التخطي إلى المحتوى

  رواية الكابوس الفصل الرابع بقلم اسراء الكادي

ماتت علي ايد اسر*ئيلي،، فقدت نفسها وشرفها وحياتها بسببه..كل اللي حواليها فاكرينه برئ محدش يعرف الحقيقه غيرهاا ممكن تفضل طول عمرها عايشه في سواد بسببه … 

كل دي افكار كانت بتتخيلها إسراء كل ما دانيال يقرب منها اكتر كل ما بيقرب كل ما الخوف والرعب يتملك منها .. 

إسراء بخوف_دانيال لو سمحت انا عايزه امشي ممكن تبعد عن طريقي 

ضحك دانيال بصوته كلها _هو انا عملت حاجه علشان تخافي كده مالك؟ 

إسراء _طيب لو عايز تتكلم ممكن تبعد شويه خلي بينا مسافه .. 

بعد دانيال عن طريقها ووقف حاطط ايديه في جيبه وهو بيقول _اهو اديني بعدت 

إسراء_تمام انا عايزه امشي 

قرب دانيال منها تاني وإسراء كل ما بتبعد كل ماهو يقرب اكتر

دانيال بخبث_تؤتؤ تمشي تروحي فين بس خلينا هنا احسن لوحدينا.. 

ضربته إسراء في بطنه وطلعت تجري بس هو كان اسرع منها ومسكها من ايديها . . 

إسراء ببكاء_حرام عليك ابعد عني. 

دانيال_ايه قلبتي قطه دلوقتي في ايه مش كنتي عاملالي فيها شبح اول ماجيتي وهقتله وبتاع هههههه.

إسراء بصوت عالي وبكاء_انت كائن قذر وزباله هتفضلو دايما اوسا*خ كده عمركم ما هتنضفو انا كنت متأكده انكم استحاله تتغيرو انت هتفضل إسر*ائيلي معفن وخاين ي ****

كلام إسراء خلي دانيال في قمة غضبه منها ومحسش بنفسه وباللي بيعمله لدرجة انو قطع كُم بلوزتها بغضب ومش حاسس.  

إسراء بعياط بس حاولت تكون قويه قصاده_انت انت حيوااااان ايه اللي عملته ده. 

دانيال_انتي لسه شوفتي حاجه دي لسه البدايه واقولك علي حاجه انا الموضوع عجبني ف خليكي حلوه معايا كده.. 

بصتله إسراء وهيا بتعيط =فاكرني هسكت واسيبك اصحي يالا انا مبكرهش في حياتي قدكم يا زباله.. اقسم بالله لو قربت مني خطوه كمان لااكون مخلياك تندم وتعيط علي اليوم اللي قابلتني فيه. 

دانيال خلاص فقد اعصابه فعلا ووصل لقمة الغضب من كلام إسراء وقوتها قصاده قرب منها اوي وهيا بتبعد لحد ما خبطت في الحيط وراها وهو وقف قصادها وضحك بصوته كله وعيونه ماليانه شر

دانيال_اهوو اديني وقفت قصادك وبحركه واحده اقدر انهيكي وبصي كمااان _قطعلها دانيال كُم بلوزتها التاني وقرب منها اكتر واكتر وإسراء لسه بتعيط وبتحاول تداري جسمها. 

دانيال _ششششش اخرسي انا ه…. 

قبل ما دانيال يكمل كلامه كانت اسراء صرخت بصوتها كله _الحقوووووووني ابعدددددد عني ياحيوااااان الحقوووني 

مسكها دانيال من وشها بسرعه دانيال بغضب_محدش هيسمعك خااالص وهن…. 

في اللحظه دي كانت رهّف واقفه قصادهم وهيا مصدومه من المنظر اول ما اسراء شافتها زقت دانيال بسرعه وطلعت تجري عليها.

رهّف بصدمه_في ايه إس اسراء ايه الي بيحصل هنا وايه اللي عمل في لبسك كده

دانيال كان واقف مصدوم ومش عارف يقول ايه او يفكر في ايه بالظبط واسراء كانت في حضن رهف بتعيط 

إسراء ببكاء وهيا بتنهج_رهّف رهّف ابعديه عني والنبي كان عاايز ي.. 

قاطعها دانيال بسرعه وبتوتر_انا انا جيت لقيتها كده برضو وحاولت اعرف مالها بس مردتش 

طلعت إسراء من حضن رهف واتكلمت _كداااب والله والله كداب يارهّف بصي بصي لبسي بقي عامل ازاي بسببه لولا انتي جيتي كان زماني ضعت والله يارهّف بيكدب صدقيني والله كداااااب.

دانيال_ انتي واحده كدابه اصلا وبعدين احنا منعرفكيش عايزاها تصدقك ليه؟؟

صفعه كبيره هوت علي وش دانيال من رهّف اللي وقفت قصاده وقالت =ااه هصدقها واكدبك عارف ليه علشان هيا عربيه زيي من دمي اصدقها واللي انا شوفته بعيني يخليني اصدقها، انما انت بقي اصدقك بتاع ايه تطلع مين انت غير واحد كداب وخونتنا رغم اننا صدقناك ورغم كل حاجه حصلت قولنا انك اتعلمت ومش زيهم بس هو ده اصلك هتطلع منه ازاي يا دنيال فهمنييي؟؟

دانيال بتوتر _رهّف انا انا  معملتش حاجه.

ضربته رهّف علي وشه تاني وقالتله=اسكت اسكت بطل كذب بقي بقولك انا شوفتك بعيني فااااهم،انت اسر*ائيلي يادنيال اصلك من اصلهم بردو كداااب وخاين بس عارف احنا الغلطانين علشان صدقناك ونسينا انك اكبر عدوو لينا يادنيال ..

بسبب صوتهم العالي اتجمع الكُل عليهم ادهم وليساء ورزان واوليفيا وادهم وجاك ومهند كان الكل اتجمع عندهم واول ما وصلو وشافو منظر اسراء وقفو مصدومين ومحدش منهم فاهم ايه اللي بيحصل قاطع صمتهم صوت ليساء 

ليساء _إسراء مالك ايه اللي عمل فيكي كده؟ 

رزان_ده لبسها متقطع كله في ايه يارهّف؟؟؟

ادهم بصوت عالي_ماحد يرد ايه اللي حصل بالظبط في ايه يادنيال انت ورهف ايه حصل لإسراء؟؟؟ 

نظرة من رهّف لأدهم كانت كافيه انو يفهم كل حاجه. 

ادهم بشك_رهّف انطقييي

بصت ليهم رهف وبعدين بصت لإسراء المبتبته في حضنها ومرعوبه وبعدين قالت

رهف _ادهم لما جيت هنا كان دانيال ماسك في إسراء وهو اللي قطع ليها هدومها بالمنظر ده. 

دانيال بخوف وتوتر_انتي صدقتيها دي واحده كذابه عايزه تكرهكم فيا يا رهف متصدقيهاش. 

بس محدش كان سامع دانيال لأن كلهم كانو في حالة صدمه حرفيا من اللي سمعوه غضب وتساؤل وصوت شهقات عياط واسئله كتير كان كل واحد بيفكر فيها لحد ما قاطعهم ادهم وهو ماسك في رقبة دانيال.. 

ادهم بغضب _اااه يامعفن يابن ال*****بقي دي آخرتها تطعن في ضهرنا بقي توصل بيك الحقاره انك تعمل كده.. 

ضربه ادهم بوكس في وشه_اقسم بالله ما هرحمك يادنياااال الكلب. 

ضربه بوكس تاني في بطنه =كداااب وحقير كنا مستنين ايه منك ما انت اسرا*ئيلي ودي عادتكم… 

حاول مهند وجاك يبعدو ادهم عن دانيال بس معرفوش وكملو ضرب هما كمان في دانيال ادهم فضل يضرب في دانيال لحد ما دانيال فقد اعصابه وقال =كفااايه مش كلكم عليا ايوه انا اللي قطعتلها لبسها بالمنظر ده مش شايفينه عامل ازاي؟؟؟ 

رهّف بصدمه_دقيقه بس ماله لبسها ولا هو اي حجة وخلاص عايز تطلع منها وتجيب اللوم عليها هيا؟؟ ماله لبسها دي لابسه بلوزه واسعه وبنطلون ايه في لبسها يخليك تعمل كده يادنيااال؟؟؟ 

ليساء _ازاي بجد قدرت تفكر في كده مع انك بقيت عارف ان إسراء بقت واحده مناا بقت زيي وزي رهف وزي رزان بالظبط ازاي قدرت تعمل كده واحنا وثقنا فيك برغم انك كنت اكبر عدو لينااا؟؟؟؟؟

جاك بغضب_دانيال انت لازم تعتذر من اسراء لانك made a mistake. 

رهف بسخريه_كنت فاكره ان علشان امك عربيه ف هتكون زيها بس ازاي وابوك اسرائيلي 

دانيال_ررهف كفايه بقي انا مكنش قصدي ده كله هيا اللي دايقتني.

إسراء _اناا اناا عايزه امشي مش عايزة حاجة منكم كفايه لحد كده لأني تعبت والله العظيم تعبت. 

اوليفيا _احنا معاكي متخفيش 

اسراء بغضب_انااا عايزه امشيي من هنااااا 

بص ادهم ليها وبعدين بص لرهّف 

ادهم_رهف خديها هيا والبنات واحنا هنجيب الزفت ده ونيجي. 

رهف_تمام. 

ادهم_رهف خلي بالك من إسراء متسبيهاش . 

رهف_ اكيد متقلقش

مشيت رهف هيا والبنات وفضل ادهم وجاك ومهند مع دانيال 

مسك مهند دانيال من رقبته_ليه يادانيال ليه تخلينا نخسر بعض بالمنظر ده وصلت بيك الحقاره بإنك تعمل كده افرض رهف مكنتش وصلت كان ايه اللي ممكن يحصل ساعتها؟؟ 

ادهم بغضب_كنت هدفنه مكانه او  انا هعملها دلوقتي بس بعد ما يتربي 

دانيال فقد السيطره علي نفسه وقال بغضب وخوف_بقولكم ايه براحه كده ونتفاهم لو حد قرب مني ساعتها انا هاروح ليها واقول لإسراء علي حكاية المرايه وهقولها ان اهلها ممكن يكون من الناس اللي عاشو في المختبر واحكيلها علي كل حاجه ساعتها هت….. 

=اهلها عايشين؟؟؟؟؟؟؟؟؟؟؟؟؟ 

“”لا تسألني ما بك!

أنا لست بخير يا صديقي، أصابني الخوف والقلق، مشتَّت ومكسور حد الَّلا شيء أو ربما كل شيء، أمَّا عن مشاكلي ربَّما هيِّنة بالنسبة لك؛ لكنَّها تصعب عليَّ! وفي الغالب لا أعرف ما الذي يجعلني هكذا، انا ياصديقي تِلك الفتاه التي تعاني من وحدتها الأن وتظن انها في كابووس سئ للغايه و ليس له نهاية

قد يهمك أيضاً :-

  1. رواية عندما يعشق العلماء الفصل التاسع والعشرون 29 بقلم دينا عويس
  2. رواية عندما يعشق العلماء الفصل الثلاثون 30 بقلم دينا عويس
  3. رواية حبك نار الفصل العشرون 20 بقلم أسماء الكاشف
  4. رواية حبك نار الفصل العشرون 20 بقلم اسماء الكاشف
  5. رواية فرصة تانية الفصل الخامس عشر 15 بقلم ميسون عبد المجيد
  6. رواية الفرسان الخمسة الفصل الأول 1 بقلم رنا احمد عماد
  7. رواية الفرسان الخمسة الفصل الثالث 3 بقلم رنا احمد عماد

التعليقات

اترك رد