التخطي إلى المحتوى

          رواية  قلب لا يقبل الهزيمة الفصل  السادس عشر بقلم دودو محمد

عاد سليم ومعه رضوى إلى الفيلا ودلفوا الاثنين إلى داخل الفيلا ونظروا بصدمه لبعض وقالوا

سليم :- جدى

رضوى :- ركضت إلى جدها واحتضنته وقالت جدى واحشتنى اوى انا فرحانه اوى انك جيت عامل ايه يا حبيبى وماما عامله ايه

سويلم :- وهو ينظر إلى سليم قال أنا كويس يا حبيبتى وامك كويسه

رضوى :- طيب هى مجاتش معاك ليه

سويلم :- جات معايا

رضوى :- بفرحه بجد هى فين طيب

سويلم :- عند ابوكى فى المستشفى

رضوى :- برضه لسه بتحبه وبتخاف عليه بعد اللى عملوا فيها ده كله وجات تجرى عليه اول ما تعب انا مش عارفه ايه الضعف اللى هى فيه ده

سويلم :- مهما كان ده جوزها ابو بناتها

رضوى :- ضحكت بسخريه وقالت جوزها ابو بناتها دلوقتى بقى جوزها ابو بناتها وكان فين من الاول ايام ما رامها وراح اتجوز عليها واحده متسواش

سويلم :- مش وقته الكلام ده يا بنتى ونظر لسليم وقال ايه مش ناوى تسلم على جدك

سليم :- ها احم ا.ا اه طبعآ وقبل يده وقال حمدالله على السلامه يا جدى نورت اسكندريه

سويلم :- مش باين عليك انك فرحان بوجودى

سليم :- ها ل.ل.ليه بتقول كده يا جدى

سويلم :- اتجوزت على رضوى ليه يا سليم

سليم :- بصدمه ها م.م.مين اللى قالك

سويلم :- عرفت وخلاص رد عليا اتجوزت ليه على بنت ابنى دى الامانه اللى بعتها معاك طالع نسخه من عمك منصور من اول ما اتولد وانا بشوف فيك عمك منصور

سليم :- نظر لرضوى وقال ي.ي.يا جدى ا.ا.انا كنت متجوزها قبل رضوى ومليش دعوه بعمى منصور عمل ايه مع مراته بس الجوازه دى غلطه وانا هصلحها

سويلم :- يعنى اخد قرارك من دماغك ونفذته ومعملتش حساب لكبار العيله شكلك عايز تتربى من اول وجديد يا سليم ورفع يده وقبل أن يصفع وجه سليم وقفت امامه رضوى والصفعه جاءت بوجهها

رضوى :- اغلقت عيناها بألم ووضعت يدها على وجينتها وقالت أنا كنت عارفه كل حاجه من قبل الجواز يا جدى

سويلم :- بصدمه عارفه

رضوى:- ايوه يا جدى عارفه وهو وعدنى أنه هيطلقها بس عنده مشكله واحده بس أن المؤخر كبير شويه

سويلم :- اكيد المبلغ اللى كنتى طالبه منى صح

رضوى :- ايوه ارجوك يا جدى جاهزه ليه فى أقرب وقت

سويلم :- انا شايف قدامى قصة منصور ومنال بتتكرر تانى من اول وجديد

رضوى :- هزت رأسها وقالت لاء يا جدى انا مش منال ولا عمرى هكون ضعيفه زى امى ولا هرضى بأمر واقع انفرض عليا بأيدى هغير مصيرى ومش هسمح اعيش قصة امى ولا أن أقبل اجيب اولاد يعيشوا محرومين من الاب وهو عايش فى الدنيا

سويلم :- ناويه على ايه يا رضوى

رضوى :-ناويه اكون انا مش حد تانى يا جدى

سليم :- جدى انا اتغيرت على ايد رضوى وبحاول اصلح كل اللى فات واعيش حياتى صح والفضل كله يرجع لرضوى

سويلم :- هو ليه لحد دلوقتى محصلش حمل زى ما مرات اخوك حملت

رضوى :- نظرت بصدمه لسليم ونظرت لجدها وقالت ها

سليم :- م.م.محصلش حمل احم ا.ا.ارادة ربنا ل.ل.لسه ربنا مأردش

سويلم :- فيه دكاتره وهما يقدروا يعرفوا السبب

رضوى :- احم م.م.ما احنا روحنا يا جدى و.و.وقالوا ا.ا.ان مفيش حاجه ت.ت.تمنع الحمل ب.ب.بس هى مسألة وقت ونظرت لسليم بتوتر

سليم :- ا.ا.ايوه بالظبط زى ما رضوى قالت

سويلم :- نظر لهم بأستغراب وقال فيه ايه مالكم

رضوى :- م.م.مالنا يا جدى ما احنا ع.ع.عادى اهو

سويلم :- لاء مش عادى شكلكم مرتبك ومش طبيعى

سليم :- ل.ل لاء يا جدى احنا طبيعين جدآ ه.ه.هنرتبك ليه ب.ب.بس

سويلم :- عمومآ كل حاجه هتبان وانت هتدفع المؤخر وطلق التانيه والباقى بقى ربنا يسهل وتركهم وذهب

سليم :- نظر له وتنهد بتوتر

رضوى :- تفتكر هو يقصد ايه بكلامه ده

سليم :- مش عارف

رضوى :- بسببك انت بقيت واحده كدابه هوف بقت حاجه تقرف وتركته وصعدت الغرفه

سليم :- نظر لها وقال مالها المجنونه دى واتجه هو الآخر إلى الغرفه واغلق الباب خلفه وقال أنا مالى هو انتى كل حاجه تجيبى السبب عليا

رضوى :- ايوه لو مكنتش اتجوزتك علشان نعمل التمثيليه الهابطه دى مكانش زمانى بكدب على جدى

سليم :- ده على اساس كنت هموت عليكى فى وقتها ومش جدى اللى غصب علينا نتجوز بعض

رضوى :- لو مكانتش زفتت الطين دى فى حياتك وعمى طلب منى اوافق اتجوزك علشان ابعدها عنك كان زمانى مصممه على رأى ورافضه اتجوزك

سليم :- اقترب منها وقال بس تعرفى احسن حاجه أنهم غصبوا علينا واتجوزنا علشان لو مكنتش اتجوزتك مكنتش هشوف ولا احس باللى انا حاسس بى دلوقتى

رضوى :- حاسس بأيه يا منحنح بحموضه على صدر

سليم :- لاء بحبك يا ظريفه

رضوى :- ا.ا.ايه اللى انت بتقوله ده بلاش كلام عبيط حب ايه وهبل ايه اللى بتقول عليه ده

سليم :- اقترب منها أكثر وقال الحب عمره ما كان هبل ولا كلام عبيط يا رضوى الحب ده اجمل حاجه فى الكون وعرفته على ايديك

رضوى :- س.س.سليم بلاش طريقة كلامك دى معايا وانا قولتلك شيل الفكره دى من دماغك لان انا عمرى ما هسلم قلبى ليك أو لغيرك انا مجرد وقت مؤقت فى حياتك هطلقنى وكل واحد مننا هيروح فى طريق يا ابن عمى

سليم :- وتفتكرى جدك هيوافق على موضوع الطلاق ده

رضوى :- ملكش دعوه بجدى انا هعرف اتصرف معاه

سليم :- وليه نطلق يا رضوى ما ندى بعض فرصه ونسيب قلوبنا تلتقى ونجرب مش يمكن الحب يعجبك

رضوى :- هزت رأسها بالنفي وقالت مستحيل ده يحصل يا سليم انت هطلقنى يعنى هطلقنى

سليم :- احتضن وجهها بين يده ونظر فى عيناها وقال رضوى بصى فى عيونى وانتى تعرفى انا بحبك قد ايه انتى عملتى فيا حاجات كتير اوى فى فتره صغيره بقيت اشوفك فى كل لحظه قصاد عيونى والله العظيم حبيتك بجد

رضوى :- نظرت فى عينه وأغلقت عينها وابتعدت عنه وقالت سليم ارجوك بلاش طريقتك دى انا منفعكش ولا أنفع غيرك انا شخصيه معقده وصعب تعرف تتعامل معايا ارجوك قفل على الموضوع ده بص انا من رأى كمل مع رانيا يمكن هى تقدر تسعدك اكتر منى اى واحده هتنفعك الا انا

سليم :- مش عايز غيرك وانتى ممكن تتعالجى عادى وانا مستعد انتظرك العمر كله

رضوى :- سليم ارجوك شيل الكلام ده وانسانى لان انا عمرى ما هفكر فيك اكتر من انك ابن عمى ياريت بقى تقفل على الموضوع ده نهائى وتركته وذهبت المرحاض

سليم :- نظر لها وتنهد وقال هتعب اوى معاكى يا رضوى لحد ما قلبك يلين وجلس على السرير

&&&&&&&&&&&&&&&&&&&&&&&&&&&&

بالقاهره…….فيلا هشام

غرفة رحيم

ألقى رحيم اسماء على السرير بعد ما سحب لها حزام البورنص واقترب منها وقبل أن تتلامس أجسادهم القى جسده فوق السرير بجوار اسماء وزفر بضيق ونظر لها وقال بعصبيه

رحيم :- ممكن تبطلى عياط ممكن مسمعش حسك كفااااااايه بقى ونهض من على السرير وقال أنا خلاص مبقتش عايزك ولا حتى عايز جسمك وبما انك هتعيشى معايا علطول يبقى هتعيشى معايا بس مش اكتر من خدامه عندى وانا هعيش حياتى وأسهر واحب من جديد ويمكن كمان اتجوز حقى اللى ربنا شرعه ليا واعيش كل اللى فات من عمرى على أوهام نفسك مسمعهوش طول ما انتى قدامى مفيش نوم على السرير ده تانى عندك الكنبه عندك الأرض مكان ما تحبى نامى أوامرى كلها تتنفذ فاهمه

اسماء :- كانت تبكى ولم ترد عليه

رحيم :- امسك شعرها وجذبها منه أوقفها على الأرض وقال بعصبيه لما اكلمك تردى عليا فاهمه

اسماء :- هزت رأسها بألم وقالت ف.ف.فاهمه

رحيم :- خروج من الفيلا مفيش نهائى لا معايا ولا مع اى حد فاهمه

اسماء :- ح.ح.حاضر

رحيم :- نظر إلى يدها وجد الخاتم الخاص بى موجود اخذه منها وقال متستحقهوش فيه غيرك كتير تستحق الخاتم ده ونظر لها بقرف وقال البسى هدومك وتركها وذهب المرحاض

اسماء :- ألقت نفسها على السرير والدموع انهمرت منها ووضعت يدها على وجهها وقالت اااااه يا اباااااا انت فين تيجى تنقذنى من اللى انا فيه ده وظلت تبكى إلى أن خرج رحيم من المرحاض نظر لها بعصبيه وقال

رحيم :- انا مش قولتلك قومى البسى هدومك انتى مبتفهميش قومى اخلصى

اسماء :- نهضت سريعآ من على السرير

رحيم :- حسك عينك تلمسى السرير ده تانى والكلمه اللى اقولها تتسمع من مره واحده غورى من وشى

اسماء :- نظرت له بدموع وركضت إلى المرحاض

رحيم :- نظر لها وتنهد بوجع ونام على السرير

اسماء :- بدلت ملابسها وخرجت من المرحاض ونامت على الأريكة وهى تبكى

رحيم :- بطلى زفت عياط عايز اتخمد ومش عارف من صوتك

اسماء :- ح.ح.حاضر ووضعت يدها على فمها حتى تكتم صوت بكائها

&&&&&&&&&&&&&&&&&&&&&&&&&&&&

بالاسكندريه……فى المشفى

دخلت منال تركض على غرفة منصور وكان يوجد بالغرفه رحاب وأشرف وخديجه وقفت امام السرير وقالت

منال :- سلامتك يا ابن عمى

منصور :-بأستغراب منال انتى جيتى هنا ازاى

منال :- عمى جه معايا لحد الفيلا وواحد من الحرس وصلنى هنا سلامتك الف سلامه

منصور :- الله يسلمك يا بنت عمى

رحاب :- مكانش فيه داعى تتعبى نفسك وتيجى كفايه كنتى سألتى بالتليفون

منال :- نظرت لها وقالت انتى رحاب صح

رحاب :- ايوه رحاب مرات منصور وحبيبته

خديجه :- ا ا ازيك يا منال عامله ايه

منال :- الحمدالله يا خديجه

اشرف :- حمدالله على السلامه يا بنت عمى نورتى الاسكندريه

منال :- منوره بأهلها يا ابو سليم

منصور :- اقعدى يا منال

رحاب :- لاء تقعد ايه هى تمشى بقى علشان تلحق ترجع بلدها

منصور :- رحاب ايه اللى انتى بتقوليه ده اقعدى يا منال ووسع لها المكان حتى تجلس بجواره

رحاب :- بغيظ لاء استنى

منال :- نظرت لها بأستغراب

رحاب :- خدى الكرسى اهو اقعدى عليه اريح ليكى يعنى

منال :- شكرآ وجلست عليه

رحاب :- جلست بجوار منصور وقالت اتغطه كويس يا حبيبى انت مريض والدكتور قال الزحمه غلط عليك

منصور :- اقترب من رحاب وقال بصوت ضعيف جدا لمى الدور يا رحاب واسكتى شويه

رحاب :- بصوت منخفض ايه اللى جابها دى

منصور :- اسكتى وبعدين نتكلم

رحاب :- هوف اتكتمت اهو

منال :- نهضت وقالت الف سلامه عليك يا منصور خد بالك من نفسك كويس

رحاب :- متقلقيش هاخد بالى منه كويس اوى

منال :- وماله ما هو برضه ابو ولادك

رحاب :- اه منقدرش نستغنى عنه أبدآ وولاده بيموتوا فيه

منال :- ربنا يخليه ليكم

رحاب :- يارب يا اختى

منال :- مش عايز حاجه يا منصور

رحاب :- لاء مش عايز ولو عايز حاجه هيطلبها منى

منصور :- رحاااااب ونظر لمنال وقال عايز سلامتك هتمشى النهارده

اشرف :- لاء تمشى ايه انا ما صدقت أن أبويه ومنال دخلوا عندى الفيلا مش هسيبهم يمشوا دلوقتى خالص

رحاب :- ها تقعد هنا

خديجه :- ايه بيت ابن عمها عندك مانع فى دى كمان

رحاب :- هووف

منصور :- لما اطلع من المستشفى هبقى اجى اسلم على ابويا

رحاب :- ايه لا مش هينفع تخرج دلوقتى خالص الدكتور قال تستريح

منصور :- نظر بغيظ لرحاب ثم نظر لمنال وقال ابقى كلمى رضوى خليها تسامحنى يا منال

منال :- من عينيا يا منصور هكلمها وربنا يصلح الحال ما بينكم

منصور :- اسماء عامله ايه

منال :- كويسه الحمدالله متشغليش بالك انت بحاجه علشان صحتك انا واخده بالى منهم كويس

منصور :- ربنا يجازيكى خير يا منال

رحاب :-بغيظ مش كفايه كلام بقى وارتاح شويه كل ده مجهود على صحتك

منال :- انا ماشيه ونظرت لمنصور نظره اخيره وابتسمت له

اشرف :- احنا كمان هنمشى خد بالك من صحتك كويس اوى يا منصور وانا هبقى اكلمك اطمن عليك يلا يا خديجه يلا يا منال وخرجوا الثلاثه

رحاب :- بغيظ انت ايه حكايتك ايه حنيت ليها ولا ايه

منصور :- متنسيش أن هى مراتى زى ما انتى مراتى يا رحاب

رحاب :- يا سلام يا اخويا مش انت واعدنى انك هتبقى ليا انا بس

منصور :- وانا نفذت وعدى ليكى ومن يوم ما اتجوزتك وانا مقربتش منها غير مره واحده

رحاب :- متفكرنيش انا اصلا كل ما افتكر انك لمستها نار بتولع جوايا

منصور :- يا رحاب انا تعبان ومش حمل مناهده

رحاب :- مسكت يده وقالت طيب احلف أنها محليتش فى عينك وحنيت ليها

منصور :- والله العظيم انتى مجنونه يا وليه احنا كبرنا على الكلام ده وبعدين يا ستى انا مفيش واحده تملأ عينى غيرك انتى يا رحاب انا بعت الدنيا علشانك انتى

رحاب :- ابتسمت وقالت يعنى بتحبنى يا منصور

منصور :- بموت فيكى والله

رحاب :- وانا بحبك اوى وبغير عليك من اللى اسمها منال دى

منصور :- يادى النيله عليا يا وليه هتجيبى اجلى

رحاب :- بعد الشر عليك ووضعت رأسها على كتفه وقالت أنا من غيرك ولا حاجه

منصور :- قبل رأسها ووضع رأسه على رأسها وتنهد بحزن

&&&&&&&&&&&&&&&&&&&&&&&&&&&

بالقاهره…….فيلا هشام

فى غرفة احمد

جلست نسرين على السرير ونظرت لاحمد بأستغراب وقالت

نسرين :- احمد

احمد :- اممممم

نسرين :- هو انت ليه مهزرتش مع أسماء زى ما متعود حتى مسلمتش عليها كويس وطلبت أننا ناكل هنا هو فيه حاجه ما بينكم

احمد :- ها ل.ل لاء عادى بس انا زعلان منها علشان رحيم شويه انتى مش شايفه شكل رحيم بقى عامل ازاى من يوم واحد بس سابته فيه

نسرين :-يعنى علشان كده بس

احمد :- اه علشان كده بس وشيلى الصراصير اللى بتمشى فى دماغك الجزمه دى

نسرين :- مش صراصير يا احمد انا متأكدة من احساسى أن أسماء فيه حاجه فى قلبها ليك

احمد :- نسررررررين اقفلى على الموضوع ده احسنلك انتى ممكن بغبائك ده توقعى الدنيا فى بعض وهو الموضوع مش ناقص

نسرين :- خلاص خلاص حاضر بس بلاش تعصب نفسك

احمد :- مش بتهدى غير لما تعصبى ام الواحد

نسرين :- طب خلاص حقك عليا

احمد :- نظر الاتجاه الثانى

نسرين :- علشان خاطرى متزعلش والله العظيم مش هتكلم فى الموضوع ده تانى انا اسفه

احمد :- مش بتصالح كده على فكره

نسرين :- اومال ازاى

احمد :- شوفى انتى بقى

نسرين :- اقتربت منه وقبلته قبله صغيره

احمد :- وانتى بتصالحى ابن اختك بوسى بذمه

نسرين :- على فكره بقى انت قليل الادب وانا فاهمه اللى فى دماغك كويس اوى

احمد :- قليل ايه يا اختى وبالنسبه للمباره بتاعت الصبح دى ايه ده انتى طلعتى مهاجم محترف

نسرين :- والله العظيم انت غلس وما عندك دم

احمد :- قهقه وقال وش كسوف اوى يا بت أن كنت ناسى اللى جره هات الدفاتر تتقراه

نسرين :- اخذت الوساده وقامت بضربه بيها

احمد :- اه يا بنت المجنونه

نسرين :- احسن علشان تلم نفسك ومتتكلمش معايا كده تانى غلس

احمد :- اقترب منها واخذها داخل أحضانه وقال مجنونه بس بموت فيكى

نسرين :- وانا بعشقك اوى يا احمد

احمد :- بغمزه طيب ايه شكلها ليله عنابى

نسرين :- لااااااا بقولك ايه انا عندى مغص وروحى عند مناخيرى

احمد :- يا بت متبقيش فقريه

نسرين :- لاء انا فقريه

احمد :- هتخسرى

نسرين :- معلش انا واحده فقريه وبحب اخسر تصبح على خير يا حمودى

احمد :- يا ايه

نسرين :- حموووودى

احمد :- لاء بعد حمودى دى مش هقدر اصبر حلال الله أكبر واقترب منها و(……)

&&&&&&&&&&&&&&&&&&&&&&&&&&&&

بالاسكندريه……فيلا اشرف

فى غرفة جاسر

جلست مى على الأريكة وزفرت بضيق نظر لها جاسر وتنهد وقال

جاسر :- خير يا ميوشه بتنفخى ليه يا حبيبتى

مى :- زهقت من قعدت البيت عايزه أخرج بقى

جاسر :- اممم هرمونات اخر الليل يا حبيبت قلبى بعد ما الدكتوره تطمنا ابقى اخرجك وازهقك خروج

مى :- يوووووه لسه هستنى كل ده

جاسر :- معلش تعالى على نفسك شويه وبعدين الفيلا اليومين دول فيها امك ومرات عمى وجدى انزلى اقعدى معاهم طول النهار

مى :- لاء انا عايزه اشوف الشارع ادوس على الاسفلت انت متجوزنى علشان تحبسنى فى البيت لو اعرف ان الجواز كده مكنتش اتنيلت واتزفت

جاسر :- اللهم طولك يا روح

مى :- انا عايزه أطلق

جاسر :- نظر لها بصدمه وقال نعم

مى :- عايزه أطلق واعيش حره زى الاول انا مش بحب اتحبس كده

جاسر :- لااااااا انتى اتجننتى على الاخر يا مى وانا الصراحه زهقت وجبت أخرى انا هنزل لجدى وهو يتصرف معاكى وخرج من الاوضه وتركها

مى :- جلست على الأريكة والدموع انهمرت من عيناها

جاسر :- نزل إلى الأسفل وجد جده جالس على الأريكة جلس بجواره ونظر له وقال جدى عايز اقولك حاجه

سويلم :- قول يا ابنى

جاسر :- تنهد وقال منور الفيلا والله

سويلم :- بنورك يا حبيبى مى عامله معاك ايه

جاسر :- زى الفل عشره على عشره مطيعه ومش بتكسر ليا كلمه أبدآ

سويلم :- طيب كويس ربنا يسعدكم يا ابنى

جاسر :- ويخليك لينا

اشرف :- السلام عليكم واحشنى اوى يا أبا وقبل يده

سويلم :- عامل ايه يا ابنى

اشرف :- بخير طول ما حضرتك بخير

خديجه :- ازيك يا بابا

سويلم :- الحمدالله يا بنتى عامله ايه

خديجه :- بخير يا حبيبى

جاسر :- حمدالله على السلامه يا مرات عمى

منال :- الله يسلمك يا حبيبى مراتك عامله ايه

جاسر :- كويسه الحمدالله سبتها تريح شويه فوق

منال :- ربنا يكملها على خير ونظرة فى الفيلا وقالت اومال رضوى فين لسه مجاتش

سويلم :- جات فوق اطلع يا جاسر نادى عليها

جاسر :- حاضر يا جدى

اشرف :- بابا مش عايز تعرف منصور عامل ايه

سويلم :- لاء

خديجه :- منصور تعبان يا بابا وعنده السكر

سويلم :- تنهد وقال ربنا يشفيه

منال :- اسأل عليه علشان خاطرى يا عمى

سويلم :- كفايه انتى سألتى عليه يا منال

منال :- انت ابوه واكيد مكالمتك هتفرق معاه

سويلم :- قفلى على الموضوع ده يا منال

رضوى :- وهى تركض من أعلى الدرج قالت بسعاده ماما حبيبتى واحشتينى اوووووى وارتمت داخل احضانها

منال :- ضمتها داخل احضانها وقالت واحشتينى يا ضى عينيا عامله ايه يا حبيبتى

رضوى :- تعبانه اوى فى البعد عنك

سليم :- حمدالله على السلامه نورتى الفيلا يا مرات عمى

منال :- بنورك يا حبيبى عامل ايه يا ابنى

سليم :- الحمدالله

رانيا :- هاى

منال :- مين دى

رانيا :- انا مرات سليم نورتوا يا جماعه

منال :- نظرت بصدمه وقالت..

قد يهمك أيضاً :-

  1. رواية انتقام وعشق الفصل الخامس عشر 15 - بقلم اميرة محمود
  2. رواية يا انا يا هي (عشق الجاسر) الفصل الخامس 5 بقلم هاجر عبدالحليم
  3. رواية حبك نار الفصل التاسع عشر 19 بقلم اسماء الكاشف
  4. رواية غرام قلبي الفصل الأول 1 بقلم نبض القلب
  5. رواية غرام قلبي الفصل الثالث 3 بقلم نبض القلب
  6. رواية غرام قلبي الفصل الثاني 2 بقلم نبض القلب
  7. رواية غرام قلبي الفصل الرابع 4 بقلم نبض القلب

التعليقات

اترك رد