التخطي إلى المحتوى

     رواية أحببت مريض نفسي  الفصل الثاني بقلم ندى ياسر

عشان انا هتجوزك ..

– ‏تتجوزيني !؟

– ‏انت مجنون ي ابني، يعني تخطفني عشان اتجوزك غصب عني  ..

– ‏هوا هتتجوزيني شهرين بس 

– ‏وانا لعبه بقي ومفكرني هوافق انت بني ادم مش طبيعي 

-لا طبيعي لي الكل بيقولي مجنون انا مش مجنون بقولك ..

ندي حست اللي عملته غلط وغير كدا هيا دكتوره نفسيه وعارفه قد اي انها لما تقول لمريض عندها أنه مجنون بيتعصب ف هيا متخضتش من رد فعله بس كانت متأكده أن وراء كل اللي بيعمله دا حكايه طويله .

-انت مش مجنون ،بس انا معرفش حضرتك مين ومعرفش اي السبب اللي يخليك تتجوزني لا وكمان شهرين بس ، وبرضو لي اخترتني انا لي مثلا مش حد تاني ، دماغي فيها الف سؤال و سؤال ومش لاقيه اجابه…

-انا تميم البرغوثي بتهايالي سمعتي عني قبل كدا واكيد سمعتي عن عائلة البرغوثي وعن اكبر شركاتهم ، انا لابن لأكبر في العيله وهتجوزك عشان بيقولو عليا مجنون وعايزين يودوني مستشفى الامراض العقلية اللي حضرتك بتشتغلي فيها وطبعا عشان انا مش مجنون مش هروح بس هتيجي تقعدي في البيت وتقولي انك دكتورتي وبعد شهرين م تقعدي معانا تقولي ان انا طبيعي عشان اعرف اخد ورثي في الشركات لأن جدي لو مروحتش مستشفى مش هيوافق اخد ورثي ..

-‏طب لي نعمل كدا بالجواز م ابقي دكتورتك من غير جواز….

-‏اهلك مش هيوافقو انك تقعدي مع حد غريب في اوضه واحده ثم إن اهلي هيثقو في اي كلمه هتقوليها لأنهم اكيد هيبقي متأكدين انك مش هترضي لجوزك بالسوء ف عشان كدا لازم اتجوزك وهما شهرين بس وبعد كدا هطلقك …

-‏وان قولتلك مش موافقه علي اللي بتقوله دا ..

-‏لا م هوا مش بمزاجك للاسف دا غصب عنك، وشويه و المأذون جاي عشان يكتب كتب الكتاب وبعدين هنروح بيتي و اعرفك علي العيله ..

______________

♡~في بيت ندي ~♡

 خالد والد ندي الي والدتها : اهو كل دا بسببك انتي، انتي اللي فضلتي تقنعي فيها رغم أنها مكنتش موافقه اهي في لآخر هربت اهي عشان متتجوزوش ..

 ‏

-‏فاطمه والدته ندي : بقي في لآخر تقول دا بسببي انا ..

-‏خالد : ايوا بسببك ،عشان عايزاها تتجوز ابن اختك ..

-‏فاطمه : علي اساس انك مكنتش موافق وبتقولي مناسب ..

-‏خالد : بس قولتلك هيا لو مش موافقه مش تغصبيها ..

-‏فاطمه : مغصبتهاش علي حاجه ، هيا اللي موافقه بقرارها ..

سليم اخو ندي بصوت عالي : بس انتو لاتنين كفايه بقي انتو اي مش بتحسو بتزعقو واحنا منعرفش ندي فين دلوقتي وإلا راحت فين ..

خالد : انا هنزل اعمل محضر في الشرطه …

سليم : لسه مينفعش لازم يعدي 24 ساعه بالاختفاء عشان نعرف نعمل محضر ، انا هنزل ادور عليها بنفسي  ..

خالد : خدني معاك ي سليم ..

سليم : طب يلا ..

_____________

خرج تميم براااا يستني صاحبه لما يجي هوا والمأذون ..

وندي حاولت تهرب وكان بالنسبالها سهل عشان كان فكها وخرج ..ي تري بقي هتعرف تهرب وإلا اي ؟

قد يهمك أيضاً :-

  1. رواية انتقام وعشق الفصل السابع عشر 17 - بقلم اميرة محمود
  2. رواية روح الفؤاد الفصل الثالث 3 - بقلم اسراء ابراهيم
  3. رواية روح الفؤاد الفصل الرابع 4 - بقلم اسراء ابراهيم
  4. رواية روح الفؤاد الفصل الخامس 5 - بقلم اسراء ابراهيم
  5. رواية روح الفؤاد الفصل السادس 6 - بقلم اسراء ابراهيم
  6. رواية الطفلة والجبار الفصل الأول 1 بقلم ميرا ابوالخير
  7. رواية الطفلة والجبار الفصل الثاني 2 بقلم ميرا ابوالخير

التعليقات

اترك رد