التخطي إلى المحتوى

  رواية كبرياء حب الفصل الخامس بقلم ندى أحمد خليل

ف شركه الشازلى 

كل من مازن و ايهاب و ميرنا و معاز ف غرفت الاجتماع منتظرين وصول شركه الصياد بعد ثوانى 

امجد بابتسامه :اسف جدا على التاخير 

ميرنا بصدمه :امجد 

امجد :ازيك يا انسه ميرنا اتبسط جدا ان انا شوفتك تانى واللهى 

ايهاب :اتفصلوا اقعدوا 

مازن فهم و لاكن كمل الاجتماع عاادى و مضوا العقد 

الاجتماع خلص 

امجد :انا مبسوط جدا انى هعمل الصفقه دى معاكمة

مازن بابتسامه  :و احنا كمان 

امجد: عن اذنكم اصل احنا هنتقابل كتير اوى بعد كده خلاص  و بيبص لميرنا و مشى 

ميرنا فضلت تعيط راح مازن قالها بس بطلى عياط و ياله هنمشى و راحوا على الفيلا 

……………………

ف فيله الشازلى 

دخل كل مين ميرنا و مازن و ميرنا عينها حمرا من كتر العياط جرى عليها على 

على بخضه :ايه ده ف ايه بس اهدى و فضل يطبطب عليها راحت ميرنا مرميه ف حضن على و فصلت تعيط 

مازن اتعصب و الدم ضرب ف عروقه و فضل يجز على اسنانه 

احمد بخضه :ايه ده مالك يا ميرنا 

مازن :بابا نتكلم ف المكتب 

وشد ميرنا من حضن على و راحوا على المكتب و حكالوا على كل حاجه 

احمد :ساكت و مش بيتكلم 

ميرنا:بس يا اونكل مازن كان المفروض ميعملش الصفثه دى 

احمد :بالعكس ده كان لازم يعمل الصفقه دى عشان يبقى قدام عينا و نعرف نراقبه و نحميكى  لاكن لو معملناش الصفقه مش هنعرف هو بيعمل ايه 

مازن :بالظبط هو ده الى فكرت فى 

ميرنا :طيب 

احمد : بس متنسيش انك ف خطر و اى حاجه تحصل تقوليها و متخبيش اى حاجه 

ميرنا بقلق :حاضر يا اونكل 

……………………..

تانى يوم ف بيت ياسمين 

سعاد :انتى رايحه الجامعه يا ياسمين 

ياسمين :لا يا ماما انا هروح اشوف شغل انتى عارفه ان بابا مكنش ليه معاش هنصرف منين

سعاد :يا بنتى انا هشتغل خليكى انتى ف دراستك

ياسمين :لا يا ست الكل انتى خليكى ف البيتةعشان ناخدى بالك من ادم  و كمان انتى تعبانه 

سعاد :يابنتى بس 

ياسمين :خلاص بقى خلينى الحق ادعيلى انتى 

………………..

وصل مازن ميرنا للجامعه و هو قلقان عليها جدا و دخلت ميرنا الجامعه واتصلت ب ياسمين 

ياسمين :الو 

ميرنا :اهلا بالناس الى مش بتسال 

ياسمين :معلشى يا ميرنا حقك عليا حصلتلى شويه ظروف كده 

ميرنا :خير يا ياسمين 

ياسمين :بابا اتوفى من ٤ ايام 

ميرنا :البقاء لله يا حببتى و اللهى مكنتش اعرف انتى فين دلوقتى 

ياسمين :و الدوام لله انا بدور على شغل عشان انا الكبيره و انا الى هصرف على البيت خلاص معرفش اصلا هعرف اجى الجامعه تانى ولا لا 

ميرنا :اممممممم….. ياسمين انا عندى شغل ليكى 

ياسمين :بجد 

ميرنا :اه بجد بصى تعليلى على الجامعه و بعدين هنطلع على الشركه 

ياسمين :ثوانى و اكون قدامك 

……………………

ف شركه الشازلى 

حكى مازن لايهاب كل حاجه

ايهاب :انت كده هتعمل ايه 

مازن :ف حاجه ف دماغى لو سلكة هنخلص منه

ايهاب :ايه دى 

مازن : مش دلوقتى 

ايهاب :ماشى 

مازن:انا هروح اجيب ميرنا من الجامعه

ايهاب :طيب 

………………

ف جامعه اعلام 

يجلس كل من على و ليلى و اسلام و ايات 

اسلام :اعملوا حسابكم بكره بليل احنا خارجين

على:تمام يا زميلى انا معاك 

ايات :و انا كمان 

ليلى :معلشى يا جماعه انا مش هقدر 

ايات :ليه يا ليلى احنا بقلنا كتير مخرجناش و ياستى لو على اخوكى قوليلوا انا هوصلك 

على :لو على ايهاب قوليلوا ان انا كمان معاكم ف الخروجه و انا هوصلك 

ليلى :هشوف بس مظنش انه هيوافق 

……………….

خرجة ميرنا و ياسمين من الجامعه بعد ان تحدثت مع مازن و عرفت ان هو ينتظرها بالخارج 

مازن اول مشافها استغرب 

ميرنا :ياسمين صاحبتى …مازن ابن شريك و صاحب بابا و زى احويا الكبير 

ياسمين :اهلا وسهلا 

ميرنا فتحت باب العربيه الخلفى

ميرنا :اركبى يا ياسمين 

بعد م ياسمين ركبة 

مازن :ايه 

ميرنا قصة عليه كل حاجه قالها ان ايهاب بيدور على سكرتيرا و انطلقوا الى الشركه و قدمة السيفى بتاعها لايهاب 

ايهاب :تمام يا انسه ياسمين تقدرى تستلمى شغلك من بكره 

ياسمين :شكرا لحضرتك  و حضنت ميرنا و قالتبها شكرا و مشيت 

………………………

ف فيله الشازلى 

احمد يتحدث مع ابراهيم 

ابراهيم :خلاص يا احمد انا حجزت ف طيارة الفجر و هاجى على االساعه ١٢ كده 

احمد :تنور يا ابراهيم 

ابراهيم :معلشى يا احمد شوفلى شقه دوبلكس تكون مفروشه و خلى ميرنا تجهز شنطتها و حاجتها عشان ننقل هنا كتر خيرك اوى بقالك شهرين مستقبل بنتى عندك 

احمد :ايه الى انت بتقوله ده يا ابراهيم دى بنتى و بعدين ان انتوا تعيشوا ف شقه لوحدكم مش هينفع خالص بعد الى حصل 

ابراهيم :هو ايه الى حصل

حكاله احمد كل الى حصل 

ابراهيم :بنتى خلاص راحت منى 

احمد :ايه الى بتقوله ده اهدى بس كده و لما تيجى نتكلم 

…………………..

اشرقت شمس يوم جديد 

ارتدت ميرنا (بنطلون چينس و شميز موف شفاف و تحته توب نفس اللون حماله و سابت شعرها حر )

ارتدى مازن (بنطلون چينس و بليزير لبنى و تيشيرت ابيض ساده )

و ذهبوا الى الشركه 

……………………..

ف شقه ايهاب 

ايهاب :لولو حببتى انا نازل عايزه حاجه 

ليلى :اه …لا …اه ..لا لا 

ايهاب :لوولووو حببتى فى ايه 

ليلى :هقولك حاجه بس متزعقش اه اه لا لا 

ايهاب :قولى 

ليلى :صحابى خرجين بليل و عايزه اخرج معاهم و مش هتاخر واللهى و هخلى ايات توصلنى 

ايهااب :مين الى خارج معاكى 

ليلى :فاكر الخناقه الى حصلت ف الجامعه كان ف ٣ وقفين معايا 

ايهاب:ااااه ايات و اسلام و على يعنى 

ليلى …

ايهاب :ماشى يا ليلى شوفى هتروحى امتى وانا هوصلك و  على فكره على اخو مازن صاحبى

ليلى :ايه ده بجد 

ايهاب : اه و اللهى متتاخريش 

ليلى باسته :انت احلى اخ ف الدنيا 

ايهاب :ربنا يخليكى ليا يا قلبى 

……………………….

ف شركه الشازلى 

ف مكتب ميرنا الباب خبط و امجد دخل عليها 

ميرنا برعب :انت بتعمل ايه هنا 

امجد :ايه جى اخد الحاجه الى تخصنى و عمال يقرب عليها و ميرنا بترجع لورا 

امجد :انا محدش ياخد منى حاجه انا عايزها ولا يقدر يخبيها منى 

ف مكتب مازن 

مازن :الزفت الى اسمه امجد ده المفروض يكون هنا بقاله نص ساعه 

ايهاب :انا و انا ف قسم الارشيف شوفته 

مازن :ايه ….و قام جرى على مكتب ميرنا

لقى ميرنا عماله تترعش و تعيط راح عليها و خدها ف حضنه و فضلت تعيط و خدها و روحوا 

………………..

ف مكتب ايهاب 

ياسمين :مستر ايهاب الى حضرتك طلبته اهو و تمد ورق على المكتب 

ايهاب :شكرا يا ياسمين طلعتى ذكيه و بتتعلمى بسرعه

ياسمين شكرا لحضرتك ….عن اذنك 

بعديها ب ساعه نده عليها ايهاب 

ياسمين :نعم يا فندم 

ايهاب :ياسمين بصى كده على الملف ده و لسه هيكمل رن تليفونه 

ايهاب :الو يا حبببتى 

ليلى :ايهاب انا عايزه اروح الكافيه الساعه ٨ 

ايهاب :حاضر يا قلبى هعدى عليكى ٧.٣٠ تكونى جهزتى ..باى 

ايهاب كونا بنقول ايه خلص الى كان عايزه منها و خرجة من المكتب و قعدت على مكتبها 

ياسمين لنفسها  :انا متعصبه ليه بيكلم حبببته و انا مالى ياسمين فوقى لنفسك دول شعلوكى هنا عشان ظروفك فوقى من الروايات و الافلام الى ف دماغك دى ان المدير يقع ف حب السكرتيرا و ركزى ف شغلك و قامت و عملت قهوه 

…………………………

دخلت ميرنا و مازن الفيلا و هى وشها اصفر و عماله تترعش اول مدخلت شافت باباها جريت عليه و فضلت تعيط و مكنش حد عارف يهديها 

احمد :ف ايه يا مازن 

مازن :طب تعالوا نتكلم ف المكتب 

دخل احمد و ابراهيم و مازن و ميرنا المكتب 

احمد: ف ايه ايه الى حصل 

مازن :امجد رحلها المكتب و فضل يقولها انا جيت اخد الحاجه الى تخصنى و انا محدش ياخد منى حاجه انا عايزها على م عرفت ان هو ف الشركه اصلا كان هو مشى 

ميرنا بعياط :بابا انا هقوله انى موافقه 

كلهم:اييييه 

ميرنا:انا مش هستنا لحد ميقتلى ابويا و بعدين انا وافقت او موافقتش هياخدنى برضايا او غصب عنى

مازن :اه ف تروحى تتجوزى واحد حقير زى ده 

ميرنا :عندك حل تانى

مازن:حالينا لا 

ميرنا :طب اهو شوفت 

احمد:انا لقيت حل 

كلهم :ايييه 

احمد:مازن و ميرنا يتجوزوا 

الكل بصدمه اييييه 

احمد :اسمعوا بس هيتجوزوا لفتره لحد منخلص منه و انا عرفت ان هو هيعمل صفقة مخدرات كبيره اوووووى ف مصر احنا بقى نفضل وراه لحد منخلى الشرطا تمسكه متلبس و ساعتها اتطلقوا 

مازن بابتسامه لا يعرف سببها :انا موافق

ميرنا:يا اونكل مازن ده اخويا الكبير ده انا و هو بناخانق اكتر مبنتكلم ف اتجوزوا و اقعد معاه ف بيت واحد

ابراهيم :ميرنا مش احسن متتجوزى واحد زى امجد 

ميرنا :من امجد ل مازن يا قلب لا تحزن 

احمد:ها يا ميرنا 

ميرنا :هما كام شهر لحد منخلص من زفت ده 

كلهم :ماشى 

احمد :انا هعمل حفله كبير يوم الجمعه و هعزم فيها كل الناس و الصحافه و كلوا عشان لو فكر يلعب ميعرفش و نخلى الفرح بعد اسبوع

ميرنا :يا اونكل النهارده الاربع 

احمد :انا عارف ده و بكره مش هتروحى الشغل لا انتى ولا هو انتوا 

مازن و ميرنا : ليه 

احمد :هتشوفوا بكره 

…………………………..

خرجوا من المكتب و بلغوا العيله بالخبر و الام فرحة جدا 

على :راح حضن اخوه و راح عند ميرنا و غنى 

عروسه حلوه جبلتني….بعينها بربشتلي…..لهطت جشطه مرمرتلني…..غمزتي و عكستني…….بصراحه روشتني و هو عمال يلفف ميرنا و هى تضحك جامد و كلهم عمالين يصحكوا و مازن و ميرنا دمغهم ف حاجه تانيه خااالص ميرنا طلعت قعدة ف الجنينه و مكلتش و هلى راح لصحابه و مازن خرج برضوا

ميرنا لنفسها:انا ازاى هعيش مع الكائن ده انا اصلا بخاف اركب مع اى راجل العربيه اقوم لما اتجوز اتجوز واحد مبحبهوش و لا هو بيحبنى يا ربى يارب وكلتك امرى يارب و طلعت اوضتها و نامت 

…………………..

عند عمر ف الكافيه 

وصل عمر و نزل العربيه لحظه وصول ليلى و ايهاب قرب عمر من ايهاب و سلم عليه 

ايهاب :ليلى لما تقربى تمشى اتصلى بيا اجى اخدك 

ليلى :حاضر 

على :طب م اوصلها انا يا ايهاب 

ايهاب :لا لا انا هاجى اخدها 

على :يا ابنى م البيت بتغكم ف نفس طريقى اصلا

ايهاب بنص عين :و انت عرفت بتنا منين 

على :لسه هيتكلم 

ليلى :ايهاب الولد الى قولتبك عليه وصلنى لما الولاد ضيقونى كان على كان اول مره اشوفه فيه 

ايهاب :اااااه شكر يا عمر على الى عملته مع ليلى 

عمر :شكرا ايه يا عم مفيش شكر ولا حاجه 

ايهاب: خلاص يا ليلى خلى عمر يوصلك 

ليلى :طيب 

دخلوا الكافيه 

اسلام :ايات تعالى عايزه اقولك حاجه 

اسلام و ايات راحوا قعدوا ف ترابيزه تانيه 

عمر :احم ….عامله ايه 

ليلى :الحمدالله

وفضلوا يتكلموا 

فعربيه عمر 

ليلى :خلاص وصلنا

عمر :ليلى ممكن رقمك 

ليلى :ليه 

عمربضحك:عشان لو حد غلس عليكى او لو عوزتى  توصيله …..عادى يعنى يا ليلى عشان اطمن عليكى مش احنا اتفقنا نبقى صحاب

ليلى :هههههههههه ماشى رقمى ……… 

…………………

تانى يوم صحيوا الابطال 

ارتدت ميرنا (توب كاب نص بطن اوف وايت و عليه چاكت جملى و شورت اوف وايت و عملت شعرها كحكا )

و ارتدى مازن (بنطلون اسود و تيشيرت ابيض )

على الفطار 

احمد بابتسامه: ميرنا و مازن يخلصوا فطار و على هيعرفكم هتعملوا ايه 

على بابتسامه :طبعا يا فندم 

ميرنا و مازن :ف ايه 

على: خلصتوا فطار 

ميرنا و مازن :اه 

على: اتفضلوا قدامى 

خدهم لمكان ف الحديقه اعطى لميرنا كتالوك فساتين خطوبه و لمازن كتالوك  وجه احمد 

احمد :كل واحد يختار ياله ….بس مازن انت هتختار اتنين واحده للفرح و واحده للخطوبه  و انتى يا ميرنا هتختارى فستان من الكتالوك ده و واحده من ده ده فرح و ده خطوبه 

على بضحك :وانا كمان هختار اتنين ولا انا ابن البطه السوده 

ميرنا :تعاله يا على نختار انا وانت ربنا يهديك 

على بغمزه: هتختارى البدل بتاعتى 

ميرنا بضحك:ماشى يا زميلى 

مازن :مشاء الله قرطاس قاعد وسطيكم انا 

على بضحك:انتى بتغيرى يا بيضه انتى بتغيرى 

مازن :قام من مكانه و كان هيضربه بس على استخبا ف ابوه كل ده و ميرنا و احمد و ابراهيم عمالين يضحكوا 

ميرنا اختارت فستان (احمر طويل ليه ذيل طويل و مفتوح م قبل الركبه بحبه حلوين من على الرجل اليمين و على هيأت الكاب و باقى الصدر للاكمان شيفون شفاف نفس الدرجه و من عند البطن خط زى الحزام كده شيفون شفاف)  

ميرنا :انا عايزه ده لبكره 

مازن بيبص على الفستان 

مازن:ده قميص نوم صح 

ميرنا :لا ده الفستان الى هلبسه بكره 

مازن:د لما تكونى هتتجوزى خروف بقرون ان شاء الله 

ميرنا:مليش دعوه انا عايزه ده 

مازن:هجبهولك لما نتجوز ابقى البسيه ف البيت ليا  ان شاء الله مش لكل خلق الله 

ميرنا:لا دماغك متودكش لبعيد يا بابا الجواز ده مؤقت هنفضل اخوات زى م احنا انا اوضه و انت اوضه متفتكرش انه جواز حقيقى فوق 

مازن بصلها بغضب :ميرنا اخر كلام عندى الفستان ده مش هيتلبس و على فكره بعد بكره انا و انتى نزلين نجبلك لبس عشان تلت تربع لبسك مش هيتلبس تانى 

ميرنا:انت سمعت انا قولت ايه ولا انت اطرش ولا ايه 

مازن :هتبقى مراتى و على اسمى و انا مراتى متلبس كده لما نبقى نتطلق يا ستى ابقى البسى زى م انتى عايزه خلاص 

ميرنا لابراهيم بعصبيه:شايف هتدبسنى ف ايه انا هقدر اتحمل كائن زى ده وانا الى هتدبس فيه عشان اخلص من امجد بلا نيله كله صنف عايز الحرق اصلا 

ميرنا :انا طالعه اوضتى 

مازن :استنى ف حاجات كتير اوى هنختارها عفش الجناح بتاعنا و كل حاجه هيخلص النهارده عشا يلحق يتجهز 

ميرنا:اختار انت و على انا تعبانه و طلعت اوضتها و منزلتش تانى 

……………….

ف غرفة امجد ف الفندق 

حسام :امجد 

امجد :امممم

حسام:بص الدعوه دى وصلت النهارده الصبح 

امجد:دعوة ايه ورينى ……اييييييييييه ده على جثتهم هما الاتنين و بداء بكسر كل حاجه تيجى قدامه 

حسام :امجد اهدى مينفعش كده خلينا نفكر 

امجد: هقتله لو لمسها حتى محدش يفكر ياخد حاجه بتاعتى 

حسام :اهدى عارف احنا بكره لازم نروح و بعد كده نفكر هنعمل ايه 

……………………..

ف احد الملاهى الليليه 

ايهاب:العريس قاعد هنا بيهبب ايه على دماغه 

مازن:و النبى يا ايهاب سبنى بالى انا فى 

ايهاب :مللك ف ايه 

مازن بصله شويه :هحكيله عشان فعلا محتاج احكى مع حد

ايهاب:احكى يا شهرذات

مازن بغضب :غور يا ايهاب 

ايهاب بضحك :خلاص خلاص احكى 

مازن حكاله على كل الى حصل من ساعة م هى شافة امجد لحد م كانوا بيختاروا الحاجه 

ايهاب:طب انت متضايق ليه م الى هى قالته صح الجوازه دى هتكون فتره و هتنتهى 

مازن :مش عارف بس متضايق اوى من ساعت م قالت كلامها ده 

ايهاب:انت حبتها يا مازن 

مازن :انا لا طبعا 

ايهاب :مازن عليا انا 

مازن :ايهاب انت عارف ان انا مينفعش احب انا لما بحب بظلم الى معايا و باجى عليها اوى و حتى لو حبيت ميرنا ف يوم هبعدها عنى عشان احميها منى 

ايهاب:ايه التخلف الى انت بتقوله ده يا مازن انت برضوا بعد كل السنين دى دول ياصحبى انسى دى متستهلش 

مازن :فكك يا ايهاب انا همشى و بكره تعالى على الفيلا بدرى و هات ليلى معاك و اهى تبقى مع ميرنا و تتعرف عليها و يبقى صحاب و بكره خلى ياسمين تيجى على الفيلا مش على الشركه

ايهاب:ماشى 

………………..

تانى يوم ف الفيلا 

ف اوضه ميرنا 

صحية ميرنا على صوت اغانى و زغريط ف اوضتها 

ميرنا :ايه ده ف ايه 

منى :اصحى يا عروسه نموسيتك كحلى 

ميرنا :يا طنط انتوا مصحينى من دلوقتى ليه 

ياسمين  :يالهوى هى مين العروسه حد شافها يا جماعه بت انتى خدى ادتها غيار و و اتفضلى خدى شاور و عشر دقائق و تكونى عندى 

ميرنا :ايه ده انا عايزه انام 

ياسمين :العشر دقائق هيخلصوا و انتى بترغى 

منى و ليلى عمالين يضحكوا 

……………………

ف اوضه مازن 

على و ايهاب دخلين واحد بيقلد الزغروطه و التانى بيغنى النهارده فرحى يا جدعان النهارده فرحى يا جدعان عايز كله يبقى تمام لقيتها ماشيه مشيت وراها قولت لازم اعيش معاها عرفين قولتلها ايه 

مازن بضحك:ايييييييييه 

مازن:اوعوا كده اتابع تجهزات الحفله

ايهاب:واخد بالك يا واد ياعلى اخوك صحى بدرى و خد شاور و لبس و نازل يتابع التجهيزات كمان

على:اه ياواد ياهوبا م الحب بهدله صحيح و ميرنا تتحب الصراحه و غمز بعينه

مازن  :ولاااااا احترم نفسك عشان مزعلكش و اوعوا كده من سكتى 

……………………..

احمد و ابراهيم 

ابراهيم :احنا كده مش بنظلم الولاد يا احمد م احنا كونا ممكن نشوف حل تانى 

احمد:لا انا قاصد الحل ده انت متعرفش مازن انا عارفه هو بيحب ميرنا بس هو عمره م هيعترف ب ده لنفسه بسبب الى حصله زمان الله يسمحها بقى الى كانت السبب 

ابراهيم :طب ميرنا يا احمد ميرنا مستحيل بعد الى حصلها تحب تانى ولا تسمح لاى راجل يدخل حياتها اصلا م انا حكيلك حصلها ايه 

احمد :متقلقش يا ابراهيم انا عارف ان مازن هيحمى ميرنا و هيخليها تحبه يا عم لو ده محصلش بعد سنه من جوازهم هما يحددوا عايزين يطلقوا ولا لا و بعدين عشان نحمى ميرنا من امجد و انا ف السنه دى هقضى على امجد همحيه من الوجود عشان لو ميرنا حبت تتطلق من مازن متبقاش ف خطر ثق فيا يا ابراهيم 

ابراهيم :ماشى يا احمد 

……………………….

ف اوضه ميرنا 

ميرنا لقت مازن نقلها فستان غير الى هى نقته برضوا و بعته

ميرنا بزعيق:مش هلبس ده … انا عايزه الفستان الى اختارته.. مليش دعوه 

ليلى و ياسمين:ياحببتى واللهى الفستان حلو اوى و هيكون حلو عليك 

ميرنا بزعيق :مش هلبسه مش هو بيعند بقى انا بقى اعند من الى خلفوف كلهم و مش هلبسه 

الباب بيخبط و مازن دخل 

مازن :ايه الزعيق ده ف ايه 

ميرنابزعيق:انت فاكر نفسك هتتحكم فيا انا مش عبده عندك عشان البس الى و اروح واجى زى م انت عايز مش عشان هنتزفت يبقى خلاص 

مازن :لو سمحتم سبونى معاها لوحدنا 

كله خرج 

مازن مسك ايدها جامد :اولا:صوتك ميعلاش عليا لاى سبب كان 

ثانيا:انا قولت الفستان الى اختارتيه مش هيتلبس و قولتلك اختارى واحد غيره انتى قولتى اختار انت وعلى و طلعتى اوضتك و هو بيتك على ايدها حصل ولا محصلش 

ميرناو هى حبسه دموعها :ده مش عجبنى 

مازن بابتسامه مستفزه :عجبنى انا ….ساعه بالكتير و القيكى جاهزه يا زوجتى المستقبليه و ادها ظهره حدفته ب ازازه كانت جمبها بس مجتش فى 

مازن بضحكه  :مجتش فيا و خرج 

ميرنا فضلت تدبدب ف الارض وتعض ف ايدها 

بعد ساعه و نص 

جهزت ميرنا و مازن راح خدها و كان ف كامل اناقته 

مازن كان لابس (بدله لونها كحلى )

ميرنا كانت لابسه (فستان احمر منفوش الى حد ما من الدنتيل طويل و ليه ديل و الاكمام بالرقبه و جزئ بسيط من الصدر و نص الظهر شفافه و من الوسط حزام عريض من اللولى و من الجزى العلولى متنطور لولى و على الاكمام و مابت شعرها حر مع الميك اب)

مازن اول مشافها فضل مبلم كانت ف غايه الجمال 

مازن:بقى بزمتك مش عجبك الفستان 

ميرنا :اه 

مازن:انتى اصلا لو لبستى اى حاجه هتكون حلوه كفايه بس ان انتى الى لبساها

ميرنا:متعشى الدور ها خليك فاكر كويس ان كل ده شكلى بس مش اكتر عشان امجد ماشى 

مازن خد نفس عميق:يامصبرنى يارب ..امشى يا ميرنا خلينا ننزل للناس الى تحت 

خرجوا و اول م الناس شفتهم فضلوا يسقفوا و الصحافه عماله تصور 

رقصوا اول رقصة سلو ميرنا اول م ملزن لمسها حست برعشه ف جسمها و كانت بترقص و هى بعيد عنه راح هو شددها ليه وبقى قريب منها ميرنا بصه ف الارض 

مازن :بصى ف عينى عشان الناس 

ميرنا… …..

مازن :ميرنا بثى ف عينى 

بصت ميرنا ف عينه و سرحت محستش غير لما الاغنيه خلصت 

و كتبوا الكتاب تحت اندهاش ميرنا عشان مكنتش تعرف ان كتب الكتاب هيتكتب النهارده

راحوا قعدوا ف الكوشه عشان و االناس تيجى تبارك 

ف ترابيزت ليلى و ياسمين و ايهاب و عمر 

ياسمين :مشاء الله حلوين اووى و ليقين على بعض ..بس عملين زى القط و الفار 

ليلى :ههههههه 

عمر واقف جمب مازن و مخدش باله ان صوته عالى 

عمر :يالهوووووى على الضحكه دى 

ايهاب داس على رجله جامد :ولا احترم نفسك دى اختى 

عمر:ياعم وربنا غرضى شريف بس اختك مش مديانى فرصه اقرب منها حتى 

ايهاب :ايوه انا الى مربيها 

عمر :تربيتك جت على دماغى ياشيخ ربى نفسك …طب ايه بقولك غرضى شريف 

ايهاب :مش مشكلتى

عمر :طب ماشى يا ايهاب ….خلى بالك ياسمين بنت محترمه و معجبه يا هوبا 

ايهاب :ايه الى بتقوله دى هى قالتلك حاجه 

عمر :لا بس من نظرتها ليكى يا بطه 

ايهاب :لا بتهيقلك 

عمر :خلاص مش هى بتشتغل سكرتيره عندك خد بالك و هتلاقى ان كلامى صح … ياله نروح نرقص العيال دى احنا هنفصل وقفين زى البط كده 

راح على خلى الدچى يغير الاغانى لاغانى يترقص عليها و راحوا شدوا ميرنا و مازن و فضلوا يرقصوا ميرنا وياسمين وليلى و مازن وعلى و ايهاب بعد كده راحوا للكوشه 

ميرنا لقت كريم جى عليها مسكت ف مازن بعد م كانت رافضه خالص مازن استغرب 

كريم :الف مبروك يا استاذه ميرنا …ولا اقول يا ميمى 

مازن :ميمى …انتوا تعرفوا بعض 

كريم :طبعا عز المعرفه ..بس مش وقته مسيرك هتعرف 

…على العموم الف مبروك 

مازن عدى الموضوع لحد م الناس تمشى  

خلص الخطوبه و كل الناس مشيت 

مازن و ايهاب خرجوا و طلعت ميرنا  مخدت شاور و غيرت هدومها و نزلت قعدت ف الجنينه و هى بتعيط 

و فجئ لقت حد بيمسكها من شعرها…… 

قد يهمك أيضاً :-

  1. رواية انتقام وعشق الفصل الخامس عشر 15 - بقلم اميرة محمود
  2. رواية يا انا يا هي (عشق الجاسر) الفصل الخامس 5 بقلم هاجر عبدالحليم
  3. رواية حبك نار الفصل التاسع عشر 19 بقلم اسماء الكاشف
  4. رواية غرام قلبي الفصل الأول 1 بقلم نبض القلب
  5. رواية غرام قلبي الفصل الثالث 3 بقلم نبض القلب
  6. رواية غرام قلبي الفصل الثاني 2 بقلم نبض القلب
  7. رواية غرام قلبي الفصل الرابع 4 بقلم نبض القلب

التعليقات

اترك رد