التخطي إلى المحتوى

  رواية روح الأدهم  الجزء الثاني 2 الفصل الأول بقلم هاجر العفيفي

بعد مرور سنه على أبطالنا

فى فيلا أدهم الحديدى

روح كانت فى غرفتها دموعها نازله فى صمت بس كانت بتعيط بحرقه شديده جدا افتكرت لما كانت هى وأدهم عند الدكتوره أخر مره

فلااش بااك

روح بصدمه واتحدثت بصعوبه : يعنى مش هقدر أخلف تانى

الدكتوره بأسف : للأسف لاء انتى لازم تعملى العمليه عشان دى هتأثر على حياتك

أدهم مسرع : ط طب العمليه دى هتخليها كويسه مش كده

الدكتوره : أكيد لأن هو التعب كله عندها فى الرحم فلازم نستقصره

روح : تمام شكرا ليكى يلا يا أدهم

أدهم بحزن عليها يلا ياحبيبتى

وعدت أيام وروح فعلا عملت العمليه

بااااك

دخل عليها أدهم مسحت دموعها سريعا

أدهم بابتسامته المعهوده من ساعة ماتجوزوا أردف بهدوء: روحى عامله ايه النهارده

روح بصوت متحشرج من البكاء : الحمد لله ياحبيبى انت أخبارك ايه

أدهم بشك : روح انتى بتعيطى

روح بتوتر : ها ل لاء ياحبيبى أنا كويسه هقوم أحضرلك الغداء ولسه هتقوم مسكها أدهم من أيدها وأجلسها مره أخرى

أدهم : مش عايز حاجه غير لما اعرف مالك الأول وبتعيطى ليه

روح بدموع نزلت بدون ارادتها : قولتلك م مفيش يا أدهم

أدهم مسك ايدها وبص فى عينيها بحب : كده تخبى على حبيبك برضوا قولى ياروحى مالك

روح بدموع : زعلانه عليك يا أدهم ارتحت

أدهم بدهشه : زعلانه عليا أنا فى ايه ياحبيبتى

روح بدموع : عشان مش هقدر أجبلك الولد ال نفسك فيه وهظلمك معايا و

قاطعها أدهم وهو يمسح دموعها برفق : هشششش متكمليش ايه ال بتقوليه ده أنا مش عايز حاجه من الدنيا دى غيرك انتى وجودى وبس

روح مسحت دموعها بهدوء : ط طب ممكن أطلب منك طلب

أدهم بحب أنتى تؤمرينى

روح بقوه مصطنعه : الأمر لله أدهم ا انت من حقك يعنى أنك تتجوز و

قاطعها أدهم وهو يقف بعصبيه شديده : روح انتى أكيد اتجننتى صح أنا عمرى ماهفكر ابص لأى واحده غيرك ولا المس واحده غيرك انا مش مستعد أسمع كلامك الأهبل ده

روح قامت وقفت بقلة حيله واتحدثت بصوت مخنوق : بس ده حقك

أدهم التفت ليها : وأنا مش عايزه ياستى أنا حر وقرب منها ومسك ايدها بحنان واتحدث بهدوء أنا مش عايز أسمع الكلام ده تانى عايزين نرجع لحياتنا الطبيعيه من ساعة ماعملتى العمليه وانتى بتحاولى تبعدى عنى ليه وتكرهينى فيكى ليه

روح بصتله فى عينه : عشان مش عايزاك تندم فى يوم يا أدهم

أدهم وهو يقبل يدها بحنان : وأنا عمرى ماهندم ياروح طول مانا شايفك جمبى انتى وجودى مش عايز حاجه تانى من الدنيا

روح بدموع اترمت فى حضنه : أنا بحبك أووى ومش هقدر أبعد عنك

أدهم بمرح : مانتى من خمس دقايق كنتى هتضحى بيا

روح خبطته على كتفه بقبضتيها الصغيره : متقولش كده أنا مقدرش أتخيل حياتى من غيرك بس ده حقك وأنا مش عايزه أكون ظلماك قدام ربنا

أدهم بمشاكسه : ولو كل الظلم حلو كده أنا موافق

روح بابتسامه من وسط دموعها : والله انت غلس

أدهم بحب : بس بحبك وأيوه بقا عايز الابتسامه دى وبلاش التكشيره دى تانى واياكى أسمعك بتقولى اتجوز تانى هعلقك

روح بضحك : خلاص سماح المره دى يابابا

أدهم : احم أومال فين جودى

روح : نايمه والداده معاها

أدهم وهو يقرب منها بخبث وبغمزه : طب ايه 😉

روح وهى ترجع للخلف : اثبت مكانك لاتولع وانت واقف بصوت (الخاله نوسه)😂

أدهم بضحك : ولو مثبتش

روح بخوف : أدهم خليك مكانك هصوت والم عليك الناس

أدهم برفعة حاجب : انتى هبله يابت أنا متجوزك بقالنا خمس سنين وعندنا بنت ولسه بتحسسينى ان جاى أخطفك

روح بتوتر : ط طب هاروح احضرلك العشا

أدهم بعد ماقرب منها خالص : تؤ تؤ مش جعان كلت فى الشركه

روح بكسوف : أدهم

أدهم بضحك وقرب منها أكتر : قلبه

وذهبوا فى عالمهم الخاص

💫💫💫💫💫💫💫💫💫💫💫💫💫💫

فى فيلا سليم العشرى

ندى : انت رايح فين ياسليم

سليم ببرود : وانتى مالك

ندى بدموع : هو انت بقيت تعاملنى كده ليه عملتلك ايه انا ممكن أفهم من بعد ماتجوزنا بشهرين وانت مبقتش تطيقنى

سليم ببرود أكتر : ومين قال ان عملتيلى حاجه بس دى حاجه متخصكيش أخرج أدخل أروح فين أجى منين دى حاجه تخصنى أنا وبس

ندى : على الفكره أنا تعبت من العيشه دى مفيش سبب مقنع لل انت بتعمله ده

سليم : مش عايز كلام كتير عشان مش فايق سلام وسابها وخرج زى عادته

ندى بدموع : سليم ياسليم

ولكن لا حياة لمن تنادى خرج ولم ياعاير لها أى اهتمام

ندى جلست على سريرها بحزن شديد وطلعت من الدرج المذكرات الخاص بيها وابتدت فى الكتابه وهى دموعها نازله بحرقه

(مش لاقيه أى سبب يخلى سليم يتغير معايا بعد جوازنا بشهرين أول شهرين من جوازنا كنت شايفه فيهم أجمل أيام حياتى دلوقتى أنا بالمعنى الحرفى عايشه فى جحيم وبتعذب فيه بجد كل حاجه اسودت فى وشى حياتى الورديه ال كنت رسماها فى مخيلاتى جه هو وهدها كلها فى لحظه أنا بجد تعبت مش قادره أقول لأمى ولا لأدهم عشان مش عايزه أخسر سليم لكن للأسف هو ال عايز يخسرنى) 

وقفلت مذاكرتها ونامت على السرير كعادتها ودموعها نازله على وجنتيها بحرقه

💫💫💫💫💫💫💫💫💫💫💫💫💫💫

فى فيلا خالد القناوى

جنه بصراخ : حراااااام عليكم ارحموناااااى

خالد دخل عليها بدهشه : انتى اتجننتى ياجنتى بتصوتى ليه

جنه وهى رابطه بندنانه فيونكه وكان شكلها مضحك جدا : خد ولادك عشان مودهمش ملجأ أطفال

خالد انفجر ضاحكا على شكلها : يخربيت جنانك انتى عامله فى نفسك كده ليه ومالهم ولادى بقا ماهم ملاك اهم

جنه بغيظ : مين دول ال ملااااك الاتنين بيعيطوا مع بعض بيجوعوا مع بعض حتى المايه بيعوزو يشربوها مع بعض أعمل انا ايه افهم أقسم نفسى اتنين

خالد جلس بجانبها بضحك : وربنا انتى مصيبه يابنتى مش انتى أم استحملى بقا

جنه وهى تضم شفتيها بغيظ : الأموميه دى طلعت صعبه أووى الغوا رحلتشى أنا مش هكمل

خالد : هههههههه هى استقاله وهتقدميها دى مسؤليه ياحبيبتى ولازم تتحملى وأنا معاكى أهو ومش هسيبك

جنه بدموع : بس مسؤلية اتنين وتوأم كمان صعبه أووى

خالد ضمها بحنان بابتسامه : متزعليش ياقلبى أنا هعوضك سفريه هخليكى تنسى الدنيا وال فيها

جنه بفرحه من وسط دموعها : بجد يا خالد انت بتتكلم جد وفى لحظه سكتت واتحدثت بعدها بس حور وعمر هنوديهم فين

خالد : عند روح وأدهم أكيد

جنه : مش هتبقا رخامه مننا

خالد بضحك : لاء طبعا روح بتحبهم جدا وأدهم كمان ده غير ان جودى بتحب تلعب معاهم

جنه : اممم طب شوف الموضوع ايه وقولى كده

خالد : حاضر ياجنتى بس كده انتى تؤمرى ومسك حور بنته وقبلها بحنان وبعدها عمر وبعدين اتحدث بتعب أنا هدخل أغير هدومى على ماتحضرى العشا ياجنتى عشان تعبان أووى

جنه : بس كده حاضر من عيونى

خالد بمشاكسه : يسلملى عيونك ياجنتى وسابها ودخل يبدل ملابسه وهى نزلت تحضر ليه الأكل

💫💫💫💫💫💫💫💫💫💫💫💫💫💫

فى فيلا عاصم

مايا بزعل : يعنى يا أدم مش هنروح سفرية شرم

أدم وهو يعمل على الحاسوب الخاص به : لاء

مايا بغيظ : ولا هتخرجنى النهارده

أدم وهو على نفس وضعه : لاء

مايا قامت وقفت بغضب : على فكره الاهتمام مبيطلبش تصبح على خير وسابته وطلعت غرفتها وجلست على السرير وهى متعصبه ونامت وبعد وقت حست بيه وهو داخل الغرفه بس عملت نفسها نايمه هو شافها عرف انها صاحيه راح عندها ونام جمبها بحب وشدها فى حضنه

مايا بزعل : متكلمنيش أنا زعلانه منك

أدم بغمزه : وحد يزعل من حبيبه برضوا

مايا : انت بتتجاهلنى وأنا أكتر حاجه بكرهها هى التجاهل

أدم : كنت مشغول جدا والله سامحينى أنا أسف

مايا : يعنى الشغل أهم منى

أدم : والله أبدا بس كنت عايزه أخلصه عشان افضالك انتى ها بقا ياستى كنتى بتقولى ايه تحت

مايا : بقول مش هتخرجنى النهارده

أدم : تؤتؤ ال قبلها

مايا بزعل : سفرية شرم انت مش عايز تسافرها ليه معايا

أدم : عشان محضرك الأحسن

مايا بحماس : بجد ايه هى

أدهم بابتسامه على فرحتها : هنسافر المالديف نعمل شهر عسل من جديد

مايا جلست بفرحه وحضنته : هيييييه بجد تسلملى ياحبيبى ب بس أسر هيروح فين انت عارف ماما مسافره البلد ومحدش معاه

أدم : متقلقيش خالص هنخليه مع روح وأدهم

مايا : هنضايقهم

أدم :لاء خاالص ده هما بيحبوه جدا مش جوز بنتهم يابنتى

مايا : هههههههه انت خلاص صدقت

أدم : امممم عشان ده ال هيحصل

مايا بضحك : مجنون

أدم : مجنون بيكى

مايا : بحبك

أدم وهو يضمها فى حضنه بحنان : وأنا بعشقك

فى صباح يوم جديد على أبطالنا

استيقظت مايا على صوت رنين هاتفها وكان أدم راح الشركه ردت بنعاس

مايا بنعاس : ألو مين

الشخص : أنا عملك الأسود

مايا اعتدلت فى جلستها بدهشه : انت مين ؟

الشخص بمكر وخبث : أنا الماضى ال هخرب حياتك ياقطه ولا نسيتى وقفل الفون فى وشها

مايا رمت الفون ووضعت يدها على فمها بصدمه وشهقه

و

قد يهمك أيضاً :-

  1. رواية ملكي أنا الفصل الأول 1 بقلم ملك وائل
  2. رواية صعيدي ولكن عقيم الفصل الأول 1 بقلم سمسمة سيد
  3. رواية ملكي أنا الفصل الثاني 2 بقلم ملك وائل
  4. رواية ملكي أنا الفصل الثالث 3 بقلم ملك وائل
  5. رواية المغامرة المجنونة الفصل الثاني 2 بقلم حنين عادل
  6. رواية المغامرة المجنونة الفصل الأول 1 بقلم حنين عادل
  7. رواية تركني وحدي الفصل الثاني 2 بقلم ملك وائل

التعليقات

اترك رد