التخطي إلى المحتوى

       رواية  قلب لا يقبل الهزيمة الفصل الثالث عشر بقلم دودو محمد

بالاسكندريه……..

نزل سليم من غرفته ليجلس فى حديقة الفيلا وخرجت له رانيا من الغرفه وبدأت تتحدث معه وتقترب منه وقالت

رانيا:- اقتربت اكثر له وقالت بحبك اوى يا سليم واقتربت من شفتاه وقبلته

سليم:- اغلق عينه بتوتر وبعد لحظات ابتعد عنها ورجع للخلف واتفاجئ وقال ر.ر.رضوى رايحه فين كده

رضوى:- زى ما انتوا انا خارجه الجنينه وتركتهم وذهبت

رانيا:- تعالى معايا اوضى يا سليم انت واحشنى اوى

سليم:- وانتى بقى مش واحشنى واتفضلى غورى على اوضك فوق وتركها وذهب

رانيا:- بغيظ ماشى يا سليم بكره تيجى ليا وتبوس ايدى ورجلى علشان ترجعلى

جاسر:- نظر لها بأستغراب وقال انتى!؟ مش انتى مرات سليم اللى المحامى بتاعها كلمنى

رانيا:- ايوه انا

جاسر:- وبتعملى ايه هنا

رانيا:- انا هعيش معاكم هنا فى الفيلا بتاعة جوزى

جاسر:-بصدمه نعم يا اختى الفيلا بتاعة جوزك عمومآ انا هفهم كل حاجه من بابا تصبحى على خير وتركها وذهب غرفته

رانيا:- هوف يا مصبرنى على الناس دى وصعدت غرفتها

سليم:- دخل الحديقه عند رضوى وجلس بجوارها على المقعد وقال رضوى متفهمنيش غلط هى كانت بتحاول تقرب منى وانا ببعد عنها والله

رضوى:- وانا مالى بالكلام ده حياتك وانت حر فيها بس ياريت لو ناوى تكمل او حنيت ليها يبقى نفذ كلامك وطلقنى

سليم:- لاء طبعآ انا مستحيل ارجع ليها تانى انا فتحت خلاص يا رضوى وشوفتها على حقيقتها

رضوى:- عمومآ انت حر ترجع ليها ولا لاء انا اخرى معاك لحد ما جدى يجمع المبلغ ويبعته

سليم:- تنهد وقال ماشى وصمت لحظات وقال انتى منمتيش ليه مش كنتى بتقولى عايزه تنامى

رضوى:- عادى يعنى قولت انزل اشم شوية هوا قبل ما انام

سليم:- نفسى تفتحى قلبك وتتكلمى يا رضوى حاسس ان جواكى كلام كتير اوى

رضوى:- انا كويسه ويوم ما بحس ان عايزه اتكلم واخرج اللى فى قلبى مفيش غير ربنا

سليم:- ونعم بالله مقولتش حاجه بس نفسى اساعدك زى ما انتى بتساعدينى فى مشاكلى وواقفه جمبى

رضوى:- مش محتاجه ترد ليا الجميل لان انا مبعملش حاجه معاك ده واجبى، انت ابن عمى ولازم اقف جمبك فى محنتك امى علمتنى كده

سليم:- مسك يدها ونظر فى عيناها وقال انتى جميله اوى مش فى الشكل بس لاء جميله فى كل حاجه يا رضوى

رضوى:- سحبت يدها وقالت شكرآ ونهضت وقالت تصبح على خير

سليم:- استنى انا طالع معاكى واتجهوا الاثنين إلى الغرفه ونامت رضوى على الاريكه ونام سليم على السرير ونظر لها وقال

سليم:- تصبحى على خير

رضوى:- وانت من اهله واغلقت عيناها وتنهدت

سليم:- ظل ينظر لها وهى نائمه حتى ذهب فى نوم عميق

رضوى:- فتحت عيناها ونظرت له وهو نائم وتذكرت لحظة ما رأت رانيا تقبل سليم تنهدت بوجع ودمعه فرت من عيناها قامت بمسحها سريعآ واغلقت عيناها

&&&&&&&&&&&&&&&&&&&&&&&&&&&

اشرقت شمس صباح يوم جديد بنورها الساطع فى سماء الصعيد لتبدء اسماء بفتح عيناها على صوت امها تقول لها

منال:- قومى كلمى جدك

اسماء:- بقلق ه.ه.هو جدى عرف حاجه

منال:- لاء وتركتها وذهبت

اسماء:- تنهدت ونهضت من فوق فراشها وذهبت المرحاض وبعد وقت خرجت ارتدت ملابسها وادت فرضها واتجهت إلى الاسفل قبلت يد جدها وقالت ص.ص.صباح الخير يا جدى

سويلم:- صباح النور اقعدى

اسماء:- جلست بقلق ونظرت لجدها

سويلم:- ايه اللى حصل يا اسماء

اسماء:- ها ع.ع.على ايه يا جدى مش فاهمه

سويلم:- ايه اللى حصل ما بينك انتى وجوزك

اسماء:- م.م.مفيش يا جدى ب.ب.بس مش قادرين نتفاهم مع بعض ومش هنقدر نكمل مع بعض تانى ونظرت لوالدتها

منال:- تنهدت بحزن ونظرت لابنتها بغيظ

سويلم:- يعنى ايه مش قادرين تفهموا بعض ومش هينفع تكملوا مع بعض تانى لعب عيال هو

اسماء:- ا.ا.ايوه يا جدى انا وهو مش هينفع نكمل مع بعض ولازم نط

سويلم:- قبل ان تكمل حديثها صفعها بقوه وقال من امته العيال بيعترضوا على كلام الكبار انا كنت جوزتكم لبعض علشان ترجعى وتطلبى الطلاق مفيش طلاق يا اسماء شيلى الكلمه دى من دماغك علشان عمرها ما هتحصل

اسماء:- وهى تبكى اومأت برأسها بالموافقه

سويلم:- انا هبعت اجيب جوزك يخدك ولو سمعت منك كلمة الطلاق دى تانى هديكى رصاصتين فى نفوخك فاهمه

اسماء:- بخوف ف.ف.فاهمه

سويلم:- وانتى يا منال ازاى سمحتى ليها انها تسيب بيتها وتطلب الطلاق

منال:- انا جبتها ليك يا عمى تتصرف معاها

سويلم:- انا اكتفيت المرادى بالقلم ده، بس لو اتكررت تانى وسابت بيتها انا قولت هعمل فيها ايه

منال:- حاضر يا عمى اللى تشوفه

سويلم:- خديها اوضتها وانا هتصل بجوزها

منال:- حاضر واخذت اسماء وصعدت بها إلى غرفتها وقالت استفادى ايه باللى عملتيه هناك ده اهو جدك مصمم يرجعك تانى ليه وابن عمك احمد وعرف حقيقتك وجوزك هيبقى عايش معاكى غصب عنه دمرتى حياتك بأيديك يا بنت بطنى

اسماء:- مش بحبه ولا هقدر احبه هو الحب بالعافيه

منال:- لاء مش بالعافيه بس لما يكون شاب زى رحيم ومتحبهوش علشان بتحبى اخوه اللى هو بيعتبرك اخته مش اكتر ومتجوز بنت عمتك يبقى لازم نفوقك يا اسماء بلاش تضيعى رحيم من ايديك علشان اوهام

اسماء:- القت نفسها داخل احضان والدتها وقالت بدموع يعنى انا فرحانه اوى باللى انا فيه ده الحب مش بأيدينا يا ماما واكبر دليل على كلامى ده انتى وبابا رغم اللى بابا عمله فيكى بس لسه بتحبيه وبتعشقى التراب اللى بيمشى عليه وهو رغم ان عارف بحبك ده بس سابك وراح اتجوز اللى قلبه اختارها يعنى لا انتى قدرتى تكرهيه ولا هو قدر يحبك

منال:- الدموع نزلت من عيناها وقالت بوجع وعلشان بحبه ببقى سعيده وهو عايش حياته مع اللى قلبه اختارها وحبها، الحب يا بنتى تضحيه لازم متكونيش انانيه فى مشاعرك وتضحى بيها فى سبيل تشوفى اللى بتحبيه سعيد حتى لو

السعاده دى هتكون مع حد غيرك بلاش تجرى وراه قلبك علشان هيتعبك اجرى وراه اللى بيحبك ومستعد يعمل اى حاجه علشانك ده بس اللى هيقدر يخليكى سعيده لو مشيتى وراه قلبك هيضعفك خليكى ماشيه وراه اللى معاه سعادتك يا حبيبتى اسمعى كلامى وهتبقى انتى الكسبانه

اسماء:- تنهدت وقالت حاضر يا ماما

منال:- مسحت دموع ابنتها وقالت جوزك هيجى يخدك حاولى تصلحى معاه الامور شويه ورحيم قلبه طيب وبيحبك و هيسامحك علطول ابدأى حياتك بصفحه جديده وانسى اللى فات كله يا اسماء

اسماء:- اومأت برأسها وقالت حاضر يا ماما

منال:- احتضنتها وقالت ربنا يهديكى يا بنتى ويصلح حالك يارب وخرجت وتركتها

اسماء:- القت جسدها على السرير وظلت تبكى

&&&&&&&&&&&&&&&&&&&&&&&&&&&&

بالاسكندريه…….منزل منصور

دخلت رحاب الغرفه عند منصور وجدته مازال نائم جلست بجواره وقالت

رحاب:- منصور يا منصور قوم يلا اتأخرت على الشغل

منصور:- بصوت منخفض سامحينى يا رضوى سامحينى يا بنتى

رحاب:- ايه بتقول ايه منصور اصحى يلا ووضعت يدها على جبينه وجدت حرارته مرتفعه قالت بقلق يا لهووووى الراجل حرارته مرتفعه اوى اعمل ايه بس ياربى انا اتصل بالدكتور رأفت جارنا ومسكت الهاتف واجرت الاتصال وانتظرت الرد

رأفت:- السلام عليكم صباح الخير يا مدام رحاب

رحاب:- وعليكم السلام ورحمة الله وبركاته صباح النور يا دكتور اسفه لو اتصلت بيك الصبح بدرى كده بس منصور حرارته مرتفعه اوى

رأفت:- لاء ولا يهمك عشر دقايق البس هدومى واكون عندك

رحاب:- شكرآ يا دكتور سلام واغلقت السكه ونظرت لمنصور بدموع وقالت مالك بس يا حبيبى من ساعة ما رجعت من عند مقصوفة الرقبه دى وانت حالتك وحشه اوى، منصور يا حبيبى رد عليا

منصور:- بصوت منخفض رضوى يا بنتى حقك عليا رضوى

رحاب:- قطع سيرتها منها لله هى السبب فى اللى انت وصلت ليه ده منصور يا حبيبى رد عليا وفى ذلك الوقت سمعت صوت جرس الباب خرجت من الغرفه تركض وفتحت الباب وقالت بسرعه يا دكتور احسن بقى بيخرف وهو نايم

رأفت:- دخل الغرفه سريعآ وكشف عليه ونظر لرحاب وقال للاسف حالته صعب جدآ ولازم ينتقل للمستشفى حالا

رحاب:- بدموع ليه يا دكتور عنده ايه

رأفت:- حرارته مرتفعه جدآ والضغط عالى والسكر كمان

رحاب:- بصدمه السكر

رأفت:- ايوه واضح انه لسه جاى ليه جديد انا هتصل بالاسعاف تيجى تنقله المستشفى حالا لانه محتاج عنايه مركزه

رحاب:- بدموع بعد الشر عليكى يا حبيبى انشالله انا وانت لاء

رأفت:- اجرى الاتصال بالاسعاف وبعد وقت وصلت سيارة الاسعاف واخذت منصور وذهبت معه رحاب بالسياره وذهب خلفهم الدكتور رأفت بسيارته الخاصه

&&&&&&&&&&&&&&&&&&&&&&&&&&&&

بالقاهره…..فيلا هشام

نزل رحيم من غرفته وجلس على المقعد الخاص بي وبدأ يتناول الطعام نظرت له صباح بحزن وتنهدت وقالت

صباح:- يا حبيبى مش ناوى تتكلم وتقول ايه حصل بينكم وخلى منال تاخد بنتها وتمشى

رحيم:- مفيش حاجه يا ماما

هشام:- طيب مين اللى غلطان انت ولا هى

رحيم:- ولا انا ولا هى

نسرين:- يعنى هى طلعت فى دماغكم كده مره واحده انكم تسيبوا بعض

رحيم:- اه

احمد:- تنهد وقال اكيد انت اللى غلطان يا رحيم عارف ليه حتى لو هى غلطت المفروض انت تحتويها و تحسسها انك جمبها مهما حصل الستات دماغها صغيره اوى وبيضحك عليهم بكلمتين، غلطان علشان معرفتش تدلعها فى اى وقت وفى اى مكان مش عيب ولا حرام دى مراتك على سنة الله ورسوله يا ابنى والله كلهم نوع واحد وبطريقه سهله وبسيطه تمتلك قلبهم اسمع منى بس هاتها وغير طريقة معاملتك معاها واسماء عبيطه وبيضحك عليها بسهوله اسألنى انا عليها انا حافظها كويس اوى وبعدين انا لسه كنت قاعد معاها امبارح وبنتكلم وكانت بتشكر فيك اوى وقالت كلام حلو اوى عليك بس البعيد حمار وغشيم ومبيعرفش يتعامل مع حريم

نسرين:- يا سلام بقى يا سى احمد وانت بقى اللى مقطع السمكه و ديلها

احمد:- مين انا، ده انا غلبان وربنا

نسرين:- مش باين يعنى طريقة كلامك مطمنش

احمد:- يا بت وانا عندى كام هبله بضحك عليها هى واحده بس يبقى مين هى

نسرين:- انا

احمد:- جدعه يا هبله

صباح:- بضحك يخربيت شيطانك يا ابنى اصبروا بس لما نشوف موضوع اخوك الاول

احمد:- هو يعمل زى ما قولتله وهيبقوا زى السمنه على العسل البت اسماء معجبه بى صدقونى بس مش قادره تترجم مشاعرها كويس وانت بقى يا سى رحيم اللى معاك الشفره اللى هترجمها ليها كويس اوى

رحيم:- تنهد وقام وقف وقال انا مش رايح الشغل النهارده

صباح:- اومال رايح فين كده

رحيم:- جدى اتصل بيا وعايزنى عنده ضرورى

هشام:- ربنا يهديكم ويصلح الحال ما بينكم يا ابنى

رحيم:- عن اذنكم وتركهم وذهب

صباح:- اكيد عمى هيصلح ما بينهم استحاله يقبل بموضوع الطلاق ده

نسرين:- يارب يا مرات خالى

احمد:- اقترب من نسرين وقبلها وقال انبى انت اللى عسل يا دميل انت يا طعم

نسرين:- بكسوف احمد ايه اللى انت بتعملوا ده

احمد:- بعبر عن مشاعرى

هشام:- لاء تبقى تعبر عن مشاعرك فوق فى اوضك مش هنا

احمد:- بضحك لا بقى ده تعبير المشاعر بتاع الاوضه مش بيبقى كده خالص دى بتبقى معركه

صباح:- يوه يخيبك ولد يا ولا احترم نفسك

احمد:- وقف وهو يقهقه وقال يا واد يا مكسوف انت يا عسل هاتى بوسه واقترب من والدته ووضع على خدها قبله وتركهم وذهب

نسرين:- لااااااا يا مرات خالى ابنك النهارده مش طبيعى

صباح:- بحب ربنا يسعده كمان وكمان ويرزقكم بالذريه الصالحه يارب

نسرين:- بتمنى يارب يا مرات خالى يارب و اكملوا تناول الطعام

&&&&&&&&&&&&&&&&&&&&&&&&&&&&

بالاسكندريه……فيلا اشرف

نزلت رضوى من الاعلى وجلست على المقعد وقالت

رضوى:- صباح الخير

اشرف:- صباح النور يا بنتى اومال فين سليم

رضوى:- نازل ورايا

اشرف:- نظر لها بأستغراب وقال مالك يا رضوى

رضوى:- مالى يا عمى ما انا كويسه وزى الفل اهو

اشرف:- لاء شكلك فيه حاجه مضايقكى

رضوى:- مفيش حاجه يا عمى متشغلش بالك انا كويسه

اشرف:- يا بنتى اتكلمى انتى بنتى وانا ابوكى

رضوى:- انت احسن منه مليون مره يا عمى

اشرف:- يا بنتى مفيش حد فى الدنيا دى هيحبك قد ابوكى مهما كان زعلك منه متنسيش ان ربنا امرك بالطاعه ليهم مهما عملوا فيكى

رضوى:- عمى ارجوك مش عايزه اتكلم فى الموضوع ده وفى ذلك الوقت نزل سليم من الاعلى وبجواره رانيا نظرت لهم رضوى بأستغراب

سليم:- جلس على المقعد المجاور لرضوى واقترب منها وقال لها بهمس انتى نزلتى ليه من الاوضه من غير ما تصحينى

رضوى:- وانا مالى بيك

سليم:- نظر لها بأستغراب وقال انتى مجنونه يا بنتى؟ عندك انفصام فى الشخصيه بليل شخصيه وبالنهار شخصيه تانيه خالص

رضوى:- اه هو انا كده حاجه متخصكش

رانيا:- سليم

سليم:- نظر لها وقال اممم

رانيا:- مش هتاكل

سليم:- ملكيش دعوه

رانيا:- ازاى مليش دعوه بس ده انت جوزى حبيبى وخايفه عليك

رضوى:- يخربيت المحن وفقع المراره اللى الواحد هيتشل منهم دول، كل علشان خاطر الست محنو يا سليم

سليم:- بضحك هاكل علشان خاطرك انتى يا رضوى

رضوى:- وانا مالى ما انشالله ما عنك اكلت واكملت طعمها

اشرف:- نظر لهم وقال بجديه مش عايز اسمع نفس حد فيكم

سليم:- نهض وقال انا ماشى يلا يا رضوى

رضوى:- وقفت وقالت يلا

رانيا:- وقفت وقالت وانا كمان جاهزه

رضوى:- زفرت بضيق ونظرت لسليم وتركتهم ومشيت

سليم:- نظر لرانيا بغيظ وتركها وذهب

رانيا:- ركضت خلفه وقالت سليم يا سليم استنى

سليم:- عايزه ايه منى سبينى فى حالى بقى

رانيا:- فيه ايه يا سليم انت بتتعامل معايا كده ليه

سليم:- علشان انتى لزقه وبحلم باليوم اللى اخلص منك فيه

رانيا:- يا سليم انا بحبك افهم بقى

سليم:- انتى فعلا بتحبينى؟

رانيا:- ايوه

سليم:- لو بتحبينى زى ما بتقولى اثبتى ليا كلامك ده

رانيا:- بأستغراب اثبت ازاى يعنى

سليم:- تتنازلى عن المؤخر

رانيا:- ها

سليم:- شوفتى بقى انك مش بتحبينى ازاى

رانيا:- وانا ايه يضمن ليا ان لو عملت ليك زى ما انت بتقول مطلقنيش

سليم:- انا اضمن ليكى مش هطلقك

رانيا:- ل.ل.لاء انا مستحيل اعمل كده

سليم:- شوفتى بقى انك كدابه ومش بتحبينى ولا حاجه

رانيا:- لاء بحبك بس المؤخر ده الضمان بتاعى

سليم:- يبقى خلاص خلي الضمان ينفعك وتركها وذهب إلى السياره وجد رضوى تجلس فى المقعد الخلفى نظر لها بأستغراب وقال انتى ليه قاعده هنا

رضوى:- انا هنا مرتاحه اكتر ممكن بقى نمشى

سليم:- انتى فيه ايه النهارده مالك مش طبيعيه

رضوى:- ليه شيفنى قدامك مجنونه وبشد فى شعرى

سليم:- اه شيفك مجنونه اوى وفاضل ثانيه واحده وتشدى فى شعرك

رضوى:- نظرت له بقرف ونظرت الاتجاه الاخر

رانيا:- صعدت السياره فى المقعد الامامى وقالت يلا يا سليم

سليم:- نظر لرضوى وقال عجبك كده

رضوى:- اه عجبنى واتفضل بقى اركب ويلا امشى

سليم:- زفر بضيق وصعد السياره وقام بتشغيلها وذهب بيهم إلى الشركه

&&&&&&&&&&&&&&&&&&&&&&&&&&&&&&

بالاسكندريه……غرفة جاسر

فاقت مى على صوت والدتها نظرت لها بعدم تصديق وقالت

مى:- ايه ده بجد ولا انا بحلم وقامت بلمس وجهها والقت نفسها بأحضان والدتها وقالت ببكاء ماما حبيبتى واحشتينى اوى اوى والله

خديجه:- ببكاء عامله ايه يا قلب امك واحشتينى يا نور عينى

مى:- مسحت دموعها وقالت هتقعدى معايا علطول صح

خديجه:- بأبتسامه مينفعش يا حبيبتى انا سايبه ابوكى بالعافيه انا جيت اطمن عليكى بعد ما جاسر اتصل بيا وقال ان دماغك ناشفه ومش بتسمعى الكلام

مى:- ها ج.ج.جاسر اللى قالك كده

جاسر:- دخل الغرفه واغلق الباب خلفه وقال ايوه انا قولت ليها كده دماغك ناشفه اوى يا مى ومش بتسمعى الكلام

خديجه:- ليه بس يا بنتى ده انا بقول عليكى دايمآ عاقله ايه حصل بس

مى:- يا ماما انا بزهق لما اقعد فى البيت وده كل حاجه لا لا لا ليه علشان اللى فى بطنى مش علشان خايف عليا انا كل اللى بقى يهمه اللى فى بطنى انما انا اولع عادى

جاسر:- اهو يا عمتى سمعتى بودنك الكلام الاهبل اللى ماسكه ليا ردى عليها بقى

خديجه:- بضحك يا عبيط افهم دى هرمونات حمل عادى وبتدلع عليك سيبها انت بس ليا وانا هظبطها ليك

جاسر:- ده جنان حمل يا عمتى مش هرمونات خالص

مى:- دمك تقيل اوى على فكره

جاسر:- نعم يا اختى

خديجه:- يا بت عيب روح انت شغلك يا حبيبى متعطلش نفسك وانا هعقلها

جاسر:- تنهد وقال ماشى يا عمتى سلام وخرج وتركهم

خديجه:- فيه ايه يا مى ايه اللى حصلك مكنتيش كده مش ده جاسر حبيب القلب ايه غيرك كده

مى:- ولسه حبيب قلبى يا ماما بس بقى غلس اوى وبيتحكم فيا بطريقه غريبه انا عايزه ارجع الشغل تانى زهقت من قعدت البيت بقى

خديجه:- يا مى يا بنتى انتى حملك ضعيف ولو عملتى اى مجهود هينزل ولو ده حصل جاسر عمره ما هيسامحك ومش هيرضى يبص فى وشك تانى اعقلى واسمعى الكلام بقى واهدى الراجل فاض بى منك

مى:- حتى انتى يا ماما جايه معاه عليا

خديجه:- علشان خايفين عليكى يا مى

مى:- خايفين عليا ولا على اللى فى بطنى

خديجه:- وانتى ايه واللى فى بطنك ايه واحد يا اخرت صبرى

مى:- زفرت بضيق

خديجه:- يا بت اتعدلى بقى مع جوزك

مى:- طيب خليكى قاعده معايا

خديجه:- وابوكى

مى:- مش هيغلب هيعرف يخدم نفسه

خديجه:- لا حولا ولا قوة الا بالله ماشى يا مى هقعد معاكى اليومين دول لما اشوف اخرتها معاكى ايه

مى:- بفرحه هيييييييا

خديجه:- ابتسمت لابنتها وتركتها وذهبت إلى الاسفل

&&&&&&&&&&&&&&&&&&&&&&&&&&&&

وصلت سيارة الاسعاف إلى المشفى ووضعوا منصور فى غرفة الكشف ودخلوا الاطباء وتم الكشف عليه ووضعوا فى غرفة العناية المركزه لسوء حالته وقفت رحاب تنظر له والدموع تنهمر من عيناها وقالت

رحاب:- قوم يا منصور علشان خاطرى قوم يا حبيبى لمراتك وولادك متسبنيش لوحدى فى الدنيا دى مقدرش اعيش من غيرك منها لله اللى كانت السبب لازم تعرف عملت ايه فى ابوها هو منصور كان قايل ليا اخوه ساكن فين واغلقت عيناه وقالت افتكرى يا بت يا رحاب افتكرى هو كان قايل فين فين اه افتكرت فى كامب شيزار ونظرت نظره اخيره لمنصور ونزلت تركض إلى الاسفل ووقفت تاكسى وذهبت إلى فيلا اشرف وبعد وقت وصلت رحاب إلى منزل اشرف واتجهت إلى البوابه وقالت للحرس

رحاب:- لو سمحت عايزه اقابل رضوى

الحارس:- مدام رضوى مش موجوده فى الفيلا

رحاب:- طيب متعرفش هى فين

الحارس:- فى شركة استاذ سليم

رحاب:- طيب ممكن العنوان انا مرات ابوها ومحتاجها ضرورى لو سمحت

الحارس:- اهلا وسهلا يا فندم حاضر ثوانى اكتب ليكى العنوان وبعد عدة ثوانى اعطاها ورقه مدون فيها العنوان وقال اهو يا فندم ده عنوان الشركه

رحاب:- شكرآ ليك وصعدت التاكسى واعطته العنوان وذهبت إلى الشركه الخاصه بسليم وسألت على غرفة المكتب الخاصه برضوى وصعدت لها وطرقت على الباب وسمعت صوت رضوى يأذن لها بالدخول فتحت الباب ودلفت إلى الداخل

رضوى:- ايوه حضرتك مين

رحاب:- انا رحاب

رضوى:- رحاب مين

رحاب:- مرات ابوكى

رضوى:- نظرت لها بأشمزاز ونهضت بعصبيه وقالت…

قد يهمك أيضاً :-

  1. رواية ليتك كنت سندي الفصل الحادي عشر 11 بقلم أسماء عبد الهادي
  2. رواية ليتك كنت سندي الفصل العاشر 10 بقلم أسماء عبد الهادي
  3. رواية ليتك كنت سندي الفصل الثالث عشر 13 بقلم أسماء عبد الهادي
  4. رواية ليتك كنت سندي الفصل الثاني عشر 12 بقلم أسماء عبد الهادي
  5. رواية ليتك كنت سندي الفصل الرابع عشر 14 بقلم أسماء عبد الهادي
  6. رواية ليتك كنت سندي الفصل الخامس عشر 15 بقلم أسماء عبد الهادي
  7. رواية ليتك كنت سندي الفصل السادس عشر والأخير 16 بقلم أسماء عبد الهادي

التعليقات

اترك رد