التخطي إلى المحتوى

رواية قانون القدر البارت الثامن 8 بقلم سارة محمد

أحمد نزل بسرعه عند عمته بعد تفكير طويل ..

أحمد دخل اوضه عمته من غير ميخبط ..

احمد بخوف : عمتوا ..

عمته : فى اى يا احمد .. مالك يحبيبى ..

أحمد : ريم تعبانه جدا ..

عمته : مالها يحبيبى ..

أحمد : انا مش عارف هى سخنه جدا .. تعالى شوفيها .. 

عمته راحت معاه بسرعه وقربت منها وحطيت ايديها على راسها 

عمته : دى سخنه جدا يا احمد ..

دى من امتا على كدا ؟

احمد : من امبارح .. قصدى من شويا ..

اقولك يعمتوا من ساعه مأكلت الجبنه واللبن ..

عمته : هى عندها حساسيه من اللبن ولا حاجه ؟

هو : لاء .. مش عارف ..

عمته : طيب اتصل بدكتور زهدى على طول ..

وانزل هاتلى تلج من تحت بسرعه 

احمد نزل بسرعه واخد معاه التليفون فتح التلاجه وهو بيتصل على الدكتور ..

احمد : الو يا دكتور زهدى ..

عاوزينك بس تيجى عندنا البيت علشان فى حد تعبان ..

دكتور زهدى : مين يا احمد ؟ !

احمد : ريم ..

دكتور زهدى : ريم مين يا احمد ؟ !

احمد : اممم ..مراتى ..

دكتور زهدى : الف مبروك يا احمد انت اتجوزت امتا ؟

واحمد واقف مبيردش على الدكتور وبيستوعب انها بقيت مراته حقيقي وان ازاى دا كله حصل فى ايام معدوده .. وانا ازاى ممكن اى انسان فى الدنيا حياته تتشقلب 180 درجه فى ثانيه ..

وان ازاى كل ما هو غير ..اه غير متوقع ات ..

دكتور زهدى : انت معايا يا احمد ؟ !

يا احمد ..

احمد : ايوا يا دكتور ..

مالها مراتك ؟ !

احمد : درجه حرارتها عاليه يدكتور من امبارح ..

دكتور زهدى : طيب انا جاى يا احمد على طول ..

احمد اخد التلج وطلع فى الاوضه عند عمته وريم .. 

عمته : كل ده .. انت كنت واقف جنب التلج لما يتلج ولا ايه ..

هاتلى الفوطه دى ..

انجز يحبيبى ..

احمد عطالها التلج وجابلها الفوطه ..

عمه احمد : انت يا روحى كلمت الدكتور ؟ !

احمد : اه يا عمتى ..

عمه احمد : وقالك ايه ؟ !

احمد : جاى يعمتوا ..

عمه احمد : انا مش عارفه ليه حرارتها عاليه اووى كدا ..

احمد : ولا انا كمان اعرف ..

عمه احمد : ليه يا احمد استكرت عليا انى افرحلك يا ابنى ..

احمد بص فى الارض ومرديش. 

عمه احمد : ليه يا احمد .. هو انت لو كنت جيت وقولتلى عاوز اتجوز انا مش كنت هختارلك احسن واحده .. ظا انا الى مربياك من وانت اد كدا .. استكرت عليا فرحتى بيك ليه يحبيبي ؟ !

احمد بص تانى فى الارض ومرديش ..

وفى اللحظه دى الدكتور جه ..

احمد راح بسرعه ناحيه الدكتور وسلم عليه ..

دكتور زهدى : عريس بنتى الى اتجوز ..

بصيتله عمت احمد وفضلت تضحك ..

احمد بضحك : يعنى بنتك عندها عشر سنين .. وعلشان اتجوزت مش فرحانلى ..

قرب دكتور زهدى من نبض وبدء يقيسلها الضغط والحراره .. 

بعد دقايق ..

دكتور زهدى : انزل يا احمد هاتلى الحقن دى من تحت بسرعه ..

هى عندها حاجه تانى ؟

احمد عاوز ياخد الدكتور على جنب علشان يقوله على جرح نبض الى من الرصاصه ..

احمد : طيب عاوزك ثوانى يدكتور ..

عمه احمد : عاوزه ليه يا احمد ؟ !

فى ايه ؟ 

احمد بص لعمته وسكت ..

عمه احمد : فى ايه يا احمد ..

احمد : عاوز اسأل الدكتور على حاله واحد صاحبى ..

ممكن يدكتور لحظه ؟ !

وأخد الدكتور بره ..

احمد بصوت واطى : يدكتور هى عندها جرح فى كتفها كدا ..

دكتور زهدى : دا من ايه ي احمد ؟ ! 

احمد : رصاصه .. .. . 

الدكتور بخوف : رصاصه ؟ !

احمد : اه يا دكتور .. ولو سمحت انا مش عاوز عمتى تعرف حاجه عن الموضوع ده ..

الدكتور : انا لازم ابص على الحرج يا احمد علشان ممكن يكون هو السبب فى كل ده ..

وعمتك قاعده جوه يعنى هتعرف هتعرف ..

احمد بخوف : يعنى مفيش حل ؟ !

دكتور زهدى : لو عرفت تحلها حلها .. .. وطلع عمتك من جوا .. وانا لو عليا مش هقولها حاجه ..

احمد : طيب تعالى معايا نحاول يدكتور ..

الدكتور : تعالى ..

احمد فتح الباب ودخل مع دكتور زهدى ..

احمد : تعالى يعمتى .. عاوزم بره ثوانى بس ..

عمه احمد : فى اى يا احمد .. عاوزنى ليه؟ !

احمد : عاوز اقولك حاجه يعمتى ..

عمه احمد : لو عاوز تقول حاجه قول يا احمد هنا ..

وبصيت لدكتور زهدى وبعدين قالت ..

عمه احمد : دكتور زهدى مننا وعلينا .. .. .. 

قول الى انت عاوز تقوله ..

احمد بص لدكتور زهدى وبعدين قاله ..

احمد : بص على الجرح يا دكتور .. 

عمه احمد بخوف : جرح ايه ؟ !

دكتور زهدى فى انهى كتف ؟ !

احمد رد عليه وقاله ..

وعمته واقفه مزهوله ..

الدكتور بص على الجرح وشال قطن وشاش كتير وغيرلها عليه وعمه احمد واقفه مزهوله ..

الدكتور : مش قولتلك ان ممكن هو الى يكون السبب ..

الجرح ده كان لازم يتغير عليه كل يوم مرتين على الاقل …

الدكتور : هات كدا الروشته دى يا احمد هزودلك عليها حاجات ..

احمد عطاله الروشته اخدها زود عليها علاج وشاش وقطن …

ولسا بيدى ل احمد الروشته ..

عمه احمد مسكت الروسته من دكتور زهدى وبصيت ل احمد بخوف وقالتله ..

عمه احمد : الجرح ده من ايه يا احمد ..

احمد بص فى الارض وسكت ..

عمه احمد : رد عليا يا احمد ..

احمد : هاتى الروشته يعمتوا علشان الدكتور عاوز يمشى ..

عمت احمد : انا مش هديهالك غير لما تقولى الجرح ده من ايه ..

ومين البنت دى ؟ !

احمد بلع ريقه وبعدين قرب من عمته وقالها ..

احمد : هقولك لما تدينى الروشته والدكتور يديلها الحقن ويمشى …

وبص فى عينيها وقالها ..

احمد : والله هقولك كل حاجه ..

خليكى بس جنبها لحد ما اجى ..

الدكتور : بسرعه يا احمد علشان هى ضغطها واطى جامد ..

احمد : تمام يدكتور ..

احمد راح جاب العلاج وعطاه للدكتور ..

الدكتور بدء يحط الحقن فى المحاليل وغيرلها على الجرح ..

احمد : هتفوق امتا يا دكتور ؟ !

الدكتور : لما تاخد وقتها هتفوق ..

يا احمد .. متستعجلش .. ولو حصل اى حاجه رن علياا ..

احمد : تمام يدكتور الف شكر لحضرتك ..

ووصل الدكتور لتحت وبعدين بص لقا عمته نزلتله وهى خايفه ..

قرب منها ومسكها من ايديها وطبطب عليها واخدها للصالون ..

عمه احمد : قول يا احمد متخوفنيش اكتر من كدا ..

احمد : عاوزه تعرفى اي يا عمتى ؟ !

عمه احمد : الجرح الى عند البنت دى من اي ؟ !

احمد : من رصاصه …

عمه احمد حطيت ايديها على قلبها وقالتله ..

عمه احمد : رصاصه ؟ !

احمد : اه يعمتوا ..

عمه احمد : ومين البنت دى ومين الى ضربها بالنار .. ؟ !

احمد : دى بنت هاديه جدا حصل بينا موقف دايقتنى وكنت متعصب واخدها على الحبس .. وفى حد كان قاصد انه يضرب عليا نار وهى اخدت الرصاصه بدالى يعمتوا ..

عمه احمد بخوف مين الى كان قاصدك يحبيبي .. قولى مين وانا اكله بسنانى ..

احمد : ابنك 

قد يهمك أيضاً :-

  1. رواية ليتك كنت سندي الفصل الثاني 2 بقلم أسماء عبد الهادي
  2. رواية ليتك كنت سندي الفصل الأول 1 بقلم أسماء عبد الهادي
  3. رواية ليتك كنت سندي الفصل الثالث 3 بقلم أسماء عبد الهادي
  4. رواية ليتك كنت سندي الفصل الرابع 4 بقلم أسماء عبد الهادي
  5. رواية ليتك كنت سندي الفصل الحادي عشر 11 بقلم أسماء عبد الهادي
  6. رواية ليتك كنت سندي الفصل العاشر 10 بقلم أسماء عبد الهادي
  7. رواية ليتك كنت سندي الفصل الثالث عشر 13 بقلم أسماء عبد الهادي

التعليقات

اترك رد