التخطي إلى المحتوى

   رواية عندما يعشق العلماء  الفصل الرابع بقلم دينا عويس

عند منزل سها

الام بغضب :_ ليه ياربي يكون عندي بنت غبية زيي دي انا مش عاوزاها

الاب بعصبية :_ ايه اللي انتي بتقوليه ده؟ في حد يعترض على حكم ربنا وبعدين دي بنتك

الام بسخرية :_ بس انا مش غبية كده بسببها سميحة هتشمت فيا هي وبنتها اللي مش متربية

الاب بغضب شديد :_ بس بقى كده عيب من امتى بيفرق معانا كلام الناس وبعدين مجموع بنتك كويس على مستواها وبعدين كله من دلعك ليها جايه تقولي ليه يارب دلوقتي بعد ما عملتي عملتك السودة ودلعتيها بقولك مع السلامه انا هشوف اروح ابارك لمي انا واثق فيها اكيد من الاوائل يالا سلام

الام بغيظ :_ هتشوف مي ليه هي كانت بنتك شوف بنتك احسن هتدخلها ايه فكر فيها زيي ما بتفكر في مي ولا عشان حبيبة القلب

الاب بغضب شديد :_ كلمة تاني وتكوني طالق والله العظيم ايه التخاريف دي مع ستين سلامة

الام بصوت واطي :_ يالا في ستين داهيه بس والله يا سميحة مش هسيبك انتي وبنتك مش هتاخدوه منا ابدا ياانا يا انتي بنت يا سها غورى من وشي يلاااا مش طايقه اشوفك

تدخل سها الي غرفتها والحزن يملئ قلبها

♕♕♕♕♕♕♕♕♕♕♕♕♕

عند منزل نسمة

نسمة بفرحة شديدة :_ انا مبسوطه جدا جدا والله الحمدلله ربنا حقق احلامي يارب الحمدلله على كل نعمك لك الحمد

الام بسعادة :_ مبروك يا قلبي

الاب بفرحة شديدة :_ مبروك يا حبيبتي ولا اقول يا دكتوره

نسمة :_ لسه يا بابا مش عارفه 98%هتدخلني ايه

الاب :_ ان شاء الله طب أسنان يا حبيبتي

نسمة بفرحة :_ ان شاء الله يا أحلى بابا

************************

عند منزل سما

سما بحزن شديد :_ قليلة خالص يا ماما هدخل ايه من 83% اكيد صحابي أعلى مني دلوقتي

الام بحنان :_ يا بنتي أرضي بحكم ربنا هيسترها معاكي وهيوفقك وهتكوني احسن مليون مره من ما تتمنيه

سما :_ ونعمة بالله و الحمدلله على كل حال

الاب بعطف:_ الحمدلله يا حبيبتي المهم اننا بخير كلنا هنروح لدار الاخرة المهم انك ترضي بحكم الله وتعرفي ان دا الخير ليكي

سما :_ ان شاء الله يا بابا

وتغلق باب غرفتها على نفسها لكي ترتب أمورها وما يجب فعله

في الصالون

الام بقلق :_ يا حج انا حاسه ان سما زعلانه اووي صعبت عليا والله

الاب :_ سما قوية هتعدي من الفترة دي باذن الله

♡♡♡♡♡♡♡♡♡♡♡♡♡♡♡

عند منزل مي

على تطبيق الماسنجر كان يوجد مكالمة جماعية بين

مي * نسمة

مي بضحك :_ الحمدلله والله كنت قلقانه خالص وكل شويه حاسه اني هسقط وهجيب مواد كتير ههه

نسمة بفرحة :_ لا الحمدلله كده احسن مواد ايه حرام عليكي والله فرحانه عشان فرحة اهلي بيا كبيرة

مي :_ فعلا ماما مبسوطه مني اووي والله لما فتحت اللينك مش مصدقه خالص اني اجيب 99.08 الحمدلله الحمدلله الحمدلله

نسمة بضحك:_ يابختك انتي هتدخلي طب بشري وش كده مش محتاجه اي قلق تاني

مي :_ فعلا ان شاءالله مفيش اي قلق تاني المهم سما ودينا عملوا ايه عاوزين نطمن عليهم

نسمة :_ والله انا مش عارفه وبجرب اتصل بيهم محدش بيرد بس ان شاء الله خير

مي.:_ ان شاء الله

نسمة :_ سلام يا مي هشوف ماما بتنادي علياا

مي :_ سلام يا حبيبتي

في صالون منزل مي حيث تتواجد الام وهي تتحدث مع شخصآ ما

الام بفرحة شديدة :_ الحمدلله والله لحد دلوقتي مش مصدقه نفسي حاسه اني في حلم

المتصل :_ لا الحمدلله دي حقيقه كنت واثق فيها و الحمدلله هي اد الثقه

الام :_ فعلا نفس ثقتي والله بس الفضل كله لله عز وجل

المتصل :_ طب يبقى باركيلي بقى انتي لمي وقوليلها ليها هدية جميله مني عن قريب باذن الله

الام بخجل :_ لا يا حبيبي خيرك كتير والله مش لازم تتعب نفسك وبعدين والله نسمة رنت وانت عارف طبع مي خجولة شويه حبت تكلم صحبتها عشان متتكلمش معاك

المتصل :_ عارف فعلا مي ملاك جميل نازل من السما

سلام بقى عندي شغل كتير المهم عاوز دعواتك

الام :_ربنا معاك ويوفقك يارب

تخرج مي من الغرفة

الام بفرحة :_ مبروك يا حبيبتي الف الف مبروك عقبال التخرج يارب

مي بسعادة :_ الله يبارك فيكي يا ماما كله بفضل ربنا ثم انتي يا حبيبتي

الام بحنان :_ لا يا حبيبتي دا واجبي وبعدين انتي أغلى شخص غالي عندي في الكون كله

**يرن جرس الباب

الام :_ انا هشوف مين واجي يا حبيبتي

مي:_ تمام يا حبيبتي

الام :_ حج سعيد عامل ايه وسها عملت ايه ان شاء الله خير

الحج سعيد :_ انا الحمدلله بخير يا أم مي وانتوا عاملين ايه معلش مقصر معاكو والله انا أسف اما سها الحمدلله ربنا كرمها وجابت 75 %

الام سميحة:_ معلش متزعلش سها تستحق اكتر من كده بس للاسف امها اللي هتضيعها ان شاء الله تدخل اي كلية وتبقى حاجه حلوه فيها

الحج سعيد:_ان شاء الله فين مي عشان اباركلها بنفسي اكيد شرفتني

الام سميحة بفرحة : _ الحمدلله مي جابت 98.08 وهي موجوده جوه

اتفضل يا حج معلش اعذرني نسيت اقولك اتفضل من الفرحة والله

الحج سعيد :_ ولا يهمك

الحج سعيد لمي:_ الف الف مبروك يا حبيبتي

مي بسعادة:_ الله يبارك فيك يا……

««««««««««««««««««««««««

في منزل دينا

الام بعصبية :_يا بنتي حرام عليكي في حد بيعمل تصرفاتك دي يالا هاتي التليفونات يالا

دينا بقلق :_ لا انا خايفه

ابراهيم :_ يا بنتي خلصي عاوزين نعرف عملتي ايه نجحتي سقطتي جبتي مواد

دينا بخوف شديد :_ ماشي اتفضل التليفون بس لو درجة وحشة مش تقول

ابراهيم عند فتحه للينك النتيجة

تكن الصدمة بادية على وجهه

ابراهيم لدينا :_ ايه يا هبلة داا في حد يجيب كده….؟

قد يهمك أيضاً :-

  1. رواية انتقام وعشق الفصل الخامس عشر 15 - بقلم اميرة محمود
  2. رواية يا انا يا هي (عشق الجاسر) الفصل الخامس 5 بقلم هاجر عبدالحليم
  3. رواية حبك نار الفصل التاسع عشر 19 بقلم اسماء الكاشف
  4. رواية غرام قلبي الفصل الأول 1 بقلم نبض القلب
  5. رواية غرام قلبي الفصل الثالث 3 بقلم نبض القلب
  6. رواية غرام قلبي الفصل الثاني 2 بقلم نبض القلب
  7. رواية غرام قلبي الفصل الرابع 4 بقلم نبض القلب

التعليقات

اترك رد