من لمستها هذه..

شعرت هى بسرعه دقات قلبه تحت يدها..فبعدت يدها سريعا.

يلتقط هو انفاسه بصعوبه..

خفضت هى وجهها وبخوف همست بسرها..

يانهارى هو بينهج كده ليه..

هب هو واقفا مولايها ظهره..

فاسرعت بالوقوف هى الاخرى..

حاول هو السيطره على انفاسه المسلوبه وتوتره الملحوظ وبصرامه تحدث..

سليم:اللى عملتوه كان غلط..وانتو صلحتو غلط بغلط اكبر..

ولازم تتعقبو..صمت لوهله..وخصتا انتى..

فيروز:ببكاء..امرك مولاى..انا راضيه بعقوبه جلالتك..بس طالبه الامان لاسرتى وصديقتى..

صوتها..واه والف اه من صوتها..يفقده عقله وتركيزه..

وبدون اى مقدمات..كان التفت لها وجذبها من خصرها فجأه لاصقها به جعلها تشهق بعنف ومال بوجهه أمام شفاتيها وهمس بأمر..

سليم:تبقى من حريم السلطان..تأمل ملامحها بعيون هائمه وهمس بأنفاس ساخنه تلفح بشرتها..ودى عقوبتك..

نهى حديثه..والتقط شفاتيها بقبله عميقه لهوفه لأقصى درجه ويتأوه بستمتاع بصوتا مسموع..

رفعت يدها ودفعته بصدره تبعده عنها بضعف..

على مضض ابتعد عنها ونظر لها بعيون تشتعل برغبه حارقه..

بدلته هى النظره بأخرى باكيه وتحدثت بأسف..

فيروز:بعتذر لجلالتك يا مولاى..انا مش جاريه ولا عبده..

انا أمرأه حره..صمتت قليلا واكملت بخوف واضح..

ومش هقبل اكون من حريمك..

تحولت نظره سليم لأخرى حارقه من شده غضبه و؟؟؟؟؟؟!!

قد يهمك أيضاً :-

  1. رواية انتقام وعشق الفصل الخامس عشر 15 - بقلم اميرة محمود
  2. رواية يا انا يا هي (عشق الجاسر) الفصل الخامس 5 بقلم هاجر عبدالحليم
  3. رواية حبك نار الفصل التاسع عشر 19 بقلم اسماء الكاشف
  4. رواية غرام قلبي الفصل الأول 1 بقلم نبض القلب
  5. رواية غرام قلبي الفصل الثالث 3 بقلم نبض القلب
  6. رواية غرام قلبي الفصل الثاني 2 بقلم نبض القلب
  7. رواية غرام قلبي الفصل الرابع 4 بقلم نبض القلب

التعليقات

اترك رد