التخطي إلى المحتوى

رواية عشقت الشمس الفصل الثاني – بقلم سارة عبدالباري

 رواية عشقت الشمس الفصل الثاني

 وقفنا البارت إللى فات لما مريم واحمد وصلو قدام اوضه مامت شمس

مريم اعرفكم ببعض ابيه احمد اخويا ودى شمس صحبتى.

أحمد وشمس بصو لبعض بصدمه.
أحمد هو انتى
شمس انت
مريم بدهشه انتو تعرفو بعض.

أحمد بغضب الاستاذه هزقتنى الصبح كانت ماشيه مش باصه قدامها وعربيتى كانت هتخبطها .

شمس انا برضو ولا انت اللى كنت هتخبطنى بعربيتك.

مريم بس خلو خلافاتكم دلوقتى على جنب اهم حاجه نشوف مامت شمس علشان تعملها العمليه.

أحمد وانتى متخيله انى أوافق انا مستحيل اساعد البنى آدمه دي باي وسيله.

شمس بغيظ وانا مش محتاجه اى مساعده منك ولو اعرف ان انت صاحب المستشفى انا مكنتش جبت ماما هنا.

مريم أهدى يا شمس مامتك تعبانه. واكيد ابيه احمد هيعملها العمليه. انا اسفه يا ابيه بالنيابه عن شمس.

أحمد بابتسامه لا انا مش هعمل العمليه غير لما توافقي بشرطى.

شمس وهو اى شرطك ان شاء الله.

أحمد نتجوز.

شمس بصدمه انت انت اكيد اتجننت.

مريم انت بتقول اى يا ابيه.

أحمد إللى هيا سمعته وعايز اقولك ان المستشفيات كلها فى اسكندريه بأسمي حتى المستوصف إللى امك كانت بتاخد منه العلاج ياعنى امك مش هتتعالج يا حرام.

شمس وهى على وشك الانهيار انت حيوان ولسه هترفع ايديها علشان تضربه.

أحمد مسك ايديها انتى مش قد الحركه دى يا قطه واحسن لك تسمعى الكلام. بعد اذنكم.

مريم كانت مصدومه معقول ده أحمد إللى بيساعد اى حد معقول كميه الكرة دى لشمس.

مريم شمس أهدى انا مش عارفه ابيه بيعمل لي كدا بس ارجوكى أهدى انا هكلمه وهو هيعمل العمليه.

شمس لا

مريم هو اى اللى لا مامتك حالتها متأخرة يا شمس.

شمس وانا مش محتاجه شفقه من حد وشكرا ليكى يا مريم انا هاخد ماما وهنرجع الصعيد.

مريم و هتسبينى يا مريم انتى علشان عرفتى ان ابيه احمد اخويا بتعملى كدا.

مريم ياريتنى ما شوفتك على الاقل مكنتش اتهنت كدا اخوكى ده مش انسان.ياريتك ماعشمتينى ان امى هتتعالج كدا…

مريم طلعت من المستشفى منهارة وفجأه خبطت فى أثر.

أثر مريم مالك اى اللى حصل انتى كويسه.

مريم اترمت فى حضن أثر وانهارت من العياط شمعنا انا بيحصل معايا كدا مليش صحاب ومحدش بيحبنى حتى ماما وبابا سبونى من وانا صغيرة ويوم مايبقي ليا صاحبه تتخلى عنى من اول يوم وكل ده بسبب ابيه احمد.

أثر طيب ممكن تهدى علشان خاطرى وتحكى لي اى اللى حصل.

مريم خرجت من حضن أثر وبدأت تمسح فى عينيها زى الأطفال…

مريم حكت لاثر إللى حصل مع شمس واحمد.

أثر خلاص ياستى متزعليش انا هكلم احمد. بس ممكن متزعليش نفسك.

مريم انا تعبت اوى يااثر هو لي انا اللى بيحصل معايا كدا…

أثر بحزن وتأثر أنا مش عايزك تفكرى كدا ابدا إللى حصلك ده قضاء وقدر واكيد ربنا كتب لك حاجه احسن انا مش عايز اشوفك ضعيفه كدا يا مريم.

مريم شكرا لك يا أثر انا مش عارفه اقولك اى.

أثر متقوليش حاجه شدى حيلك بس وزاكرى علشان تجيبى مجموع وتدخلى كليه الطب.

مريم ان شاء الله. همشي انا بقي سلام.

أثر سلام.

أثر فى نفسه سلام يا اغلى حاجه في حياتي. ان شاء الله هعوضك عن اى حاجه مريتى بيها يا مريم.

##########
فى شقه شمس.

مامت شمس بدأت تفوق اه أنا اى اللى حصلى.

شمس حمد الله على السلامة يا ماما طمنينى انتى كويسه دلوقتى.

الأم. الحمد لله احسن.

شمس يالا علشان تاكلى.

الأم. انتى مروحتيش المدرسه يا شمس.

شمس ياعنى اروح واسيبك يا ست الكل اطمن عليكي الأول..

الأم انا الحمد لله بخير يا حبيبتى.

شمس دايما يا رب بخير.

##########
فى المستشفى.

أثر ممكن افهم اى اللى انت ناوى عليه بالظبط… جواز اى ده البنت من سن مريم واى ذنبها انها تهددها بعمليه امها حرام عليك يا احمد.

أحمد انا حر اعمل إللى انا عايزة مش احمد الأنصارى إللى حتت بت زى دى تغلط فى لازم اكسرها.

أثر طيب ومريم مفكرتش فيها حرام عليك دى كانت منهارة. شمس صاحبتها وقطعت علاقتها بيها بسببك. مريم فى سن محتجالك في افهم بقى.

أحمد انا مش هغير قرارى ومريم انا هعرف هتصرف معاها أزاى. حت لو اضطريت انى اوديها لدكتور نفسي.

أثر شكلك انتى اللى محتاج لدكتور نفسي ياأحمد.

أحمد أثر الزم حدودك. واضح انك نسيت انت بتكلم مين.

أثر اه عندك حق واضح انى نسيت بعد اذنك.

##########
فى فيلا الأنصارى.

أحمد مساء الخير يا دادا فاطمه.

فاطمه مساء النور يا احمد بيه.

أحمد مريم اتعشت.

فاطمه لا يا بنى ما اكلتش حاجه خالص انهارده.

أحمد طيب جهزى العشا يا دادا وطلعيه اوضه مريم.

فاطمه تحت امرك يا احمد بيه.

أحمد طلع وخبط على أوضة مريم.

مريم قولت مش هاكل يا دادا.

أحمد بس انا احمد.

مريم ابيه.

أحمد ممكن اعرف انتى لى مااكلتيش انهارده.

مريم بغيظ مليش نفس.

أحمد طيب ولو قلتلك علشان خاطرى.

مريم وانفجرت بالبكاء خاطرك طيب وانا خاطرى فين لى كل مرة بتبعدنى عن الحاجه إللى بحبها انا مليش حد فى الدنيا دى ماما وبابا وماتو وانا صغيرة حتى شمس كرهتنى بسببك انا تعبت تعبت.

أحمد صعبت عليه مريم و شدها لحضنو اشش أهدى يا روحى انتى عارفه ان مليش حد غيرك واى حاجه بعملها لمصلحتك صحاب المدرسه انا مانعك عنهم لان عارف هما بيستغلوكى.يا مريم انتى لسه صغيره ومش فاهمه حاجه.

مريم طيب وشمس.

أحمد مالها شمس.

مريم احمد علشان خاطرى اعمل العمليه لمامه شمس انا مش عايزاها تعيش من غير امها الفراق صعب اوى.

أحمد خلاص يا روحى أهدى انتى الأول وكل حاجه هتبقى تمام.

باب الاوضه خبط الاكل يا احمد بيه.

أحمد اتفضلى يا دادا.

أحمد لمريم يالا بقي علشان نأكل مع بعض.

مريم بحزن انت عارف احنا مااكلناش مع بعض لينا قد ايه.

أحمد بحزن عارف انى مقصر معاكى بس والله غصب عني واوعدك ياستى انى هفضى جزء من وقتى علشان اقضيه معاكى يالا بقي لحسن الاكل برد.

مريم واحمد اكلو مع بعض ومريم نامت.

#######
تانى يوم فى مستشفى الأنصارى.

السكرتيره. دكتور احمد فى واحده بره اسميها شمس عايزة تقابل حضرتك.

أحمد بابتسامه انتصار خليها تدخل.

السكرتيره اتفضلى..

شمس دخلت وكانت باصه فى الأرض.

أحمد خير جايه تكملى وصلة التهزيق.

شمس انا انا موافقه على الجواز.

يتـبـــــــــــــــــــــــع الفصل الثالث اضغــــــــط هنا
الفهرس يحتوي على جميع فصول الرواية “رواية عشقت الشمس” اضغط على اسم الرواية
 

قد يهمك أيضاً :-

  1. رواية كان صديق زوجي كاملة بقلم رحمة ايمن
  2. رواية كان صديق زوجي الفصل الثاني 2 بقلم رحمة ايمن
  3. رواية مُعاناة القدر الفصل الثاني 2 - بقلم ندى رضا عبدالمحسن
  4. رواية مُعاناة القدر الفصل الأول 1 - بقلم ندى رضا عبدالمحسن
  5. رواية مُعاناة القدر الفصل الرابع 4 - بقلم ندى رضا عبدالمحسن
  6. رواية مُعاناة القدر الفصل الثالث 3 - بقلم ندى رضا عبدالمحسن
  7. رواية حب في عمليات خاصة الفصل الثالث والعشرون 23 بقلم ملك أيمن

التعليقات

اترك رد