التخطي إلى المحتوى

رواية روح الأدهم  الجزء الثاني 2 الفصل  الثالث عشر والأخير بقلم هاجر العفيفي

فى المستشفى

وبعد وقت من الأنتظاار فجأة شعروا بحركه غريبه فى المستشفى والممرضين خارجين يجروا والدكااتره

أدم بخوف وقف الممرضه يسألها : هو فى أيه

الممرضه بقلق ظاهر عليها جدااا : المريضه ال جوه قلبها وقف ومبستقبلش الصدمات

الجميع نظروا لبعض بصدمه وذهول

أدم بغضب : اتصرفوا مايا مش هتضيع منى

أدهم راح مسكه بحزن : أدم أهدااا مش كده

أدم بهستيريه : مايا يا أدهم مايا هتموت وتسيبنى هتسيبنى لوحدى ووقع فى الأرض من كتر الحزن

وفى اللحظه دى خرجت الممرضه بفرحه

الممرضه : الحمد لله القلب استجاب

خالد بفرحه : قووم يا أدم قووم الحمد لله

روح ابتسمت بعد ماكانت منهاره هى الأخرى

أدم بلهفه : بجد الحمد لله يارب أنا عارف أنك هتجبر خاطرى الحمد لله

أدهم بابتسامه : طب ممكن تطمنينا

الممرضه : حاضر عن أذنكم وسابتهم ودخلت غرفة العمليات مره أخرى

خالد : ألو ياجنه

جنه : طنط رحاب ودوها المستشفى عشان وقعت لما عرفت أن مايا تعبانه

خالد بحزن : طيب متعرفيش فين

جنه : لاء والله كلم سليم أو ندى هما معاها وطنط فاطمه

خالد : تمام مع السلامه

وقفل معاها وراح جمب أدهم وهمس

خالد بهمس : أدهم طنط رحاب تعبت جامد وودوها المستشفى

روح سمعتهم وراحت عندهم بقلق : خالتوا مالها

خالد : أهدى بس كده هى كويسه بس لما سمعت ان مايا فى المستشفى أغمى عليها

أدهم بتنهيده : طب ومين معاها

خالد : ندى وسليم

أدهم باستغراب : هما رجعوا من السفر

روح : مش مهم دلوقتى المهم أن عايزه أطمن على خالتوا يا أدهم

خالد : طب محدش يقول لأدم بقا عشان حالته دلوقتى مستمحش أى صدمات

روح : حاضر

أدهم طلع هاتفه وطلب رقم أخته ندى وكلمها بس سليم ال رد عليه

سليم : سلام عليكم 

أدهم : وعليكم السلام هى ندى فين ياسليم

سليم : ندى جوه مع والدتها وطنط رحاب بيكشفوا عليها

أدهم : طب وهى عامله ايه دلوقتى

سليم : معرفش والله هما لسه داخلين دلوقتى لما أعرف هطمنك

أدهم : تمام ياحبيبى تسلم مع السلامه

سليم : الله يسلمك

روح بلهفه : ها يا أدهم خالتوا عامله ايه

أدهم : متخافيش هما بس بيكشفوا ولما يخلصوا سليم هيكلمنى ممكن بقا اطلب منك طلب ومترفضيش

روح : نعم

أدهم : هاخدلك الأوضه ال هناك دى أرتاحى فيها أنتى وجودى شويه عشان انتى شايلاها من الصبح وأكيد تعبتى

روح باعتراض : لاء طبعا لما أطمن على مايا وخالتوا

أدهم : ياروح

قاطعته روح : خلاص بقا يا أدهم أنا مش هتحرك من هنا

أدهم بقلة حيله : براحتك

💫💫💫💫💫💫💫💫💫💫💫💫💫💫

عند سليم كان واقف منتظر الدكتور وهاتفه رن برقم مراد رد عليه

سليم : حبيبى ال واحشنى

مراد : انت أكتر ياصحبى عندى ليك مفاجأه أنما أيه عنب

سليم بابتسامه : ايه هى

مراد : أنا كتب الكتاب

سليم بذهول : مين وفين وازاى

مراد بضحك : مالك

سليم : ازاى فهمنى مراد يتجوز اززززاى

مراد : ياعم لقيت حب عمري كله

سليم : وميين بقا المحظوظه

مراد بابتسامه : سمر

سليم بدهشه : سمر مين

مراد : سمر صاحبة ندى وبنت عمى

سليم بصدمه : ده بجد

مراد : أه والله

سليم : على العموم ألف مبروك ياصحبى بس أوعا تعمل الفرح من ورانا ياض

مراد : عيب عليك ياباشا انت الأصل

سليم : حبيبى

مراد : هسيبك أنا بقا وأكلمك تانى

سليم : ماشى ياحبيبى مع السلامه

قفل مع مراد وبعدها شاف ندى خارجه

سليم : ها ياندى ايه ال حصل

ندى : الحمد لله الضغط على شويه ولحقوه وهتخرج دلوقتى

سليم : طب الحمد لله

ندى : كلم أدهم بقا واطمن على مايا

سليم : حاضر ادخلى أنتى خليكى معاهم

ندى : حاضر ياحبيبى

ودخلت وسابته وهو كلم أدهم طمنه على رحاب واطمن على مايا

💫💫💫💫💫💫💫💫💫💫💫💫💫💫

الدكتور خرج بتعب

أدم بلهفه : ها يادكتور هى عملت ايه

الدكتور : الحمد لله مرحلة الخطر عدت دلوقتى هينقلوها أوضه عاديه بس هتكون تحت الملاحظه

الجميع : الحمد لله يارب الحمد لله

الدكتور : عن أذنكم

أدم : أتفضل يادكتور

الدكتور مشى وأدهم بصلهم وأتحدث

أدهم : دلوقتى مينفعش كله يبقا موجود كده

أدم. : أنا هفضل معاها مش هسيبها

أدهم : خلاص يبقا يلا ياروح

روح : أنا عايزه أفضل معاها

أدم ضمها بحنان : لاء ياحبيبتى روحى أنتى وأنا معاها وتعالى الصبح انتى تعبانه انتى وجودى وانتى أكيد هتيجى بكره عشان الظابط ال هيحقق فى القضيه

روح : بس يا أدم

قاطعها أدم : خلاص بقا ياحبيبتى اسمعى كلامى

روح باستسلام : حاضر

خالد : وأنا هروح أشوف جنه والولاد وهرجعلك تانى يا أدم عشان أكون معاك

أدم : تمام

أدهم : طب يلا

روح : وخالتوا

أدهم : هما خلاص هيروحوا على الفيلا سليم ال قالى

أدم باستغراب : هى خالتوا مالها

أدهم : تعبت شويه لما عرفت ال حصل لمايا وودوها المستشفى

أدم بقلق : طب وهى كويسه دلوقتى

أدهم : أه الحمد لله بقت أحسن

أدم بارتياح : الحمد لله

أدهم : عن أذنكم يلا ياروح

روح ودعت أخوها ومشيت معاه ركبوا العربيه وطلعوا على الفيلا

خالد : مش هتأخر عليك

أدم : تمام بس بالله خلى جنه تخلى بالها من أسر

خالد : متخافش يابنى ده زى أبنها يلا سلام

أدم  : مع السلامه

خالد مشى وأدم جلس على أحدى الكراسى وحط ايده على وشه بتعب

💫💫💫💫💫💫💫💫💫💫💫💫💫💫

فى فيلا عاصم

رحاب بدموع : يعنى بنتى كويسه

روح : أه والله ياخالتوا الحمد لله

رحاب : طب أنا عايزه أروحلها أطمن عليها

فاطمه : ارتاحى بقا ياحبيبتى وبكره كلنا نروحلها

أدهم : ده الصح

رحاب : طب كلكم هتباتوا هنا بقا من غير اعتراض لحد الصبح

الجميع وافق لأنهم كانوا مرهقين من اليوم ده وكلهم طلعوا الأوض وناموا ماعدا رحاب ال كانت مقهوره على بنتها

💫💫💫💫💫💫💫💫💫💫💫💫💫💫

فى صباح يوم جديد

الجميع ذهب للمستشفى وكان خالد وأدهم موجودين ومايا كانت فاقت بس لسه تعبانه كلهم دخلوا ليها

مايا بتعب وتنطق بصعوبه : أ س ر فين أ أسر

أدم وهو يقبلها من جبينها بحنان : متخافش ياحبيبتى أسر كويس قوملنا أنتى بالسلامه بس

مايا بدموع وتعب : روح أنتى كويسه أنتى وجودى

روح حضنتها برفق : متخافيش ياحبيبتى أحنا كويسين كلنا بس عايزينك تقوملنا بالسلامه كده

رحاب بدموع : حمد الله على سلامتك يابنتى كده توجعى قلبى عليكى

مايا بتعب : أنا أسفه ياحبيبتى الحمد لله بقيت كويسه

جنه : لاء لاء دلع البنات ده مينفعش اجمدى كده

أدم بسخريه : ايه ياشبح مالك

جنه : طلعلوا صوت دلوقتى وأول مايطلع يطلع فيا أنا

أدم : ليه هو أنا كنت أخرس

جنه : تؤ تؤ كنت خايف على موزتك مشوفتهوش يابت يامايا يالهواااااى أنا أول مره أشوف أخويا كده ده بيحبك حب

مايا بصتله بابتسامه

أدم باستفزاز وهو يمسك ايد مايا ويقبلها : روحى أتحبى بعيد يلا

جنه بغيظ : خااااالد حبنى يلا

الجميع ضحك على كلامها

وفى الوقت ده دخل الظابط

حسام : سلام عليكم ورحمة الله وبركاته

الجميع : وعليكم السلام ورحمة الله وبركاته

حسام : حمد الله على سلامتك يامدام مايا

مايا : الله يسلمك

حسام : ممكن بقا أخد كلمتين منك انتى ومدام روح وياريت أستاذ أدهم وأدم يكونوا موجودين

خالد : طب يلا ياجماعه ونبقا ندخل تانى

الجميع خرج واتبقا أدهم وأدم وروح ومايا

حسام : ممكن أعرف بقا ال حصل

روح بصت لمايا وهى فهمت

مايا بتعب : أحم هو ممكن حضرتك المحضر يتقفل من غير قضيه ومشاكل

أدهم وأدم بصولها بصدمه

حسام باستغراب ودهشه : ازاى بس انتى مش شايفه حضرتك ده غير الناس ال مسكناها

روح : ياريت حضرتك تقفل الموضوع كله رجاءا

أدهم بغضب : انتوا بتقولوا ايه ده كان هيموتكم

أدم : مايا أعقلى

روح : لو سمحت ياجماعه هتفهموا بعدين

حسام قام وقف : ده أخر كلام متأكدين

مايا وروح بتأكيد : أكييد

حسام : تمام عن أدنكم وخرج وسابهم

أدم بعصبيه : انتوا اتجننتوا ايه ال هببتوه ده

مايا بدموع : ده كان لازم يحصل يا أدم أنا مش هسمح أن يتحبس تانى ويتأذى بسببنا

أدهم بشك : قصدك ايه

مايا بتعب : أحكيلهم ياروح لازم يعرفوا

روح بتنهيده : حاضر الموضوع كله وقصت عليهم ماحدث

أدهم بغضب : وعايزاهم يسبوه ده أنا هقتله

روح : تقتله ليه يا أدهم عشان كان بيبحبنى مش ذنبه ولا ذنبى وفى الأخر أنا أخترتك أنت بس احنا مش هنخليه يتأذى تانى بسببنا هو هيروح لحاله وخلاص

أدم : خلاص يا أدهم روح بتتكلم صح كفايه عليه السنين ال ضيعها من عمره فى السجن

أدهم بضيق : طيب

💫💫💫💫💫💫💫💫💫💫💫💫💫💫

بعد مرور شهر كانت مايا حالتها اتحسنت ورجعت بيتها تانى مع أدم وأسر أبنها وروح رجعت بيتها مع أدهم وجودى وفاطمه وطبعا ندى وسليم رجعوا بيتهم عصام لما خرج وعرف انهم اتنازلوا عن المحضر ندم جدا على ال عملوا وراح أعتذر منهم وقرر يسافر ويبدأ حياه بعيده عن الجميع مراد وسمر حددوا ميعاد الفرح وخلاص بيجهزوا وطبعا سليم وندى دايما معاهم وبيساعدوهم

💫💫💫💫💫💫💫💫💫💫💫💫💫💫

فى أحدى الأيام

ندى بفرحه : سلييييم ياسووولى اصحاااااااا

سليم بخضه : ايه مين مات

ندى بدلع : مفيش ياسولى بصحيك

سليم بتنهيده : حرام عليكى ياندى قطعتيلى الخلف أكتر ماهو مقطوع

ندى : قوم خرجنى وفسحنى

سليم بصدمه : دلوقتى

ندى سبلت عيونها ببراءه : اممممم عشان لازم نفسح الضيف ونريحوه

سليم بعدم فهم : ضيف مين ؟

ندى وهى تمسك بيده وتضعها على بطنها : الضيف ال جاى كمان تسع شهور

سليم فتح عيونه بصدمه وذهول : ندى أنتى

ندى هزت راسها بايجاب : حامل ياحبيبى

سليم قام من مكانه وشالها ولف بيها والفرحه مش سيعاه

ندى بضحك : براحه ياسولى البيبى هيفرهد

سليم نزلها برفق وأردف بسعاده : أنا أسف ياحبيبتى أنا بس مش مصدق أن خلاص حلمى أتحقق الحمد لله يارب

ندى وضعت راسها على صدره بحب : حلمنا أتحقق خلاص ياحبيبى وهيبقا عندى طفل حته منك

سليم ضمها بحب ودموع : الحمد لله الحمد لله اللهم لك الحمد حمدا كثيرا طيبا مباركا فيه أنا مش عارف أقولك ايه ياقلبى البركه فى ربنا وفيكى أنتى ال فضلتى جمبى ومبعدتيش عنى أختارتينى أنا لشخصى مش عشان أطفال انتى كنز مقدرش أعوضه أبداا ربنا يخليكى ليا ويحفظك انتى وأبننا يارب

ندى بابتسامة حب : ويخليك لينا ياحبيبى أنا عمرى ماكنت أقدر أستغنا عنك أبدا ياسليم أنت حبى الأول والأخير من الأخر كده أنت كل حياتى

سليم : ربنا يقدرنى وأقدر أسعدكم ياااارب

ندى بابتسامة  : ويقدرنى وأسعدك ياكل ماليا

سليم بسعاده : ارتاحى بقا خالص مش عايز أشوفك بتعملى أى مجهود أنا هعملك كل ال أنتى عايزاه

ندى بتزمر : يعنى مش هتخرجنى

سليم : ياحبيبتى لازم ترتاحى ايخ رايك نطلب دليفرى ونعمل فيشار ونتفرج على فيلم مع بعض

ندى بسعاده : هييييه موافقه

سليم ضمها بعشق : أجمل طفله فى حياتى عايزين نستعد بقا لفرح مراد وسمر

ندى : أكيد متخافش عامله حسابى

سليم بابتسامه : ربنا يسعدهم ويخليهم لبعض يااااارب

ندى : يااااارب

💫💫💫💫💫💫💫💫💫💫💫💫💫💫

الدكتوره  : حضرتك حامل

روح بصدمه : حامل ! مين دى ال حامل اتأكدى تانى يادكتوره

الدكتوره : أنا متأكده مليون فى الميه كل التحاليل بتثبت كده حتى الأختبار مأكد الحمل

روح بذهول : ازززاى حصل ازززاى

الدكتوره باستغراب : حضرتك مصدومه ليه انتى مش متجوزه

روح : لاء طبعا متجوزه بس أنا استقصلت الرحم ازاى أحمل تانى

الدكتوره : مين قال أنك استقصلتى الرحم حضرتك كويسه جدا هو بس كان عندك مشاكل صغيره واتحلت خلاص

روح وهى هتتجنن ومش عارفه ايه ال بيحصل حواليها ده أردفت بصعوبه : ط طب ممكن أعرف ايه ال أخر حمل الفتره دى كلها أنا دلوقتى عندى جودى 3 سنين ومحصلش حمل حتى بالغلط

الدكتوره : ربنا يخليهالك يارب أنا زى ماقولتلك كان عندك مشاكل بسيطه ده غير أن حضرتك كنتى بتاخدى برشام منع الحمل

روح خلاص دماغها هتتفجر هى خدت ازاى برشام وامتى وايه ال بيحصلها ده وبصدمه : معقول يكون

الدكتوره : مالك وهو مين

روح بتردد : ها خلاص خلاص أنا متشكره لحضرتك جدا عن أذنك

الدكتوره أردفت باستغراب : أتفضلى

روح خرجت من عندها وهى فى دنيا تانيه معقوله الفتره ال فاتت دى كلها كانت مخدوعه معقول أدهم مكانش عايز يخلف منها تانى عشان كده كان بيديها البرشام من غير ماتاخد بالها ليه هو عمل ليه حرمها انها تخلف تانى ليه عمل كده ليه فضلت ماشيه تايهه مش عارفه تعمل ايه لحد لما قررت تواجهه لازم تعرف ايه السبب وليه عمل كده ركبت تاكسى وروحت البيت وطلعت علطول على غرفتهم وكان هو فى الحمام بياخد شاور جلست على طرف السرير وهى كاتمه دموعها بالعافيه

وبعد وقت قليل خرج أدهم من الحمام وشافها أردف بقلق : روح كنتى فين قلقتينى عليكى

روح بسخريه : وده يهمك أووى

أدهم باستغراب من لهجتها : مالك ياروح ليه بتتكلمى كده

روح بجمود : أنا حامل يا أدهم

أدهم بصدمه : حامل !

روح بدموع : ليه عملت معايا كده

أدهم بتوتر : عملت ايه ياروح

روح بصراخ : لسه هتضحك عليا تانى حرام عليك ايه انت معندكش أحساااس عيشتنى طول السنين ال فااتت دى فى وهم ان مش هخلف تانى وفى الأخر تقولى عملت ايه طول السنين ال فاتت دى وأنا عايشه فى تأنيب ضميري أن مش هقدر أجبلك أولاد تانى وفى الأخر أكتشف أنك بتحطلى حبوب عشان مخلفش مش عايزنى أخلف منك تانى ليييه كنت عايز تعيش حياتك مثلا ولا كانت جوازه غلطه

أدهم : روح أفهمينى أنا

قاطعته بدموع : أنت أنانى مبتحبش غير نفسك وهمتنى أن مش هخلف تانى وكل يوم أبكى بدل الدموع دم من قهرتى وفى الأخر يطلع ده كله كدب فى كدب حراااام علييك حرااااام علييك وجلست على الأرض بأنهيار أدهم قلبه وجعه عشانها راح عندها وجلس بجانبها ولسه هيحط ايده على كتفها روح زقتها بجمود

أدهم بصوت ضعيف : روح أفهمينى أنا كنت خايف عليكى والله

روح بصتله بضعف : خايف عليا من ايه مخوفتش عليا من الكسره ال كنت فيها والنقص ال كنت عايشاه ليه عملت كده

أدهم بقوه : عشان انتى عندك القلب ياروح ولو كنتى خلفتى بعد جودى علطول كان ممكن يجرالك حاجه وأنا مش فى حمل أن أخسرك عشان أطفال أنا عايزك أنتى

روح اتصعقت من كلامه : أدهم أنت بتهزر صح

أدهم بحزن : للأسف ياروح لاء سامحينى ياحبيبتى أنا خوفت عليكى والله

روح بدموع : طب ليه مقولتليش الحقيقه

أدهم : عشان عارف عندك ياروح هتصممى أنك تحملى برضوا وتعرضى حياتك للخطر عملت كده من نفسى وكمان كنت بديلك العلاج كله فى العصير ولما كنت بديلك علاج على أساس منوم ده مكانش منوم ده علاج

روح : طب وأنا دلوقتى حامل ازاى

أدهم : الفتره ال فاتت أتشغلت ونسيت أحطلك بس أرتحت نسبيا لما عرفت أن حالتك دلوقتى تسمح أنك تخلفى عادى من غير أى مضاعفات

روح بحزن ودموع: بس أنا كنت عايشه فى أحاسيس وحشه أووى يا أدهم

أدهم ضمها ليه بحنان وندم : سامحينى ياروحى غصب عنى

روح : ط طب وأنا دلوقتى هقدر أعيش و

قاطعها أدهم : بس متقوليش حاجه تانى خلاص أنا سألت الدكتور ال أنتى كنتى بتتعاملى معاه وقالى خلاص مرحلة الخطر عدت ودلوقتى مفيش أى أضرار

روح بصتله بندم : أنا أسفه أن ظلمتك أنا بس اتصدمت والله ومكنتش عارفه أعمل ايه و

أدهم : هشششش ممكن كفايه بقا كلام فى المواضيع دى خلينا نفرح بالبيبى ال جاى

روح اترمت فى حضنه وعيطت جامد

أدهم بعتاب : ليه ده كله

روح بدموع : عشان بحبك وفرحاانه أووى أن هفضل معاك لحد أخر نفس فى عمرى

أدهم بابتسامه : والله وأنا هموت من الفرحه أنك فى حياتى ربنا يحفظكم ليا يارب

روح نامت فى حضنه وهو كان بيطبطب عليها بحنان

💫💫💫💫💫💫💫💫💫💫💫💫💫💫

بعد مرور سنه

الجميع كان متجمع فى الجنينه عند أدهم فاطمه ورحاب وسليم وندى ومراد وسمر وأدهم وروح ومايا وأدم وخالد وجنه والأطفال كلهم

ندى جابت توأم😍غزل يزن

وروح جابت ولد😍مالك

ومراد وسمر جابوا بنت😍كارما

وبقيت الأطفال كانوا كبروا شويه

الشباب كانت بتشوى والبنات كانوا بيجهزوا المكان والأطفال بيلعبوا وفاطمه ورحاب قاعدين مع بعض بيتفرجوا على أحفادهم وفرحانين بيهم

أدهم : يلا ياجماعه هناخد صوره كلنا

الجميع بحماس وصوت واحد : يلااااااا

كلهم وقفوا وكل اتنين وقفوا جمب عيالهم ووقفوا بانتظام واتصورا صور كتيره للذكريات وقضوا أيام سعيده بكل تفاصيلها وكانوا عايشين فى حب وسعاده وراحة بال ❤❤

دايما السعاده بتيجى مع الشخص الصح ال يوعدك بكل شئ جميل وينفذه بيكون فيه تفاهم وتعايش نبنى مجتمع ايجابى متعاون مش بالمظاهر ولا بالفلوس بالتعامل الحسن والأخلاق الطيبه ربى يسعدكم جميعا

قد يهمك أيضاً :-

  1. رواية تزوجتها الفصل الثاني 2 بقلم مريم سمير
  2. رواية ملكي أنا الفصل الأول 1 بقلم ملك وائل
  3. رواية صعيدي ولكن عقيم الفصل الأول 1 بقلم سمسمة سيد
  4. رواية ملكي أنا الفصل الثاني 2 بقلم ملك وائل
  5. رواية ملكي أنا الفصل الثالث 3 بقلم ملك وائل
  6. رواية المغامرة المجنونة الفصل الثاني 2 بقلم حنين عادل
  7. رواية المغامرة المجنونة الفصل الأول 1 بقلم حنين عادل

التعليقات

اترك رد