التخطي إلى المحتوى

رواية يوميات زوجة مجنونة البارت الأول 1 بقلم رحمة نجاح

_ بتحبني ..

_ اه بحبك ..

_ لا مش حساك ..

_ لا والله طب اعملك ايه ..

_ تحبني اكتر ..

_ وحياة امك ما ناقص وجع دماغ سيبيني في حالي علي الجواز علي اللي عايز يتجوزا يا شيخه ..

_ عاااا مش بتحبني طلقني حالًا ..

_ عارفه امك ده عندها ..

_ طب انا نسيت اقولك حاجه معرفش تهمك ولا لا ..

_ قولي يا آخرة صبري ..

_ انا حامل ..

“قالتها وهي تأكل الفشار وكأنها لم تقل شئ “

_ نعم ؟!

_ بقولك انا حامل يا مُصعب الموضوع مش مهم صح انا قولت كده بردو 

_ اه يا بنت المجانين انتي ، انتي حامل ومني ومقولتليش دا انتي ليلتك فحلقي يا بنت سميره ..

_ في ايه مالك؟!

_ غرام انتي هبله بتقوليلي انا حامل ولا كأن بتقولي انا عندي صداع ، انتي مش معقوله والله ..

_ لاوالله ما انتا لو مهتم كنت عرفت لوحدك ..

_ ليه شيفاني اختبار الحمل غوري يا غرام من وشي جتك نيله مش مخلياني افرح ..

_ طب انتا مش فرحان اني حامل منك ..

_ لا طبعًا فرحان انك شايله حتا مني ..

_ لا يا خويا ده بتاعي لوحدي ..

_ بتاع مين لوحدك ياختي ليه بتتكاثري ذاتيًا ؟!

_ علي فكره بقا انتا قليل الادب عبوشكلك انا قايمه اعمل كيكه احسن ..

_ لا انا كده مش هلاحق علي مصاريف البيت منك ..

_ مستكتر عليا الاكل يابن مها وبعدين ده ابنك مش انا وبعدين في حاجات مش كامله انزل هات الطلبات  ..

_ هنزل بس متعمليش مشاكل مع حد ..

_ عيب عليك ثق فيا ..

_ يبقا هنتحبس انهارده ، انجزي عايزه ايه .

_ خد الطلبات في الورقه دي ..

لينزل مُصعب حتا يجلب الطلبات وتجري غرام سريعًا الي الشرفه ..

_ عم محمد يا عم محمد ..

_ نعم يا بنتي ..

_ عندك سكر ؟!

_ اه يابختك احنا معندناش هيهيهي ..

_ يابنتي عيب كده انتي مش صغيره ..

_ انتي بتعملي ايه ..

_ نهار اسوح انتا لحقت جيت ..

_ هتبطلي مشاكل وحركات العيال ده أمته ..

_ طب بص هقولك حاجه مهمه جدا ..

_ قولي ..

_ بص احنا نعمل فيلم اكشن هتضرب ناس وبعدين تهرب منهم بسرعه وبعدين تطلع فوق جبل تنزل تقع في حبي ههههه يخرابي عليا عسل عسل والله 

_ اه يا بنت الظريفه غوري يا غرام اعملي الكيكه ..

_ حاضر يا باشا ..

لتدخل غرام الي المطبخ تعمل الكيك وتخرج بعد فتره وهي تصرخ ..

_ عاااااااا ..

_ اتحرقت صح ” قالها وهو يضحك بشده”

_ انتا مكنتش جايبها بنفس اصلا ..

_ كنت عامل حسابي عشان كده جبت كيكه جاهزه والله ..

نظرت له وهي تضحك مثل الطفله ..

_ مش بحبك من فراغ اصلًا خد قلبي مش عايزاه ..

قد يهمك أيضاً :-

  1. رواية غضب الرعد الفصل الرابع 4 - بقلم ميرا ابوالخير
  2. رواية غضب الرعد الفصل الخامس 5 - بقلم ميرا ابوالخير
  3. رواية غضب الرعد الفصل السادس والأخير - بقلم ميرا ابوالخير
  4. رواية أحببتها في منامي الفصل السابع 7 بقلم آية سلمان
  5. رواية الاميرة ياسمين عشق الأحمد الفصل الأول 1 بقلم شهد محمود
  6. رواية ضحية عشق الفصل الخامس عشر 15 والأخير بقلم لمار محمد
  7. رواية أحببت معذبي الفصل الخامس 5 بقلم بسمة صلاح

التعليقات

اترك رد