التخطي إلى المحتوى

     رواية زواج غير مدبر الفصل الثامن والعشرون بقلم أسماء سلام

رحاب اول ما شافت المنظر صرخت من الفرحة ولفت وحضنت حسام وقالت

رحاب بحبك اوى

حسام وانا كمان يا روحى ، ايه رأيك فى الهدية دى ، دى الاوضة بتاع ولادنا

رحاب جميلة اوى بس احنا منعرفش ولد ولا بنت

حسام مش مهم يا روحى ، دول رزق من عند ربنا وممكن بكرة نروح ونعرف علشان ترتاحى

رحاب تمام يا حبيبى

حسام تعالى افرجك على الاوضة

حسام ورى رحاب الاوضة والدولاب اللى صممه خصوص ليهم والرسومات واللعب

رحاب واو يا حسام بجد روعة بس امتى عملت دول

حسام كنت كل يوم باجى من الشغل بدرى واجيب النقاش يعمل الاوضة ويمشى قبل ما تيجى

رحاب ربنا يخليك ليا

حسام تعالى معايا اوريكى اوضة الالعاب الرياضية

رحاب جميلة يا حسام

حسام أنا لاحظت انك بتيجى كتير فزودت لعب علشانك ، تعالى نقعد وقوليلى عملتى ايه النهاردة فى الشغل واتصرفتى ازاى مع الموظفين هناك

رحاب قعدت تحكيله اللى حصل بس محكتش ليه على زياد علشان ميغرش عليها ويقعد يفكر يا ترى زياد هيعمل ايه معايا بس بدأت تعيط خفيف كده

حسام طب بتعيطى ليه دلوقتي

رحاب علشان قالولى انى خطافة الرجالة وأتى علشان عانس بصيت لخطيب أختى وخليته يقع فى حبى ويتجوزنى

حسام حضنها وقال مدام كلامهم غلط واحنا صح متحطيش فى دماغك حاجة واعرفى أنا ربنا معانا

رحاب حاضر بس عاوزاكى توعدنى انك متتخلاش عنى ابدا

حسام اوعدك بس ليه دلوقتى

رحاب عادى يعنى

حسام حاضر يا حبيبتي يلا ندخل نغير وبعدين نروح لاهلك

رحاب طب خليها يوم تانى لانى تعبانه شوية وعايزة انام

حسام تمام اللى يريحك

رحاب حسام أنا عايزة اكل فراولة

حسام فراولة ايه اللى دلوقتي، ده مش الموسم بتاعها

رحاب مليش دعوة ، أنا نفسى اكل فراولة ودلوقتي

حسام يا حبيبتى ايه اللى جاب على دماغك الفراولة دلوقتي

رحاب أنا بتوحم على فراولة ولا عايز ابنى أو بنتى يطلعلوا وحمة فى جسمة علشان ايوه رفض يجيبله

حسام حاضر يا روحى قومى غيرى وانا هنزل اجيبلك الفراولة وجاى

رحاب ماشى

رحاب دخلت غيرت وبعدين دخلت تعمل الاكل وفجأة جت ليها رسالة ففتحتها

….. اتهنى بيه شوية علشان هخده

رحاب مين معايا

….. مش مهم مين بس انا هاخد حاجتى منك

رحاب حاجة ايه وانتى مين

….. قولتلك مش مهم سلام يا رحاب

رحاب استغربت انها عارفه اسمها فده يدل أنها عارفاها شخصيا بس قالت مش مهم ورجعت تعمل الاكل

حسام رجع وجاب معاه الفراولة

رحاب خدتها وغسلتها وقعدت تاكل فيها بشراهة

حسام ايه يا حبيبتى براحة

رحاب مش عارفه مالى بس انا عايزة اكلها كده

حسام ماشى يا روحى بالهنا والشفاء

بالليل

رحاب يا حسام انزل هات لب وسوداني وخلينا نسهر النهاردة ونتفرج على فيلم حلو كده

حسام فكرة حلوة هنزل اجيب عقبال لما تختارى فيلم حلو

حسام نزل جاب السودانى والتسالى ورجع وكانت رحاب مجهزة الفيلم والمكان والفاكهة

رحاب اختارت فيلم جديد رومانسى

حسام ورحاب بدأوا يتفرجوا على الفيلم واندمجوا معاه اوى ولما كان بييجى مشهد رومانسى رحاب كانت بتتكسف وخدوها بتحمر وتغمض عينيها

رحاب لاحظت أن حسام مندمج مع الفيلم اوى وخصوصا مع المشاهد الرومانسية ولما البطلة تهتم بنفسها زى البطل فقررت تعمل حاجة لحسام نفسها تعملها بقلها كتير بس معندهاش الجرأة على كده بس لازم تتشجع لانه زوجها مش حد غريب

رحاب استأذنت من حسام أنها تدخل الاوضة تجيب حاجة وبعد شوية ندهت عليه وقالتله يطفى التليفزيون ويجى

حسام طفى التليفزيون ودخل لرحاب الاوضة واول لما شاف منظر رحاب انذهل مكانه

رحاب كانت لابسه قميص نوم احمر يظهر أكثر ما يخفى

حسام واقف مكانة مش عارف يعمل ايه

رحاب قربت منه بدلع وبتتمختر وقالت ايه رأيك يا حبيبى ، أنا ولا الممثلة اللى فى الفيلم

حسام بسرعة انتى طبعا يا حبيبتى، انتى طبيعى لكن هى بتحط ميكب وكله صناعى

رحاب بصت فى عينه ولفت ايديها حوالين رقبته وقالت ها وبعدين ايه رأيك فيا

حسام بلع ريقه لأن رحاب اول مرة تعمل كده معاه وده شىء مخليه سعيد جدا

حسام انتى جميلة اوى يا رحاب

رحاب بتحبنى يا حسام

حسام اوى اوى يا روحى وبعدين قال أنا مش قادر على كل ده

رحاب بصتله وهى مش فاهمة كلامه

حسام مش قادر على الجمال ده وفجأة شال رحاب ونزل بيها على السرير وقعد يقبلها على جسمها كله ………..🙈🙈🙈🤭🤭🤭

وهنا تسكت شهرزاد عن الكلام الغير مباح

فى الصباح

حسام عمال يلعب فى شعر رحاب علشان تصحى

حسام صباح الخير يا روحى

رحاب صباح الخير يا حبيبى

حسام ايه النوم ده كله

رحاب بخجل دارت وشها فى صدره وقالت بس بقى

حسام لأ قولى ايه النوم ده كله

رحاب معرفش اسأل نفسك عملت فيا ايه امبارح

حسام أنا معملتش حاجة ، مش انتى اللى كنت متزوقة ليا

رحاب عادى زوجى حبيبى وبهتم بيه حرام يعنى

حسام لأ مش حرام بس انتى عملتى كده علشان كنتى غيرانه من الممثلة

رحاب ولا غيرانه ولا حاجة أنا اصلا اجمل منها

حسام طبعا يا روحى بس مدام هتعملى فى نفسك كده وتهتمى بيا فأنا اتفرج على كل أفلامها بقى

رحاب قامت قعدت وقال ابقى اعملها يا حسام وشوف أنا هعمل فيك ايه

حسام والله بهزر يا حبيبتى، مفيش احسن ولا اجمل منك فى عينى ، انتى حلالى يا رحاب والحلال طعمه احسن مليون مرة من الحرام واتأكدى انى بحبك اوى وعمرى فى يوم ما هبص لواحده غيرك ابدا

رحاب حضنته وقالت وانا كمان بحبك اوى يا حسام وربنا يقدرنى واسعدك دائما

حسام مدام عايزة تسعدينى وقام شالها وقال يبقى ناخد دش سوا

حسام خلصوا دش وغيروا وفطروا وراحوا الشغل

فى الشغل

رحاب بقت قوية مش زى الاول ولما اى حد يكلمها عن زوجها بتتكلم عادى

فجأة جتلها رسالة من نفس رقم امبارح

….. لايقين على بعض بس مش هتكلموا مع بعض

رحاب انتى مين وتعرفينى منين وعايزة منى ايه

….. مش مهم تعرفى أنا مين بس افهمى كلامى كويس

رحاب لو مردتيش عليا هعملك بلوك

….. اعملى براحتك مش مهم بس انا حذرتك

رحاب عملت بلوك للشخص ده

رحاب عماله تشتغل عادى وفجأة جت ليها رسالة من رقم غريب

….. عملتيلى بلوك يعنى ، ابعدى احسن

رحاب انت مين ولا انتى مين وابعد عن مين

….. يعنى مش هتيجى بالزوق يبقى بالعافية

رحاب ردى عليا وتعالى وجهينى وجه لوجه وقوليلى انتى مين وعايزة منى ايه

….. متخافيش أنا هقابلك قريب

الشخص ده بعت لرحاب صورة وهى امبارح مع حسام وهو بيوريها اوضة الاطفال وصورة وهى لابسه الفستان الاحمر القصير

….. ايه رايك فى الصور ولا ابعتلك وانتى على السرير مع زوجك ومع بعض

رحاب مصدومة ازاى الشخص ده قدر يجيب الصور دى وبعدين قالت

رحاب انت جبت الصور دى ازاى وعايز منى ايه

….. مش مهم جبتها ازاى و هقولك فى الوقت المناسب أنا عايز منك ايه

رحاب انت راجل ولا ست الاول

….. تصدقى انتى طلعتى واحدة مغفلة لانك سألتى السؤال ده

رحاب بلاش غلط وقول انت راجل ولا ست

….. أنا ست وعايزة اقولك على حاجة خلى بالك من طفلك كويس

رحاب حطت ايديها على بطنها وقالت انتى عايزة منى ايه ، أنا معرفكيش ومأذتكيش علشان تعملى فيا كده

….. لأ اذيتينى اوى كمان بس انا بحذرك يلا سلام

رحاب لقت أن الست دى قفلت

رحاب يا ترى مين دى وتعرفنى منين وجابت الصور ازاى وليه بتقولى خلى بالك من ابنى ، أنا خائفة لتأذيه وبردو ازاى جائت صور اوضة النوم بتاعتى ، أنا خائفة جدا

رحاب استأذنت وروحت بدرى لأنها مش عارفه تركز بعد المحادثة مع البنت دى

حسام جه ولقى رحاب قلقانة وشكلها مش كويسه

حسام مالك يا روحى فيكى ايه وليه مكلمتنيش علشان اجى اخدك

رحاب اصل خدت إذن وجيت بدرى

حسام ليه يا رحاب ، فى ايه ، تعبانه ولا حاجة

رحاب لأ يا حبيبى أنا كويسه بس حاسه انى دايخة وده من أعراض الحمل فجيت

حسام ماشى يا حبيبتي يلا ادخلى ارتاحى شوية

رحاب دخلت تنام بس معرفتش وعماله تفكر مين الست دى وعايزة منها ايه وقررت متقولش لحسام علشان ميقلش عليها

بالليل رحاب عملت الاكل واتعشت هى وحسام ودخلوا علشان ينانوا فحسام جه علشان يقرب منها بس رحاب قعدت تتلفت حواليها علشان تعرف لو فى كاميرات مراقبة ولا حاجة

حسام مالك يا رحاب فى ايه

رحاب مفيش يا حبيبى بس تعبانه النهاردة ومش قادرة ممكن تخليها يوم تانى

حسام عادى يا حبيبتى طب تعالى نامى فى حضنى

رحاب قالت لأ كل واحد ينام عادى

حسام متأكدة انك كويسه ؟ او مش زعلانه منى

رحاب والله ابدا يا حبيبى بس متضايقة شوية

حسام تمام يا رحاب وبعدين جه علشان يقبلها على شفتيها بس رحاب بعدت

حسام اتضايق وقال فى ايه يا رحاب ، مش عايزانى المسك خالص ليه

رحاب فى نفسها مينفعش اقولك يا حبيبى علشان ممكن لو فى كاميرا تكون هى بتراقبنى منى وتعرف انك عرفت وكمان مش عايزاك تقرب منى بأى شكل علشان متصورنيش اصل انا معرفش هى ممكن تعمل بالصور دى ايه

حسام ردى عليا

رحاب مفيش بس حاسه انى تعبانه

حسام الف سلامة عليكى يا حبيبتى ، يلا نامى يلا تصبحى على خير

رحاب وانت من اهل الخير

تانى يوم

رحاب جتلها رسالة من نفس الشخص

….. حلو اوى الحو اللى عملتيه امبارح مع زوجك ده وانك مرضتيش تخليه يقرب منك

رحاب انتى عرفتى منين وكمان مينفعش تتجسسى على واحد ومراته كده عيب وحرام

….. طب وانتى ليه مقولتيش أنه حرام لما خدت حاجة مش بتاعتك

رحاب خدت ايه منك ؟ هو انا اعرفك اصلا ، قوليلى أنا خدت منك ايه

….. هقولك بعدين بس اعرفى ان سعادتك قربت تنتهى

رحاب لأ قولى دلوقتي

….. سلام يا ماما

رحاب مش عارفه تركز فى الشغل والمدير زعقها وقال لو الحمل تعبك ومش قادرة تشتغلى هدى إجازة بظل ما تشتغلى غلط

رحاب اسفة يا فندم ، اخر مرة هتحصل

فى البيت

حسام ازيك يا حبيبتى عامله ايه دلوقتي

رحاب الحمد لله

حسام يا رب دايما

بالليل

حسام حاول يقرب من رحاب بس هى رفضت وقالت انها تعبانه والدكتورة قالت إنه المفروض يبعد عنها فترة

حسام ماشى ابعد فترة بس ده ميمنعش انى ابوسك أو احضنك

رحاب هى قالت كله

حسام عرف أن رحاب بتكذب عليه فسابها ودخل غرفة الالعاب الرياضية

رحاب قعدت تعيط وتقول عارفه انه صعب عليك بس غصب عنى

حسام عمال بكرة على مشاية الجرى وهو بيقول

حسام ليه بتبعد عنى ، معقول مش عايزانى المسها بس ليه

تانى يوم

رحاب وحسام راحوا عملوا سونار وتعرفوا ان رحاب حامل فى بنت

حسام كان مبسوط اوى بس رحاب كانت قلقانه علشان الست اللى بتهددها وخائفة على بنتها

كل يوم حسام بحاول يقرب من رحاب وهى ترفض لحد ما تعب منها وبقى يبعد عنها خالص

فى يوم

حسام بغضب لأ كده كتير اوى ، بقالنا حوالى اسبوع كل لما احاول اقربلك تبعدى عنى مع ان الدكتورة قالت عادى لو حصلت علاقة بينا يعنى مفيش مشكلة على الطفلة فليه عماله تبعدى

رحاب بعياط غصب عنى

حسام غصب عنك ايه هو فى حد جبرك ، لو مش عايزانى المسك قوليلى بدل ما اقرب وترفضينى وتحسيسينى انى مقرف

رحاب الموضوع مش كده

حسام طب ايه الموضوع

رحاب معلش سيبنى فترة علشان حزينة شوية

حسام حزينة من ليه قوليلى ، أنا زوجك حبيبك مش حد غريب ، أنا سبتك اسبوع بس كل يوم الوضع بيسوء اكتر ، أنا عايز أسألك سؤال هو فى حد غيرى فى حياتك

رحاب ايه اللى انت بتقوله ده يا حسام

حسام ما هو ده السبب المنطقى اللى يخليكى تبعدى عنى وعايزانى حتى احضنك أو تنامى فى حضنى

رحاب بعياط غصب عنى والله

حسام بغضب دى بقت عيشة تخنق و قام لبس وطلع بره

رحاب قعدت تعيط وفجأة جتلها رسالة

…. حلو اوى ده

رحاب انتى هتستفادى ايه لما تفرقينا عن بعض

….. ملكيش دعوة و اعملى اللى بقولك عليه لاما هعمل زى ما قولتلك وهنشر صورك وانتى وزوجك على النت وهتبقى فصيحة على الملأ ومش هتعرفى تورى وشك الناس انتى وزوجك

رحاب حرام عليكى كده

….. ماشى يلا سلام يا قمر

عدى اسبوع كمان وحسام بعد تماما عن رحاب وبقى عنده شك أن فى حد فى حياة رحاب غيره

فى يوم

الجرس رن فحسام قام يفتح

حسام …….

قد يهمك أيضاً :-

  1. رواية مُعاناة القدر الفصل الثاني 2 - بقلم ندى رضا عبدالمحسن
  2. رواية مُعاناة القدر الفصل الأول 1 - بقلم ندى رضا عبدالمحسن
  3. رواية مُعاناة القدر الفصل الرابع 4 - بقلم ندى رضا عبدالمحسن
  4. رواية مُعاناة القدر الفصل الثالث 3 - بقلم ندى رضا عبدالمحسن
  5. رواية حب في عمليات خاصة الفصل الثالث والعشرون 23 بقلم ملك أيمن
  6. رواية احببت بكماء الفصل السابع 7 بقلم هاجر عمر
  7. رواية احببت بكماء الفصل السادس 6 بقلم هاجر عمر

التعليقات

اترك رد