التخطي إلى المحتوى

   رواية أحببت هذه العنيدة الفصل الأول بقلم بسمة صلاح

يمنى:صباح الفل يا مديرنا ياقمر

المدير:مخصوملك يوم كامل 

يمنى:اي ده هو يعني علشان اتأخرت ساعه…راح بصلها..ماشي ساعتين.. بصلها تاني…خلااااص اتأخرت خمس ساعات بس كنت نايمه والحاجه راحت عليها نومه

المدير:الحاجه امك صح

يمنى:صح بص بقا يامستر جلال خلينا حلوين مع بعضينا كدهو

جلال:لا مهو مش علشان انتي بنت صاحبي فهعدي الموضوع روحي على شغلك وحسابك معايا بعدين

يمنى:اووف بقا ده ظلم

جلال:بتقولي حاجه

يمنى:بقول حاضر رايحه اهو

راحت مكتبها وهي سكرتيره مستر جلال وقعدت تشتغل 

   &&&&&&&&&&&&&&&&&&&&&&&&&&&&&&&&&&

نروح لمكان تاني

يامن:صباح الخير

نجلاء(والدته): صباح الخير ياحبيبي كل ده نوم 

يامن:سهرت مع صحابي شويه وجيت الصبح اوعي يكون بابا عرف

نجلاء:متقلقش معرفش حاجه

يامن:طيب هنزل انا اشوف صحابي

نجلاء:مش هتروح الشغل

يامن:وانا من امتى بروح يعني يلا سلام يانونو

  &&&&&&&&&&&&&&&&&&&&&&&&&&&&&&&&&

جلال:يمنى يلا علشان اوصلك في طريقي 

يمنى: والله ياعمو جلال انت عسل… برقلها قصدي يامستر جلال

جلال:يلا يا مجنونه

وصلها وطلع قعد مع باباها

جلال:ازيك يا راجل ياعجوز

على:اهلا ياجلال عامل اي

جلال: الحمدلله ياحبيبي 

على:البت دي عامله معاك اي

جلال:مزهقاني في عيشتي بفكر ارفدها

يمنى:كده ياعمو طب مش هجبلك البسبوسه اللي انا عملاها

جلال:قصدي بفكر اعملها ترقيه

وضحكوا واتكلموا شويه ويمنى دخلت تنام 

على:ها ياجلال يامن عامل اي

جلال:تاعبني والله طول الليل مع صحابه وأمه بتداري عليه وطول النهار نايم مش بيجي يشتغل حتى معايا

على:شباب عقلهم طايش هيجي يوم ويشتغل معاك  وهيعقل متقلقش

جلال:يارب يلا همشي انا بقى

على:اقعد شويه معايا 

جلال:خليها مره تانيه يلا سلام عليكم

على:وعليكم السلام

   &&&&&&&&&&&&&&&&&&&&&&&&&&&&&&&&&

جلال:سلام عليكم 

نجلاء:وعليكم السلام

جلال:اومال فين البيه 

نجلاء:خرج مع أصحابه شويه

جلال بزعيق:هو كل يوم يرجع وش الفجر هو الواد مش راضي يعقل بقا

نجلاء:ده لسه صغير فيها اي يعني

جلال:ده عنده ٢٩سنه وتقوليلي لسه صغير مهو من دلعك لي انا داخل انام

بعد الفجر

يامن داخل يتسحب

جلال:اهلا بالبيه مالسه بدري

يامن:عامل اي يابوب وحشني والله

جلال:بقولك اي انا جبت اخري منك انت هتتعدل امتى يلا 

يامن:في اي بس انا عملت اي 

جلال:انت مبتجيش الشغل لي

يامن:مانت عارف أن انا بقالي فتره مبروحش اي اللي جاب الكلام دلوقتي

جلال:طيب طلما مش هتشتغل يبقا اصرف على نفسك أو خلى امك تصرف عليك 

جلال طلع نام وساب يامن في الريسيبشن

يامن:وماما تقولي متقلقش ميعرفش حاجه انا تعبت والله هروح انام بقا

جلال خطرت في باله فكره بس كان متوتر منها كلم على 

على بنوم:الو مين

جلال:انا جلال ياعلي فوق معايا كده 

على:في حاجه ياجلال ولا اي انت تعبان ولا حاجه

جلال:لا متقلقش بص في حاجه عايز اقولها لك وانت عارف أن يمنى زي بنتي بالظبط بس مفيش غير الطريقه دي اللي هتعدل الزفت ابني

على:قول ياجلال متقلقيش

حكاله جلال وقاله على الخطه وعلى وافق بعد مده طويله 

  &&&&&&&&&&&&&&&&-&&&&&&&&&&&&&&&&&&&

جلال:يمنى تعالي على مكتبي

يمنى:حاضر يامستر جلال

دخلت يمنى بعد ماذنلها بالدخول

جلال:تعالي يايمنى اقعدي

قعدت

جلال:بصي يايمنى انتي عارفه انك بنتي وبحبك بصي انا هطلب منك طلب واتمنى انك توافقي 

يمنى:قول ياعمو جلال انت تؤمر انت زي بابا بالظبط

جلال:وده عشمي فيكي (………….)

يمنى:ايييي

قد يهمك أيضاً :-

  1. رواية وتيني الفصل العاشر 10 بقلم شيماء أشرف
  2. رواية وتيني الفصل الحادي عشر 11 بقلم شيماء أشرف
  3. رواية وتيني الفصل الثاني عشر 12 بقلم شيماء أشرف
  4. رواية وتيني الفصل الثالث عشر 13 بقلم شيماء أشرف
  5. رواية الطفلة والجبار كاملة بقلم ميرا ابو الخير
  6. رواية وتيني الفصل الخامس عشر 15 بقلم شيماء أشرف
  7. رواية وتيني الفصل السابع عشر 17 بقلم شيماء أشرف

التعليقات

اترك رد