التخطي إلى المحتوى

  رواية كبرياء حب الفصل الرابع بقلم ندى أحمد خليل

ف شركة الشازلى 

بداء الاجتماع و ظلوا يتحدثون عن الصفقه حتى طرقت الباب 

دخلت ميرنا ظلت متسمره مكانها لثوانى 

ميرنا :اسفه على التاخير 

ايهاب :مفيش حاجه احنا متكلمناش ف حاجه 

ايهاب :الاستاذه ميرنا الشناوى ابنه الاستاذ ابراهيم الشناوى هى الى هتتابع الشغل مكان ولدها ف مصر 

الكل :اتشرفنا بحضرتك 

ميرنا :ميرسى 

ميرنا طول الاجتماع مش مركزه 

كريم :ولا ايه رائيك يا استاذه ميرنا 

ميرنا:….

ايهاب:ميرنا انتى كويسه 

ميرنا :معلشى عندى صداع بس كملوا 

ايهاب :طب امشى انتى و انا هكمل الاجتماع 

ميرنا :تمام  

خرجت ميرنا من الاجتماع

مخنوقه و عايزه تتكلم مع حد اتصلت ب على 

على :الو 

ميرنا :على انا مخنوقه انت ينفع تقبلنى ف اى مكان نتكلم عايزه اتكلم مع حد 

على :طب بس خلاص اهدى انتى ف الشركه ولا الجامعه 

ميرنا: الشركه  

على :عشر دقائق و هكون عندك 

انتهى الاجتماع و عند الخروج 

كريم :استاذ ايهاب هى استاذه ميرنا عامله ايه 

ايهاب:ميرنا كويسه هى تلقيها روحت اصلا ترتاح

كريم :تمام ابقى قولها انى سالت عليها 

……………………….

ف اجتماع اخر ف احد الشريكات الكبرى 

حسام:معظم البنود بتاعت العقد مش لصالح حد غيركم هو انا داخل الصفقه دى لله و للوطن 

معاز :هو ده الى عندى  

حسام :طب هتناقش مع شريكى و هرد عليك  

معاز : برحتك خد وقتك قدامك ٣ ايام بعد كده اعتبر العقد ملغى 

حسام:تمام 

معاز:تمام 

……………………..

ف احد الكافيهات 

على :ف ايه يا بنتى مالك 

ميرنا بعياط :شوفته 

على :شوفتى مين اهدى و فهمين 

ميرنا هديت 

ميرنا :انا كونت مرتبطه ب واحد اسمه كريم فضلنا سنتين مع بعض حبيته اوى كان هو اول حد يدخل حياتى ف يوم كونا متخانقين قولت اروح اصالحه كان معايا مفتاح الشقه بتاعته دخلت الشقه لقيته ف السرير هو واقرب صاحبه ليا و عرفت بعد كده ان هما على علاقه مع بعض بقالهم كتير و من ساعتها و انا مش بشوفه و عرفت ان هو سافر امريكا لباباه والنهارده دخلت الاجتماع ف الشركه لقيته 

على :ايه ده ده انسان مقرف طب اهدى كده انتى لسه بتحبيه 

ميرنا :لا انا اول مشوفته افتكرت كل الى حصل ف حسيت انى مخنوقه ف ملقتش غيرك اكلمه 

على :بصى هى حاجه طبيعيه انك تحسى بكده ده انسان زباله متفكريش ف اصلا 

ميرنا:انا مش بفكر فيه  انا الموضوع اثر فيا لدرجه ان انا بخاف من اى راجل 

على : بصى انا هنسيكى كل ده قومى معايا 

خدها و راحوا الملاهى 

…………………………

ف تركيا بالتحديد ف شركه الشناوى 

ابراهيم :يعنى ايه كل يوم بنخسر عميل ولا عملين هو انا مشغل بهايم 

سيد:ابراهيم بيه حضرتك عارف كويس مين الى بيعمل كده ولو اتشقلبنا مش هنعرف نعمل حاجه 

ابراهيم :حط وشه مبين ايده الاتنين طب اخرج يا سيد روح شوف اى حل للمصيه دى 

………………………

ف شركه الشازلى 

ف مكتب مازن 

ايهاب :عملت ايه ف الصفقه 

مازن:معاز قالى ان هما كانوا معترضين على البنود وهيردوا علينا بعد ٣ ايام 

ايهاب :عندهم حق د انت مبهدلهم ف البنود الى ف العقد  

مازن:هههههههه طبعا د انا مازن الشازلى يا بابا مش هدى الفرصه لاى حد عشان شاركنى 

ايهاب :يا جامد 

ايهاب :بص بقى يا اخويا الساعه بقت ٨ و اه ف شغل عارف بس انا همشى مش قادر 

مازن :طيب امشى بس قولى انت و ميرنا عملتم ايه ف الاجتماع 

ايهاب:بص الاجتماع انا خلصته كله تمام و العقد اتمضا بس ميرنا اول مدخلت الاجتماع وقفت ثانيتين كده و بعد كده فضلت سرحانه سالتها مالك قالتلى مصدعه قولتلها تروح و انا هكمل الاجتماع 

مازن :ايه ده غريبه ….ايه هى روحت لوحدها 

ايهاب :اه …فيها ايه  

مازن :خد حاجته و جرى و مردش على ايهاب 

……………………….

عند على و ميرنا 

على بضحك:يالهووووووى يا خوافه مش قاادر هموت شكلك كان يموت من الضحك 

ميرنا بزعل مصطنع :انت غلس على فكره 

على بضحك :ههههههههههه ايوه صح …..هتركبى حاجه تانى ولا ايه 

ميرنا بسعاده طفله :لا خلاص الساعه بقت 9 تعاله نروح ناكل بيتزا و بعد كده نروح 

على بابتسامه :طيب ياله 

……………………….

ف فيله الشازلى 

دخل مازن الفيلا 

منى :حبيبى حمدالله على سلامتك جيت بدرى يعنى 

مازن :الله يسلمك يا ماما هى ميرنا جت 

منى :لا يا ابنى مجاتش هى مش معاك ف الشركه

احمد :ف ايه يا مازن ميرنا فين 

مازن :حكاله على الى حصل ثم انا مكونتش ف الشركه كان عندى اجتماع برا اصلا و قولت هروح الشركه تكون خلصت الاجتماع الى عندها و بعد كده نروح مع بعض 

احمد :لسه هيتكلم

لقى ميرنا و على دخلين و عمالينى يصحكوا 

على :فرجتى عليا الناس كلها يا شيخه

ميرنا :ماااااشى يا على 

على :ميسا ميسا على الناس الكويسه …متجمعين عند النبى 

مازن بزعيق: شد ايد ميرنا جامد و اتك عليها اوووى انتى كونتى فين انتى خارجه من الشركه من الساعه ٤ 

ميرنا :اه اه اه ايدى و انت مالك

على :ف ايه يا مازن كلمتنى و كانت مخنوقه خرجنا ف ايه  

مازن:ساب ايدها (حس بنغزه ف قلبه لما شاف دموعها) و بزعيق متتحركيش لاى حته بعد كده منغير متقوليلى فاهمه ولا لا 

ميرنا:لا مش فاهمه و مش هافهم و ابعد عنى بقى يا شيخ و طلعت على اوضتها 

احمد :مش كده يا مازن بالراحه 

مازن :يابابا هى ف خطر 

احمد:بس هى متعرفش 

مازن:عن اذنكم و طلع اوضته

………………………..

ف اوضت ميرنا 

خدت شاور و غيرت هدومها و قعدت على السرير و فضلت تعيط تفتكر الى حصلها من كريم و الى مازن بيعمله و قاله بصوت مسموع كلهم زى بعض لو كونت جمبى دلوقتى يا بابى مكنشى عمل كده و فصلت تعيط لحد منامت 

………………………..

ف اوضه مازن 

خد شاور و غير هدومه و قعد على السرير يفكر هو ليه حس بنغزه ف قلبه لما شاف دموعها  هو ليكونش 

مازن بصوت مسموع  :لا لا لا ايه التخلف ده 

بعد كده نام 

……………………..

ف غرفه امجد ف احد الفنادق 

يتحدث امجد مع حسام عبر الهاتف 

امجد:لقتوها فين

حسام :لقينا اسمها لسه متسجله جديد ف جامعه 

امجد:تمام اوى كده …عملت ايه ف الصفقه 

حسام :البنود كلها لصالحهم و احنا ولا كائننا موجودين انا بعتلك العقد على الايميل بص عليه كده انا مش عجبانى 

امجد:خلاص تغور مش مهم 

حسام :تمام

امجد:خليهم بقى يمشولى وراها يشوفوا قعده فين بتروح فين كده عشان اعرف انا اتحرك 

حسام :تمام 

……………………

عدى يومين بدون احداث ميرنا مخرجتش من البيت بقالها يومين و بتتلاشا مازن خالص و كل كلامها مع على و بقى اقرب صديق ليها 

…………………..

اشرقت شمس يوم جديد ملئ بالمفاجأت 

صحى كل من ميرنا و ارتدت (فستان فوق الركبه  اوف وايت منقوش بورد نبيتى خفيف و سابت شعرها حر )

ومازن و ارتدى (بليزير ازرق و قميص ابيض ف نقط كحلى غامق و بنطلون كحلى )

و على ارتدى (بنطلون  چينس غامق و قميص كحلى و فاتحه و تحته تيشيرت ابيض سادا )

نزل كل منهم على الفطار بدون صوت 

مازن:ميرنا هتروحى الجامعه ولا الشركه 

ميرنا : لا الجامعه 

مازن :طيب ياله عشان اوصلك 

ميرنا:شكرا هروح مع على 

مازن :لا ياله ..و لما تخلصى هتلقينى مستنيكى قدام باب الجامعه 

ميرنا :د ليه بقى 

مازن :هو كده و ياله عشان اوصلك قولت 

ميرنا:اوووووووووف

…………………

ف فيله الشازلى 

احمد يتحدث مع ابراهيم 

ابراهيم :خلاص يا احمد انا الشركه الى عندى انهارت مبقاس فيها ولا عميل خلاص الشركه بح يا احمد 

احمد:متزعلش نفسك بنتك اهم من كل حاجه

ابراهيم :خلى بالك منها يا احمد 

احمد :ف عينى متخافش عليها يا ابراهيم 

ابراهيم :انا هقفل عشان اروح اشوف المصيبه الى انا فيها دى 

احمد :ربنا يعينك 

………………….

ف الجامعه عند ميرنا 

ميرنا :بت يا ياسمين انتى مش جعانه 

ياسمين :جعانه اوى يا اختى 

ميرنا :طب م تيجى ناكل 

ياسمين :يلا 

وراحوا عند الكافيتريا 

رن تليفون ياسمين 

ياسمين :مستشفى ايه 

المتصل:……..

ياسمين :طب انا جايه حالا 

ميرنا :ف ايه 

ياسمين :بابا تعب و نقلوا على المستشفى و مشيت منغير م ميرنا ترد عليها حتى 

خرجة ميرنا من باب الجامعه و فى عنين بتراقبها لقت عربيه مازن ركبت و راحوا على الشركه 

…………………………..

ف جامعه تجاره انجليش 

عمر :اسلام انت مش عايز تروح لايات 

اسلام :لا ايات مجتش النهارده تعبانه…..انت بتسال ليه 

عمر :ها .. لا مفيش حاجه انا بسال يعنى 

اصلا بنص عين:انت عايز تشوف ليلى صاحبة ايات 

عمر بصدمه :ايه ده انا لا لا 

اسلام :بجد على اسلام برضو 

عمر :يووووووه ايوه يا اسلام ارتحت 

اسلام :ههههههههههههه…..احكى يا عموره 

عمر حكاله على اول مره شافها  و ان هو دايما بيفكر فيها و لما لقاها بتتكلم ف التليفون مع اخوها و مكنش يعرف ان هو اخوها غار ازاى و ان قلبه بيدق جامد اول مبيشوفها او يسمع صوتها 

اسلام :ياااااااااااه .عيشت و شوفت انثى قصرت ف عمر الشازلى يااااناااااس 

عمر:بس هتفضحنا …..بس انا مش عارف ازاى اقرب منها

اسلام :انا هخليك تقرب منها يا معلم 

عمر :ازاى 

اسلام:………

……………………….

ف فيله الشازلى 

احمد يتحدث مع ابراهيم 

ابراهيم :انا خلاص كل حاجه هنا ضاعت يا احمد 

احمد :خلاص يا ابراهيم خلص بقيت الحاجات الى عندك و تعالا بلدك بلدك اولا بيك بين ناسك و اهلك 

ابراهيم :م انا هعمل كده

احمد :ربنا معاك يا اخويا 

………………………

ف شركة الشازلى 

ميرنا واقفه مع احد العاملين تتحدث معه عن العمل و عند مرور مازن كانت تضحك 

مازن شاف كده اتعصب و دخل الممكتب 

ايهاب :حبيبى حبيبى  عامل ايه 

مازن بعصبيه :ابعد عنى يا ايهاب مش نقصك 

ايهاب:اعوذب بالله ..شيطينك طلعين ليه ايه الى حصل 

مازن :الهانم واقفه تتمايص مع الى ميتسما الى اسمه معاز ده و بتضحك 

ايهاب بنص عين :وانت مالك 

مازن :يعنى ايه انا مالى 

ايهاب :ميمكن مبينهم حاجه …انت متضايق ليه

مازن : افصل دماغها عن جسمها لو فكرت حتى 

ايهاب عشان يتاكد من حاجه :انت مالك يا اخى هى مش بنت و هتحب و تتحب و هى تتحب الصراحه 

مازن :لا يا شيخ لا متعملش الكلام ده هنا هنا شركه محترمه و هى المفروض المديره يعنى تحترم نفسها 

ايهاب :والنبى 

مازن :ايهاب اطلع برا 

ايهاب: شكلك يا زومى كده 

مازن :ايهاب اطلع برا و اندهلى الهانم دى 

طلع ايهاب و دخلت ميرنا 

اول مدخلت مازن قام وقف و شدها من ايدها جامد 

مازن :المرقعه و المياصه و قلت الادب الى كونتى بتعمليها ف بلاد برا دى متتعملش هنا انتى هنا عندى امانه يعنى تحترمى نفسك و تاخدى بالك من تصرفاتك فاهمه 

ميرنا و هى بتحاول تفك ايده من على ايدها :انا محترمه غصب عنك انا عملت ايه اصلا 

مازن :المرقعه و المياصه و الضحك الى كونتى بتعمليه مع الى اسمه معاز ده لو اتكرر تانى معاه او مع حد تانى مش هيحصلك كويس يا ميرنا …..و ياله عشان هنمشى 

…………………

ف غرفت الفندق 

حسام :جبتلك خبر بمليون جنيه 

امجد :خبر ايه 

حسام :ميرنا بتشتغل ف شركه اسمها الشازلى 

امجد :الشركه دى مش غريبه عليا 

حسام :حصل م هى دى الشركه الى البنود بتاعتها مش عجبانى 

امجد بتركيز :حسام وافق على الصفقه و خلينا نروح  نمضى العقد باسرع وقت

حسام :تمام 

……………….

ف المستشفى عند ياسمين 

الدكتور :انا اسف جدا البقاء لله 

ياسمين و ولدتها :عياط و صويت 

و تم امور الدفن و كل شئ

………………

عدت تلت ايام بدون اى احداث تذكر 

و اشرقت شمس يوم جديد 

ارتدت ميرنا ( سلوبت من القماش كات باللون الاسود و بهى بعض المناطق عند البطن شفافه )

ارتدى مازن (قميص كاكاوى و بنطلون اسود )

و نزلو سريعا ف نفس الوقت 

احمد :يلا يا ولاد عشان تفطروا 

مازن :مفيش وقت ف اجتماع مهم جدا هنبقى نجيب حاجه نكلها بعد الاجتماع و شد ايد ميرنا و طاروا على الشركه 

……………

ف شركه الشازلى 

كل من مازن و ايهاب و ميرنا و معاز ف غرفت الاجتماع منتظرين وصول شركه الصياد بعد ثوانى 

امجد بابتسامه :اسف جدا على التاخير 

ميرنا بصدمه :امجد 

قد يهمك أيضاً :-

  1. رواية جحيم الصعيد الفصل الثالث 3 بقلم اميرة اسامة
  2. رواية وتيني الفصل العاشر 10 بقلم شيماء أشرف
  3. رواية وتيني الفصل الحادي عشر 11 بقلم شيماء أشرف
  4. رواية وتيني الفصل الثاني عشر 12 بقلم شيماء أشرف
  5. رواية وتيني الفصل الثالث عشر 13 بقلم شيماء أشرف
  6. رواية الطفلة والجبار كاملة بقلم ميرا ابو الخير
  7. رواية وتيني الفصل الخامس عشر 15 بقلم شيماء أشرف

التعليقات

اترك رد