التخطي إلى المحتوى

  رواية كبرياء حب الفصل الثالث بقلم ندى أحمد خليل

ف المساء ف فيلة الشازلى 

تتحدث ميرنا مع والدها عبر الهاتف 

ميرنا :بابى حبيبى وحشتنى اووى 

ابراهيم :و انتى كمان يا حببتى 

ميرنا :بابى ليه عملت كده انت كده فخطر من الى هو ممكن يعمله مكونا نقول للشرطه 

ابراهيم :متخافيش يا حببتى انتى بس خلى بالك من نفسك و اى حاجه تعوزيها اطلبيها من احمد هيديكى من فلوسى الى ف الشركه  متتكسفيش يا حببتى دى فلوسك 

ميرنا :حاضر يا بابى .. هو حضرتك مش هتيجى 

ابراهيم :شويه كده يا حببتى الوضع يهدى

ميرنا :ماشى يا بابى خلى بالك من نفسك 

ابراهيم :وانتى كمان يا حببتى 

قفلت ميرنا مع باباها و حسة ان هى مخنوقه عشان هى السبب ف ان  باباها بعيد عنها و ممكن يتأذى ف قررت تنزل لحديقة الفيلا و كانت ترتدى (بيچامه ساتان شورت و توب كات من اللون الاحمر ) 

قعدة ميرنا ف الحديقه و رائها على و هو داخل الى الحديقه ذهب اليها 

على :القمر نزل الارض امتى يا ناس 

ميرنا :هههههههه عامل ايه يا على 

على :تمام الحمدالله ….تعرفى ان انا معرفش عنك اى حاجه غير ان انتى اسمك ميرنا و بنت اونكل ابراهيم صاحب بابا لا اعرف انتى عندك كام سنه ولا بتدرسى ولا لا ولا اى حاجه 

ميرنا :انا يا عم عندى 20سنه ف تانيه كليه سياسه و علوم سياسيه و انت بقى 

ظلوا يتحدثون و يضحكون على مداعبات على لميرنا ف الوقت الذى دخل فى مازن للفيلا راجع من احد الملاهى الليليه ك المعتاد ظل ينظر اليهم و ذهب اليهم 

مازن: د ايه كميه الضحك ده 

على:ايه يا عم بلاش نضحك يعنى 

مازن بحده:طيب ياله عشان انت عندك جامعه الصبح و انتى مش عندك شغل ولا ايه حضرتك 

على:خلاص يا عم متزوقش كده ..ياله يابنتى 

و ذھب كل واحد على حجرته 

…………………

ف احد غرف الفنادق على النيل 

يتصل امجد على حسام (دراعه اليمين و صاحبه)

امجد :عرفتلى هى قاعده فين ف القاهره 

حسام : مش باينه خالص يا امجد هى لسه جيه مكملتش يومين مش هنلحق نعرف هى لازم تتحرك و تخرج عشان نعرف نشوفها اصلا 

امجد :قدامك 48 ساعه تعرفلى هى فين 

حسام:طيب يا امجد 

امجد بمكر: و اعملى الى قولتلك عليه 

حسام: بجد … طب متصبر شويه

امجد:لا لازم يعرف ان محدش يتحدانى 

حسام :ماشى يا امجد 

امجد:بس انا مش عايز يبقى مره واحده انا عايز يبقى على الهااااادى خالص فاهم

حسام:فاهم 

………………………….

اشرقت الشمس تعلن عن مجئ يوم جديد ☺️

ف فيله الشازلى  

صحى مازن و ارتدى (بنطلون من اللون الكحلى و قميص كحلى و بلايزر رصاصى )

صحيت ميرنا بكل نشاط و اخذت شاور و ارتدت (سالوبيت من اللون الاحمر و تيشيرت حملات و اكمام واقعه من اللون الاوف وايت و رفعه شعرها ديل حصان و ميك اب خفيف جدا )

و صحى على و ارتدى (بنطلون چينس غامق و تيشيرت لبنى )

على الفطار كل واحده جالس مكانه 

احمد : هى ميرنا لسه مصحيتش هى مش هتروح الشركه ولا ايه

ميرنا و هى نزله :ميرنا صحيت و جاهزه كمان

منى :صباح الفل يا حببتى ايه القمر ده  

على :اوباااااااااا ايه ده هو قمر الصبح و قمر بليل 

احمد :طب تعالى افطرى ياله عشان تمشى انتى و مازن 

مازن :تمشى فين 

احمد :الشركه يا ابنى 

على :امازن جاله زهيمر 

مازن :انتى هتروحى الشركه كده 

ميرنا :اه 

مازن :كتك اوه قال اه قال الى انتى لبساه ده ده ميتخرجش بيه للجنينه حتى 

ميرنا:انا لبسى كده و بعدين انت مالك حد كان عينك واصى عليا 

مازن بزعيق:بت انتى احترمى نفسك اللبس ده ميتلبس ف مصر اه كونتى عايشة طول حياتك بره و لوانى اشك ده انتى ولا كانك كونتى ف بولاق  لاكن لبسك ده ميتلبس هنا 

ميرنا بزعيق:انت مااااالك كانوا عينوك حارس عليا انا حره البس الى انا عايزه و احترم نفسك معايا انا اه كونت عايش بره لاكن اعرف ارد عليك اووى 

احمد بزعيق :بس انتوا الاتنين 

احمد :ميرنا حببتى انتى اه حره و كل حاجه بس مازن عنده حق انا هنا بدل ولدك و ولدك لو كان هنا كان هيقولك كده ف مصر مينفعش تلبس اللبس ده دول يكلوكى يا حببتى و انت يا مازن براحه الى عايز يوصل نصيحه يوصلها بالراحه مش كده 

ميرنا :حاضر  يا اونكل يعنى انا هعمل ايه دلوقتى

مازن بزعيق :هتغيرى القرف الى انتى لبساه ده 

ميرنا بصتله بصه كلها غضب و غيظ و قالتله :حاااضر و طلعت غيرت و ارتدت(بنطلون چينس و تيشيرت كات لونه ابيض مرسوم عليه كات باللون البينك  و الظهر بتاعه كله متقطع ورفعت شهرها ذيل حصان )

ميرنا :انا جهزت 

مازن :طيب ياله

راحوا على الشركه وداها المكتب و عرفها الشغل ماشى ازاى و هى كانت متألقه جدا عشان كانت بتشتغل ف شركه باباها ف تركيا  

……………….. 

ف جامعه اعلام 

ليلى و ايات خلصوا المحاضره و مشين

ايات :يادى القرف 

ليلى :ف ايه 

ايات :الزفت الى اسمه عمر جى علينا 

ليلى :طب ياله امشى بسرعه

عمر :ازيكم يا بنات 

ايات و ليلى :كويسين و لسه هيمشوا مسك ايد ليلى 

ليلى :ايدك دى متلمسنيش تانى يا حيوان و شدت ايدها منه جامد و مشيت 

عمر :هو احنا هنفضل نلعب مع بعض كده كتير انا عايزك بقولك 

ليلى:انت قليل الادب و حيوان و زباله و لسه هترفع ايدها عشان تديله بالقلم مسك ايدها 

عمر :معشى الى يضرب عمر بالقلم و راح ضربها بالقلم و سبها و مشى 

ف جامعه تجاره انجليش

على بيكلم اسلام ف التليفون 

على :انت فين 

اسلام :تعلالى ف كليه اعلام ف مشكله مع ايات و ليلى صاحبتها و حصلهم مشكله 

على :طيب انا جى 

راح لقى البنتين منهارين 

على :ايه ف ايه 

حكاله اسلام على الى ايات حكتهوله 

على :طب هو فين ابن…. ده 

اسلام :متحولش محدش يقدر يجى جمبه د ابن اخت العميد 

على لسه هيتكلم لقى ايهاب داخل عليهم 

ايهاب :ليلى حببتى مالك و خدها ف حضنه و فضلت تعيط 

على :ايهاب 

ايهاب :ايه ده بتعمل ايه يا على 

على :انا ف الجامعه انت تعرف ليلى منين 

ايهاب :انت عبيط دى اختى سيبك بس حد يقول ايه الى حصل 

حكتله ليلى على الى حصل بعد مهديت 

ايهاب :طيب تعالى معايا

بعد ١٠ دقائق ف مكتب العميد  

العميد :استاذ ايهاب اهلا اهلا اتفضل ايه النور ده 

ايهاب :هاتلى ابن اختك المحروس هنا حالا 

العميد:هو عمل ايه بس 

ايهاب :هاتهولى بس 

بعد دقائق دخل عمر اول مدخل اتصدم ان هى تعرف ايهاب 

ايهاب :ليلى اضربيه زى مضربك 

ليلى :…..

ايهاب:اعملى الى بقولك عليه يا ليلى 

ليلى راحت ضربته بالقلم 

ايهاب قام وقف و ضربه قلم 

ايهاب :ده عشان القلم بتاعها معجبنيش 

وضربه قلم تانى 

ايهاب:ده عشان ضيقتها 

قلم تالت 

ايهاب:عشان عيطت 

قلم رابع 

ايهاب :عشان متجيش جمبها تانى ولا حتى تبصلها 

ايهاب للعميد :ابن اختك او اى حد لو جه جمب اختى تانى هيكون اخر يوم ف عمره 

و خد ليلى و مشيوا 

……………………

ف شركه الشازلى 

مازن :راندا اندهيلى الاستاذه ميرنا 

راندا :حاضر يا فندم 

خبط باب المكتب و دخلت ميرنا 

ميرنا :راندا قالت انك عايزنى 

مازن :اقعد 

مازن :انا نقلتلك ورقك بتاع الجامعه على مصر و قدمتلك ف جامعه كمان و تقدرى تروح من بكره 

ميرنا:ماشى شكرا تعبتك معايا 

مازن :لا مفيش تعب ولا حاجه ولو عوزتى اى حاجه قوليلى 

ميرنا بصتله و سكتت 

مازن :عايزه ايه 

ميرنا :بابى امبارح قالى ان لو عوزت فلوس اخد من فلوسه بتاعت ارباح الشركه 

مازن :م انا عارف ده حتى عملتلك الكريدت كارت ده عشان تجيبى الى انت عايزاه 

ميرنا :بجد ميرسى انا مش عارفه اقولك ايه 

مازن :متقوليش حاجه

ميرنا :ممكن طلب كمان 

مازن :ضحك و قالها اتفضلى 

ميرنا :عايزه اشترى عربيه و معرفش اجبها منين 

مازن :تمام هجبلك عربيه ابعتيلى صورتها و اللون و انا اجبهالك 

ميرنا:ميرسى

وخرجت 

…………………….

ف المساء ف غرفه الفندق 

يجلس امجد مع حسام 

حسام :الصفقه دى احنا لو خدناها هتبقى نقله تانيه لينا 

امجد:انامش بحب ادخل ف صفقه شريك مع حد يا اخدها كلها يا مخدهاش

حسام: انت مش داخل مع اى حد دول اكبر ناس ف الشرق الاوسط مش ناس اى كلام و الصفقه هتكون ف مصر لمده و اهو تدور فيها على ميرنا و كمان تنجز اى شغل متبقاش وقفت شغل 

امجد بتركيز :كلام كويس طيب ماشى شوف هتعمل ايه ….انت عملت ايه مع ميرنا 

حسام :لسه بنشوف يا امجد مش مخلين على جهدنا جهد …انا هقوم انا عشان ف معاد بكره مع الشركاء بتاعتة الصفقه خلى بالك هعدى عليك سلام

………………………

عيلة الشازلى يجلسون ف الجنينه 

احمد:ف حاجه تعبتك ف الشغل يا حببتى 

ميرنا :لا يا اونكل مهو ده الى كونت بعمله ف شركه بابى الى ف تركيا برضوا 

احمد :ربنا يوفقك يا حببتى 

تليفون احمد رن ابراهيم 

احمد :ابراهيم عامل ايه

ميرنا اول مسمعت اسم ابراهيم

ميرنا :اونكل هات اكلمه .. 

ابراهيم: الحمد الله تمام 

احمد :خد ميرنا عشان عماله عايزه تكلمك

ميرنا :ايوه يا بابى وحشتنى اوى 

ابراهيم :انتى كمان يا حبيبت بابى ….ميرنا ادينى اونكل احمد و انا هكلمك شويه كده 

ميرنا بقلق : حاضر 

ابراهيم :احمد ابعد عن ميرنا

قام احمد و دخل المكتب 

احمد :خير يا ابراهيم قلقتنى

ابراهيم :امجد عرف ان ميرنا ف مصر و نزل مصر بقاله يومين خلى بالك من بنتى يا احمد بنتى امانه عندك د مش راحمو انى باعد بنتى عنى لا ده كمان بيوقع الشركه الى عندى 

احمد: متخافش يا ابراهيم بنتك ف عينى متخافش 

ابراهيم :ربنا يستر …انا قولت اقولك عشان تاخد بالك عليها اكتر 

احمد :حاضر 

…………………..   

صباح يوم جديد مليئ بالمفاجئات

ف فيلة الشازلى على الفطار 

احمد :مازن خلص فطارك و عايزك 

مازن :حاضر يا بابا ……ميرنا انتى هتروحى الشغل ولا الجامعه 

ميرنا :لا الجامعه و هاجى على معاد الاجتماع 

مازن :على خد ميرنا معاك الجامعه و وريها كل حاجه متسبهاش منغير متكون عرفت كل حاجه 

على :تمام يا فندم 

ميرنا :ههههههه طيب ياله يا اخويا 

على :ياله يا اختى  

………………

ف المكتب 

احمد :مازن عايزاك متفرقش ميرنا 

مازن :ليه يا بابا حصل حاجه 

احمد :امجد عرف ان هى هنا و نزل مصر بقاله يومين ده لو وصلها هيبقى البت ضاعت و هى امانه يا ابنى 

مازن :طب م اعينلها حراصه يا بابا 

احمد :حراصه لا ميرنا متعرفش ان هو هنا عشان متقلقشى لاكن انت الى لما تكون معاها ف كل حتى عادى انت كده كده معاها ف الشركه ف هتاخد بالك منها 

مازن :حاضر يا بابا 

………………………

وصلوا ميرنا و على الجامعه و عرفها على كل حاجه 

ميرنا حضرت اول محاضرتين و راحت على الكافيتريا 

ياسمين :انتى جديده صح 

ميرنا :اه 

ياسمين :طيب ينفع اقعد 

ميرنا: اتفضلى

ياسمين :انتى اسمك ايه 

ميرنا :انا اسمى ميرنا 

ياسمين :و انا ياسمين انا شوفتك ف المحاضره عشان كده جتلك مشفتش معاكى حد خالص 

ميرنا :انا معرفش حد هنا ..هو احنا ممكن نبقى صحاب 

ياسمين :اكييييد 

(ياسمين :فتاه طيبه و رقيقه من اسره متوسطه الحال و لديها اخ ف ٢ اعدادى لديها عيون البنى الفاتح واسعه و البشراء الخمريه الفاتحه و الشعر البنى الغامق و ملامحها طفوليه)  

……………………… 

ف شركة الشازلى 

بداء الاجتماع و ظلوا يتحدثون عن الصفقه حتى طرقت الباب 

مدخلت ميرنا و ظلت متسمره مكانها 

قد يهمك أيضاً :-

  1. رواية المغامرة المجنونة الفصل الثاني 2 بقلم حنين عادل
  2. رواية المغامرة المجنونة الفصل الأول 1 بقلم حنين عادل
  3. رواية تركني وحدي الفصل الثاني 2 بقلم ملك وائل
  4. رواية تركني وحدي الفصل الأول 1 بقلم ملك وائل
  5. رواية تركني وحدي الفصل الثالث 3 بقلم ملك وائل
  6. رواية تركني وحدي الفصل الرابع 4 بقلم ملك وائل
  7. رواية تركني وحدي الفصل الخامس والأخير 5 بقلم ملك وائل

التعليقات

اترك رد